ചുമട്ടുതൊഴിലാളികൾ വക അധികകൂലി സമ്മർദ്ദവും അടിയും; രണ്ടുപേർക്ക് പരിക്ക്

തി​രു​വ​ന​ന്ത​പു​രം: ലോ​ഡു ക​യ​റ്റാ​ൻ അ​ധി​ക​കൂ​ലി ആ​വ​ശ്യ​പ്പെ​ട്ട ചു​മ​ട്ടു​തൊ​ഴി​ലാ​ളി​ക​ൾ സ്ഥാ​പ​ന​ത്തി​ലെ ജീ​വ​ന​ക്കാ​ര​നെ​യും ഡ്രൈ​വ​റെ​യും മ​ർ​ദി​ച്ച​താ​യി പ​രാ​തി. പാ​പ്പ​നം​കോ​ട് ഇ​ൻ​ഡ​സ്ട്രി​യ​ൽ എ​സ്റ്റേ​റ്റി​ലെ വേ​ണാ​ട് പോ​ളി​മ​ർ എ​ന്ന സ്ഥാ​പ​ന​ത്തി​ൽ ഉ​ൽ​പ​ന്നം ക​യ​റ്റാ​നെ​ത്തി​യ ലോ​റി ഡ്രൈ​വ​ർ ക​ട​യ്ക്ക​ൽ സ്വ​ദേ​ശി രാ​ജീ​വ് (45), ഫാ​ക്ട​റി ഇ​ൻ ചാ​ർ​ജ് ആ​ര്യ​നാ​ട് സ്വ​ദേ​ശി മു​ജീ​ബ് (44) എ​ന്നി​വ​ർ​ക്കാ​ണ് മ​ർ​ദ​ന​മേ​റ്റ​ത്. പ​രി​ക്കേ​റ്റ ഇ​രു​വ​രെ​യും നേ​മം താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. സം​ഭ​വ​വു​മാ​യി ബ​ന്ധ​പ്പെ​ട്ട് സി.​ഐ.​ടി.​യു യൂ​നി​യ​നി​ൽ​പ്പെ​ട്ട നാ​ല് ചു​മ​ട്ടു​തൊ​ഴി​ലാ​ളി​ക​ൾ​ക്കെ​തി​രെ നേ​മം പൊ​ലീ​സി​ൽ പ​രാ​തി ന​ൽ​കി.

ശ​നി​യാ​ഴ്ച രാ​ത്രി ഏ​ഴോ​ടെ​യാ​ണ് സം​ഭ​വം. ഒ​ന്ന​ര വ​ർ​ഷ​ത്തോ​ളം സാ​ങ്കേ​തി​ക കാ​ര​ണ​ങ്ങ​ളാ​ൽ അ​ട​ഞ്ഞു​കി​ട​ന്ന ഫാ​ക്ട​റി ആ​റു​മാ​സം മു​മ്പാ​ണ് തു​റ​ന്ന​ത്. പ​ഴ​യ പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ പൊ​ടി​ച്ച് വി​വി​ധ സ്ഥ​ല​ങ്ങ​ളി​ലേ​ക്ക് ക​യ​റ്റി​യ​യ​ക്കു​ക​യാ​ണ് ഫാ​ക്ട​റി​യി​ൽ ചെ​യ്യു​ക. ആ​റു​മാ​സം​മു​മ്പ് നി​ശ്ച​യി​ച്ച ക​യ​റ്റി​റ​ക്ക് കൂ​ലി​യി​ൽ​നി​ന്ന് 22 ശ​ത​മാ​നം വ​ർ​ധ​ന വേ​ണ​മെ​ന്ന്​ ചു​മ​ട്ടു​തൊ​ഴി​ലാ​ളി​ക​ൾ ആ​വ​ശ്യ​പ്പെ​ട്ടു. 10 ദി​വ​സ​മാ​യി ഇ​തു​സം​ബ​ന്ധി​ച്ച് ത​ർ​ക്കം നി​ല​നി​ൽ​ക്കു​ന്നു. ദി​വ​സ​ങ്ങ​ളാ​യി ലോ​ഡ് ക​യ​റ്റാ​നോ ഇ​റ​ക്കാ​നോ തൊ​ഴി​ലാ​ളി​ക​ൾ ത​യാ​റാ​കു​ന്നി​ല്ലെ​ന്ന് ഫാ​ക്ട​റി മാ​നേ​ജ​ർ ഹാ​ഷീം ഹൈ​ദ​രാ​ലി പ​റ​ഞ്ഞു.

ശ​നി​യാ​ഴ്ച ഉ​ച്ച​ക്ക് ലോ​റി​യെ​ത്തി​യ​പ്പോ​ൾ വി​വ​രം അ​റി​യി​ച്ചെ​ങ്കി​ലും ആ​രും എ​ത്തി​യി​ല്ല. അ​സോ​സി​യേ​ഷ​ൻ സെ​ക്ര​ട്ട​റി നേ​താ​ക്ക​ളു​മാ​യും ബ​ന്ധ​പ്പെ​ട്ടു. കൂ​ലി കൂ​ട്ടി ന​ൽ​കാ​തെ ലോ​ഡ് ക​യ​റ്റേ​ണ്ടെ​ന്നും, ഫാ​ക്ട​റി​യി​ലെ തൊ​ഴി​ലാ​ളി​ക​ളെ​കൊ​ണ്ട് ലോ​ഡ് ക​യ​റ്റു​ന്ന​ത് അ​നു​വ​ദി​ക്കേ​ണ്ട​തി​ല്ലെ​ന്നും ചു​മ​ട്ടു​തൊ​ഴി​ലാ​ളി ക്ഷേ​മ ബോ​ർ​ഡി​ൽ​നി​ന്ന് നി​ർ​ദേ​ശ​മു​ണ്ടെ​ന്ന മ​റു​പ​ടി​യാ​ണ് ല​ഭി​ച്ച​ത്. തു​ട​ർ​ന്ന്, രാ​ത്രി ഏ​ഴോ​ടെ ഫാ​ക്ട​റി ജീ​വ​ന​ക്കാ​ർ ലോ​ഡ് ക​യ​റ്റ​വേ​യാ​ണ് നാ​ല് ചു​മ​ട്ടു​തൊ​ഴി​ലാ​ളി​ക​ളെ​ത്തി രാ​ജീ​വി​നെ മ​ർ​ദി​ച്ച​ത്. വാ​ഹ​ന​ത്തി​ൽ​നി​ന്ന് വ​ലി​ച്ചി​റ​ക്കി നെ​ഞ്ചി​ലും മു​ഖ​ത്തും അ​ടി​ക്കു​ക​യും വ​സ്ത്രം വ​ലി​ച്ചു​കീ​റു​ക​യും ചെ​യ്തു. ത​ട​യാ​ൻ ശ്ര​മി​ച്ച മു​ജീ​ബി​ന്‍റെ മു​ഖ​ത്തും അ​ടി​ക്കു​ക​യാ​യി​രു​ന്നു​വെ​ന്ന് പ​രാ​തി​യി​ൽ പ​റ​യു​ന്നു. ആ​ശു​പ​ത്രി രേ​ഖ​ക​ൾ ഉ​ൾ​പ്പെ​ടെ​യാ​ണ് നേ​മം പൊ​ലീ​സി​ൽ പ​രാ​തി ന​ൽ​കി​യ​ത്.