പ്രഥമ ജാഗ്രതാസമിതി പുരസ്കാരം: മികച്ച ഗ്രാമപഞ്ചായത്തായി മീനങ്ങാടി

മീ​ന​ങ്ങാ​ടി: ജി​ല്ല​യി​ലെ മി​ക​ച്ച ഗ്രാ​മ​പ​ഞ്ചാ​യ​ത്തി​നു​ള്ള സ്വ​രാ​ജ് ട്രോ​ഫി നേ​ട്ട​ത്തി​ന് പി​ന്നാ​ലെ വ​നി​ത ക​മീ​ഷ​ന്‍റെ മി​ക​ച്ച ജാ​ഗ്ര​താസ​മി​തി​ക്കു​ള്ള പ്ര​ഥ​മ പു​ര​സ്കാ​ര​ത്തി​ന് അ​ർ​ഹ​മാ​യി മീ​ന​ങ്ങാ​ടി ഗ്രാ​മ​പ​ഞ്ചാ​യ​ത്ത്. അ​താ​ത് പ്ര​ദേ​ശ​ത്തെ സ്ത്രീ​ക​ളു​ടെ​യും കു​ട്ടി​ക​ളു​ടെ​യും പ്ര​ശ്ന​ങ്ങ​ളും കു​ടും​ബ പ്ര​ശ്ന​ങ്ങ​ളും ഉ​ൾ​പ്പെ​ടെ വാ​ർ​ഡു​ത​ല​ത്തി​ലും പ​ഞ്ചാ​യ​ത്തു​ത​ല​ത്തി​ലും ത​ന്നെ പ​രി​ഹ​രി​ച്ചു മു​ന്നോ​ട്ടു​പോ​കു​ന്ന ജാ​ഗ്ര​ത സ​മി​തി​ക്കു​ള്ള സം​സ്ഥാ​ന ത​ല​ത്തി​ൽ ത​ന്നെ മി​ക​ച്ച പ​ഞ്ചാ​യ​ത്തി​നു​ള്ള പു​ര​സ്കാ​ര​മാ​ണ് മീ​ന​ങ്ങാ​ടി​യെ തേ​ടി​യെ​ത്തി​യ​ത്.

സ്ത്രീ​ക​ളു​മാ​യി ബ​ന്ധ​പ്പെ​ട്ട വി​വി​ധ പ്ര​ശ്ന​ങ്ങ​ളി​ൽ പ​ഞ്ചാ​യ​ത്തി​ലെ ജാ​ഗ്ര​ത സ​മി​തി​യു​ടെ ഇ​ട​പെ​ട​ലാ​ണ് പു​ര​സ്കാ​ര നേ​ട്ട​ത്തി​ന് അ​ർ​ഹ​മാ​ക്കി​യ​തെ​ന്നും കൂ​ട്ടാ​യ പ്ര​വ​ർ​ത്ത​ന​ത്തി​നു​ള്ള അം​ഗീ​കാ​ര​മാ​യി കാ​ണു​ന്നു​വെ​ന്നും മീ​ന​ങ്ങാ​ടി പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് കെ.​പി. നു​സ്റ​ത്ത് പ​റ​ഞ്ഞു.

സ്ത്രീ​ക​ളു​ടെ പ്ര​ശ്ന​ങ്ങ​ളി​ൽ ഫ​ല​പ്ര​ദ​മാ​യി ഇ​ട​പെ​ടു​ന്ന​തി​നും അ​വ​ർ​ക്കാ​വ​ശ്യ​മാ​യ പി​ന്തു​ണ​യും നി​യ​മ​സ​ഹാ​യ​വും ഉ​ൾ​പ്പെ​ടെ ന​ൽ​കു​ന്ന​തി​നു​മാ​യി പ​ഞ്ചാ​യ​ത്തി​ൽ പ്ര​ത്യേ​ക​മാ​യി കൗ​ൺ​സലി​ങ് സെ​ന്‍റ​ർ ഉ​ൾ​പ്പെ​ടെ പ്ര​വ​ർ​ത്തി​ക്കു​ന്നു​ണ്ട്. പ​ഞ്ചാ​യ​ത്തി​ലെ ക​മ്യൂ​ണി​റ്റി വിമ​ൻ ഫെ​സി​ലി​റ്റേ​റ്റ​റു​ടെ മേ​ൽ​നോ​ട്ട​ത്തി​ലാ​ണ് ജാ​ഗ്ര​ത സ​മി​തി പ്ര​വ​ർ​ത്തി​ക്കു​ന്ന​ത്.

വാ​ർ​ഡ് ത​ല​ത്തി​ൽ​നി​ന്നു​ത​ന്നെ പ​ര​മാ​വ​ധി പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണു​ക​യും അ​ല്ലാ​ത്ത പ്ര​ശ്ന​ങ്ങ​ളി​ൽ ആ​വ​ശ്യ​മാ​യ തു​ട​ർ​ന​ട​പ​ടി​ക്കു​ള്ള പി​ന്തു​ണ​യും പ​ഞ്ചാ​യ​ത്തി​ലെ ജാ​ഗ്ര​ത സ​മി​തി ഉ​റ​പ്പാ​ക്കു​ന്നു​ണ്ട്.

