എ​ന്നു തു​റ​ക്കും ഈ ​വി​ശ്ര​മ​മ​ന്ദി​രം?

മെ​ഡി​ക്ക​ല്‍ കോ​ള​ജ്: എ​സ്.​എ.​ടി ആ​ശു​പ​ത്രി​യോ​ടു​ചേ​ര്‍ന്ന് അ​ട​ച്ചി​ട്ടി​രി​ക്കു​ന്ന വി​ശ്ര​മ​മ​ന്ദി​രം രോ​ഗി​ക​ള്‍ക്കും കൂ​ട്ടി​രി​പ്പു​കാ​ര്‍ക്കും തു​റ​ന്നു​കൊ​ടു​ക്ക​ണ​മെ​ന്ന ആ​വ​ശ്യം ശ​ക്തം. തി​രു​വ​ന​ന്ത​പു​രം ന​ഗ​ര​സ​ഭ​യു​ടെ പൂ​ര്‍ണ നി​യ​ന്ത്ര​ണ​ത്തി​ലു​ള്ള​താ​ണ് വി​ശ്ര​മ​മ​ന്ദി​രം. 2001-2003 കാ​ല​ഘ​ട്ട​ങ്ങ​ളി​ല്‍ ജ​ന​കീ​യാ​സൂ​ത്ര​ണം കേ​ര​ള വി​ക​സ​ന പ​ദ്ധ​തി​യി​ലു​ള്‍പ്പെ​ടു​ത്തി പ​ണി​ക​ഴി​പ്പി​ച്ച മ​ന്ദി​രം തു​ട​ക്ക​ത്തി​ല്‍ ന​ല്ല രീ​തി​യി​ല്‍ പ്ര​വ​ര്‍ത്ത​നം ന​ട​ന്നു​വെ​ങ്കി​ലും കാ​ല​ക്ര​മേ​ണ അ​ട​ച്ചി​ടു​ക​യാ​യി​രു​ന്നു.

കോ​ടി​ക​ള്‍ മു​ട​ക്കി പ​ണി​ത ഈ ​ഇ​രു​നി​ല​ക്കെ​ട്ടി​ടം അ​റ്റ​കു​റ്റ​പ്പ​ണി​ക​ള്‍ക്കാ​യി അ​ട​ച്ചി​ട്ട​തെ​ന്നാ​ണ് ബ​ന്ധ​പ്പെ​ട്ട അ​ധി​കൃ​ത​ര്‍ പ​റ​യു​ന്ന​ത്. ജി​ല്ല​ക്കു​പു​റ​ത്തു​നി​ന്ന് എ​ത്തു​ന്ന രോ​ഗി​ക​ളാ​യ അ​മ്മ​മാ​ര്‍ക്കും കു​ഞ്ഞു​ങ്ങ​ള്‍ക്കും ഏ​റെ അ​നു​ഗ്ര​ഹ​മാ​യി​രു​ന്ന വി​ശ്ര​മ​മ​ന്ദി​ര​മാ​ണ് ബ​ന്ധ​പ്പെ​ട്ട അ​ധി​കൃ​ത​രു​ടെ അ​നാ​സ്ഥ കാ​ര​ണം അ​ട​ച്ചി​ട്ടി​രി​ക്കു​ന്ന​ത്. വി​ശ്ര​മ മ​ന്ദി​രം അ​ടി​ച്ചി​ട്ട​തി​നു​ശേ​ഷം ഇ​തോ​ടു​ചേ​ര്‍ന്നു​ള്ള ശു​ചി​മു​റി​ക​ൾ മാ​ത്ര​മാ​ണ് രോ​ഗി​ക​ള്‍ക്കും കൂ​ട്ടി​രി​പ്പു​കാ​ര്‍ക്കു​മു​ള്ള ഏ​ക ആ​ശ്ര​യം.

കു​ഞ്ഞു​ങ്ങ​ളെ മു​ല​യൂ​ട്ടു​ന്ന​തി​നും അ​മ്മ​മാ​ര്‍ക്ക് വി​ശ്ര​മി​ക്കു​ന്ന​തി​നും ഏ​റെ സൗ​ക​ര്യ​പ്ര​ദ​മാ​യ ത​ര​ത്തി​ലാ​ണ് മ​ന്ദി​രം സ​ജ്ജ​മാ​ക്കി​യി​ട്ടു​ള്ള​ത്. എ​സ്.​എ.​ടി​യി​ലെ​ത്തു​ന്ന രോ​ഗി​ക​ളാ​യ വ​യോ​ജ​ന​ങ്ങ​ള്‍ക്കും ഏ​റെ സൗ​ക​ര്യ​പ്ര​ദ​മാ​യി​രു​ന്നു അ​ട​ച്ചി​ട്ടി​രി​ക്കു​ന്ന ഈ ​വി​ശ്ര​മ​മ​ന്ദി​രം. വി​ശ്ര​മ​മ​ന്ദി​രം പ്ര​വ​ര്‍ത്ത​നം തു​ട​ങ്ങു​മ്പോ​ള്‍ കൃ​ത്യ​മാ​യി ശു​ചീ​ക​ര​ണ​പ്ര​വ​ര്‍ത്ത​ന​ങ്ങ​ള്‍ ന​ട​ന്നി​രു​ന്ന​താ​യും എ​ന്നാ​ല്‍ കാ​ല​ക്ര​മേ​ണ വി​ശ്ര​മ​മ​ന്ദി​ര​ത്തി​നു​ള്ളി​ല്‍ പ്ര​വേ​ശി​ക്ക​ണ​മെ​ങ്കി​ല്‍ മൂ​ക്കു​പൊ​ത്തേ​ണ്ട അ​വ​സ്ഥ​യി​ലെ​ത്തി​ച്ചേ​ര്‍ന്ന​താ​യും രോ​ഗി​ക​ളും കൂ​ട്ടി​രി​പ്പു​കാ​രും ആ​രോ​പി​ക്കു​ന്നു. എ​ന്നാ​ല്‍, വി​ശ്ര​മ​മ​ന്ദി​ര​ത്തി​നു​ള്ളി​ല്‍ ശു​ചീ​ക​ര​ണ പ്ര​വ​ര്‍ത്ത​ന​ങ്ങ​ള്‍ ന​ട​ക്കു​ന്ന​താ​യും എ​ത്ര​യും വേ​ഗം എ​സ്.​എ.​ടി​യി​ലെ​ത്തു​ന്ന രോ​ഗി​ക​ള്‍ക്കും കൂ​ട്ടി​രി​പ്പു​കാ​ര്‍ക്കു​മാ​യി വി​ശ്ര​മ​മ​ന്ദി​രം തു​റ​ന്നു​കൊ​ടു​ക്കു​മെ​ന്നു​മാ​ണ് ബ​ന്ധ​പ്പെ​ട്ട അ​ധി​കൃ​ത​ര്‍ വ്യ​ക്ത​മാ​ക്കു​ന്ന​ത്.