ഉരുളൊഴുകിയ പതിനൊന്നാം വാർഡ്; ഇവിടെ സ്ഥാനാർഥികൾ കിതക്കുന്നു

മേ​പ്പാ​ടി: മൂ​ന്ന് മു​ന്ന​ണി​ക​ളും പ്ര​തീ​ക്ഷ വെ​ച്ചു പു​ല​ർ​ത്തു​ന്ന മേ​പ്പാ​ടി പ​ഞ്ചാ​യ​ത്തി​ലെ പ​തി​നൊ​ന്നാം വാ​ർ​ഡ് പ​ക്ഷേ സ്ഥാ​നാ​ർ​ഥി​ക​ളെ വ​ല്ലാ​തെ വ​ല​ക്കു​ന്ന വാ​ർ​ഡ് കൂ​ടി​യാ​ണ്. ഉ​രു​ൾ ദു​ര​ന്ത​ത്തി​ന് ശേ​ഷം ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലാ​യി താ​മ​സി​ക്കു​ന്ന വാ​ർ​ഡി​ലെ 2300ൽ​പ​രം വോ​ട്ട​ർ​മാ​രെ ഒ​രു ത​വ​ണ​യെ​ങ്കി​ലും നേ​രി​ൽ​ക്ക​ണ്ട് വോ​ട്ട​ഭ്യ​ർ​ഥി​ക്കു​ക​യെ​ന്ന​ത് സ്ഥാ​നാ​ർ​ഥി​ക​ൾ​ക്ക് ഒ​രേ സ​മ​യം ശ്ര​മ​ക​ര​വും വെ​ല്ലു​വി​ളി​യു​മാ​ണ്.

പു​തി​യ വി​ഭ​ജ​ന​മ​നു​സ​രി​ച്ച് മു​ണ്ട​ക്കൈ, പു​ഞ്ചി​രി​മ​ട്ടം അ​ട​ക്ക​മു​ള്ള പ്ര​ദേ​ശ​മു​ൾ​പ്പെ​ടു​ന്ന ഭാ​ഗ​ങ്ങ​ളി​ൽ ഇ​പ്പോ​ൾ ജ​ന​വാ​സ​മി​ല്ല. പ​ഴ​യ പ​തി​നൊ​ന്നാം വാ​ർ​ഡാ​ണി​ത്. ചൂ​ര​ൽ​മ​ല പ​ന്ത്ര​ണ്ടാം വാ​ർ​ഡു​മാ​യി​രു​ന്നു. പ​തി​നൊ​ന്നാം വാ​ർ​ഡി​ൽ തൊ​ള്ളാ​യി​ര​ത്തി​ൽ​പ്പ​രം വോ​ട്ടു​ക​ളു​ണ്ടാ​യി​രു​ന്നു. ആ ​വാ​ർ​ഡ് ത​ന്നെ ഇ​പ്പോ​ൾ ഇ​ല്ലാ​താ​യി. പ​തി​നൊ​ന്നാം വാ​ർ​ഡി​നെ ചൂ​ര​ൽ​മ​ല പ​ന്ത്ര​ണ്ടാം വാ​ർ​ഡി​ലേ​ക്ക് ല​യി​പ്പി​ച്ചാ​ണ് പ​തി​നൊ​ന്നാം വാ​ർ​ഡ് രൂ​പ​വ​ത്ക​രി​ച്ച​ത്. ര​ണ്ട് വാ​ർ​ഡു​ക​ളെ​യും ചേ​ർ​ത്ത് രൂ​പ​വ​ത്ക​രി​ച്ച പ​തി​നൊ​ന്നാം വാ​ർ​ഡി​ൽ 2300ൽ​പ​രം വോ​ട്ട​ർ​മാ​രു​ണ്ട്.

ഉ​രു​ൾ ദു​ര​ന്ത​ത്തി​ൽ​പ്പെ​ട്ട് 298 പേ​ർ മ​രി​ച്ചു എ​ന്നാ​ണ് ഔ​ദ്യോ​ഗി​ക ക​ണ​ക്ക്. അ​തി​ൽ 275 പേ​രെ​ങ്കി​ലും പ​തി​നൊ​ന്ന്, പ​ന്ത്ര​ണ്ട് വാ​ർ​ഡു​ക​ളി​ലെ വോ​ട്ട​ർ​മാ​രാ​യി​രു​ന്നു എ​ന്ന് രാ​ഷ്ട്രീ​യ പാ​ർ​ട്ടി പ്ര​വ​ർ​ത്ത​ക​ർ പ​റ​യു​ന്നു. നോ ​ഗോ സോ​ൺ മേ​ഖ​ല​യാ​യ​തി​നാ​ൽ ഇ​വി​ടെ ജ​ന​വാ​സം അ​നു​വ​ദ​നീ​യ​മ​ല്ല. പ​ന്ത്ര​ണ്ടാം വാ​ർ​ഡി​ൽ ഉ​ൾ​പ്പെ​ടു​ന്ന ചൂ​ര​ൽ​മ​ല പ്ര​ദേ​ശ​ത്തും ജ​ന​വാ​സം അ​നു​വ​ദ​നീ​യ​മ​ല്ല.