ജാ​ഗ്ര​ത സ​മി​തി​യു​ടെ കാ​ര്യ​ക്ഷ​മ​മാ​യ പ്ര​വ​ർ​ത്ത​ന​ത്തി​ലൂ​ടെ വ​നി​ത ക​മീ​ഷ​ൻ അ​ദാ​ല​ത്തി​ലേ​ക്കോ മ​റ്റും പ​രാ​തി​ക​ൾ എ​ത്താ​തെ പ​ഞ്ചാ​യ​ത്ത് ത​ല​ത്തി​ൽ ത​ന്നെ പ​രി​ഹ​രി​ക്കാ​നാ​കു​ന്നു. പ​ല പ​ഞ്ചാ​യ​ത്തു​ക​ളി​ലും ജാ​ഗ്ര​ത സ​മി​തി പേ​രി​ൽ മാ​ത്ര​മൊ​തു​ങ്ങു​മ്പോ​ഴാ​ണ് മീ​ന​ങ്ങാ​ടി വേ​റി​ട്ടു​നി​ൽ​ക്കു​ന്ന​ത്. വ​നി​ത ക​മീ​ഷ​ന്‍റെ സെ​മി​നാ​ർ ഉ​ൾ​പ്പെ​ടെ പ​ഞ്ചാ​യ​ത്തി​ൽ ന​ട​ന്നി​രു​ന്നു.

സ്ത്രീ​ക​ളു​ടെ​യും കു​ട്ടി​ക​ളു​ടെ​യും പ്ര​ശ്ന​ങ്ങ​ൾ തി​രി​ച്ച​റി​യു​ന്ന രീ​തി​യി​ലാ​ണ് ജാ​ഗ്ര​ത സ​മി​തി​യു​ടെ പ്ര​വ​ർ​ത്ത​നം. ജെ​ൻ​ഡ​ർ ബോ​ധ​വ​ത്ക​ര​ണ ക്ലാ​സു​ക​ൾ വാ​ർ​ഡു​ത​ല​ത്തി​ൽ ന​ട​ത്തി​യും ആ​ശാ​വ​ർ​ക്ക​ർ​മാ​ർ​ക്കും ഹ​രി​ത​ക​ർ​മ സേ​ന പ്ര​വ​ർ​ത്ത​ക​ർ​ക്കും മ​റ്റു മേ​ഖ​ല​യി​ലു​ള്ള​വ​ർ​ക്കും പ്ര​ത്യേ​ക​മാ​യി ബോ​ധ​വ​ത്ക​ര​ണ ക്ലാ​സു​ക​ളെ​ടു​ത്തും പ്ര​വ​ർ​ത്ത​നം ഊ​ർ​ജി​ത​മാ​ക്കി.

സ്ത്രീ ​സു​ര​ക്ഷ​യു​മാ​യി ബ​ന്ധ​പ്പെ​ട്ട് ബൈ​ക്ക് റാ​ലി, മു​തി​ർ​ന്ന സ്ത്രീ​ക​ൾ​ക്കാ​യി സ്വ​യം പ്ര​തി​രോ​ധ ക്ലാ​സു​ക​ൾ, സ്കൂ​ളു​ക​ളി​ൽ ജെ​ൻ​ഡ​ർ ബോ​ധ​വ​ത്ക​ര​ണ ക്ലാ​സു​ക​ൾ തു​ട​ങ്ങി​യ ഒ​ട്ടേ​റെ പ്ര​വ​ർ​ത്ത​ന​ങ്ങ​ൾ പ​ഞ്ചാ​യ​ത്തി​ൽ ന​ട​ത്താ​നാ​യ​ത് നേ​ട്ട​മാ​യി​ട്ടു​ണ്ടെ​ന്ന് ക​മ്യൂ​ണി​റ്റി വിമ​ൻ ഫെ​സി​ലി​റ്റേ​റ്റ​ർ മു​ഫീ​ദ ത​സ്നി പ​റ​ഞ്ഞു.

ഇ​ൻ​സ്റ്റഗ്രാം ഉ​ൾ​പ്പെ​ടെ​യു​ള്ള സ​മൂ​ഹ മാ​ധ്യ​മ​ങ്ങ​ളി​ലെ ച​തി​ക്കു​ഴി​ക​ളി​ൽ പെ​ൺ​കു​ട്ടി​ക​ൾ പെ​ട്ടു​പോ​കു​ന്ന സം​ഭ​വ​ങ്ങ​ൾ, കു​ടും​ബ പ്ര​ശ്ന​ങ്ങ​ൾ തു​ട​ങ്ങി​യ വി​വി​ധ പ​രാ​തി​ക​ളാ​ണ് ജാ​ഗ്ര​ത സ​മി​തി മു​ഖേ​ന ആ​വ​ശ്യ​മാ​യ ഇ​ട​പെ​ട​ൽ ന​ട​ത്തി പ​രി​ഹ​രി​ച്ചി​ട്ടു​ള്ള​ത്.

സ്ത്രീ​ക​ൾ​ക്കെ​തി​രാ​യ അ​തി​ക്ര​മ​ങ്ങ​ളി​ൽ അ​വ​ർ​ക്കു​ള്ള നി​യ​മ​സു​ര​ക്ഷ​യും മ​റ്റു കാ​ര്യ​ങ്ങ​ളി​ലും അ​വ​രെ ബോ​ധ​വാ​ന്മാ​രാ​ക്കു​ന്ന​തി​നൊ​പ്പം നി​യ​മവി​ദ​ഗ്ധ​രു​ടെ സ​ഹാ​യ​മു​ൾ​പ്പെ​ടെ പ​ഞ്ചാ​യ​ത്തി​ലെ ജാ​ഗ്ര​ത സ​മി​തി ഉ​റ​പ്പാ​ക്കു​ന്നു​ണ്ട്.