ചൂ​ര​ൽ​മ​ല ടൗ​ണി​ൽ ഒ​ന്നു ര​ണ്ടു ത​ട്ടു​ക​ട​ക​ളും പെ​ട്ടി​ക്ക​ട​ക​ളു​മൊ​ക്കെ പ​ക​ൽ പ്ര​വ​ർ​ത്തി​ച്ചു തു​ട​ങ്ങി​യി​ട്ടു​ണ്ടെ​ന്നേ​യു​ള്ളു. ക​ട​ക​ളി​ലേ​ക്കൊ​ന്നും വൈ​ദ്യു​തി ന​ൽ​കി​യി​ട്ടു​മി​ല്ല. പ​തി​നൊ​ന്ന്, പ​ന്ത്ര​ണ്ട് വാ​ർ​ഡു​ക​ളെ യോ​ജി​പ്പി​ച്ചു കൊ​ണ്ടാ​ണ് ര​ണ്ട് പോ​ളി​ങ് ബൂ​ത്തു​ക​ളും 2300ൽ​പ​രം വോ​ട്ട​ർ​മാ​രു​മു​ള്ള പ​തി​നൊ​ന്നാം വാ​ർ​ഡ് രൂ​പ​വ​ത്ക​രി​ച്ച​ത്. ഈ ​ര​ണ്ടു വാ​ർ​ഡു​ക​ളി​ലു​മു​ണ്ടാ​യി​രു​ന്ന ആ​ളു​ക​ൾ ഇ​പ്പോ​ൾ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ സ​ർ​ക്കാ​ർ ന​ൽ​കി​യ വാ​ട​ക വീ​ടു​ക​ളി​ൽ താ​മ​സി​ച്ചു​വ​രുക​യാ​ണ്. മേ​പ്പാ​ടി, മൂ​പ്പൈ​നാ​ട് പ​ഞ്ചാ​യ​ത്തു​ക​ളു​ടെ വി​വി​ധ ഭാ​ഗ​ങ്ങ​ളി​ലും ക​ൽ​പ​റ്റ, ക​ണി​യാ​മ്പ​റ്റ, സു​ൽ​ത്താ​ൻ ബ​ത്തേ​രി എ​ന്നി​വി​ട​ങ്ങ​ളി​ലെ​ല്ലാ​മാ​ണ് ഇ​വ​ർ ഉ​ള്ള​ത്. ഈ ​വോ​ട്ട​ർ​മാ​രെ​യെ​ല്ലാം നേ​രി​ൽ​ക്ക​ണ്ട് വോ​ട്ട് ചോ​ദി​ക്കാ​ൻ സ്ഥാ​നാ​ർ​ഥി​ക​ൾ​ക്ക് ക​ഴി​യു​മോ എ​ന്ന് സം​ശ​യ​മാ​ണ്.

സ്ഥാ​നാ​ർ​ഥി​ക​ൾ വോ​ട്ട​ർ​മാ​രെ ഫോ​ണി​ൽ ബ​ന്ധ​പ്പെ​ടാ​ൻ ശ്ര​മി​ക്കു​ന്നു​ണ്ട്. എ​ൽ.​ഡി.​എ​ഫ്, യു.​ഡി.​എ​ഫ്, ബി.​ജെ.​പി സ്ഥാ​നാ​ർ​ഥി​ക​ൾ​ക്ക് പു​റ​മെ ഒ​രു സ്വ​ത​ന്ത്ര​നും ഇ​വി​ടെ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ച്ചി​ട്ടു​ണ്ട്. നോ​ട്ടീ​സ്, ല​ഘു​ലേ​ഖ​ക​ൾ, സ്ലി​പ്പു​ക​ൾ എ​ന്നി​വ​യൊ​ക്കെ വോ​ട്ട​ർ​മാ​രെ തേ​ടി​പ്പി​ടി​ച്ചെ​ത്തി ന​ൽ​കു​ക​യെ​ന്ന​ത് പ്ര​വ​ർ​ത്ത​ക​ർ​ക്കും ഏ​റെ വി​ഷ​മ​ക​ര​മാ​യ ജോ​ലി​യാ​ണ്. ക​ണി​യാ​മ്പ​റ്റ, ക​ൽ​പ​റ്റ, ബ​ത്തേ​രി തു​ട​ങ്ങി​യ വി​ദൂ​ര സ്ഥ​ല​ങ്ങ​ളി​ൽ നി​ന്നൊ​ക്കെ ചൂ​ര​ൽ​മ​ല​യി​ലെ​ത്തി വോ​ട്ടു ചെ​യ്യു​ക​യെ​ന്ന​ത് വോ​ട്ട​ർ​മാ​ർ​ക്കും വെ​ല്ലു​വി​ളി​യാ​ണ്.