വാമനപുരത്ത് കാട്ടുപോത്ത്​; മെരുക്കാനെത്തിയവർക്ക്​ ജീപ്പ് മറിഞ്ഞ് പരിക്ക്

വെ​ഞ്ഞാ​റ​മൂ​ട്: വാ​മ​ന​പു​ര​ത്ത് ജ​ന​വാ​സ മേ​ഖ​ല​യി​ല്‍ കാ​ട്ടു പോ​ത്തി​റ​ങ്ങി. ഇ​തി​നെ മെ​രു​ക്കാ​ന്‍ വ​ന്ന മൃ​ഗ​ഡോ​ക്ട​ർ​ക്കും ര​ണ്ട്​ സം​ഘാം​ഗ​ങ്ങ​ൾ​ക്കും ജീ​പ്പ് മ​റി​ഞ്ഞ് പ​രി​ക്ക്. കോ​ട്ടൂ​ര്‍ ആ​ന പ​രി​പാ​ല​ന കേ​ന്ദ്ര​ത്തി​ലെ ഡോ​ക്ട​ര്‍ വി​ഷ്ണു(31), സം​ഘാം​ഗ​ങ്ങ​ളാ​യ ശ്രീ​ജി​ത്(41), പ്ര​സീ​ദ്(31) എ​ന്നി​വ​ര്‍ക്കാ​ണ് പ​രി​ക്കേ​റ്റ​ത്.

വാ​മ​ന​പു​രം തൂ​ങ്ങ​യി​ല്‍ കു​ന്ന​ത്തൂ​ര്‍ ക്ഷേ​ത്ര​ത്തി​ന് സ​മീ​പ​മു​ള്ള സ്വ​കാ​ര്യ വ്യ​ക്തി​യു​ടെ പു​ര​യി​ട​ത്തി​ലാ​ണ് ചൊ​വ്വാ​ഴ്ച രാ​വി​ലെ എ​ട്ട് മ​ണി​യോ​ടെ പോ​ത്തി​നെ ക​ണ്ട​ത്. തൊ​ട്ട​ടു​ത്തു​ള്ള വീ​ട്ടി​ലെ സ്ത്രീ​യാ​ണ്​ പോ​ത്തി​നെ ക​ണ്ട​തും നാ​ട്ടു​കാ​രെ വി​വ​ര​മ​റി​യി​ച്ച​തും. പാ​ലോ​ട് വ​നം വ​കു​പ്പ് റാ​പ്പി​ഡ് റെ​സ്‌​പോ​ണ്‍സ് ടീ​മി​ലെ ഡ​പ്യൂ​ട്ടി ഫോ​റ​സ്റ്റ് റെ​യി​ഞ്ച് ഓ​ഫീ​സ​ര്‍ എം.​എ​സ്. ബി​നു കു​മാ​റി​ന്റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി. ഇ​തി​നി​ടെ പോ​ത്ത് താ​ഴെ​യാ​യി കു​റ്റി​ച്ച​ടി​ക​ള്‍ നി​റ​ഞ്ഞ, താ​ഴ്ച​യു​ള്ള ഭാ​ഗ​ത്തേ​ക്ക് നീ​ങ്ങി അ​വി​ടെ കി​ട​ന്നു.

ഇ​വി​ടെ നി​ന്നും പോ​ത്തി​നെ പു​റ​ത്തെ​ത്തി​ക്കാ​നാ​യി വ​നം വ​കു​പ്പ് ഉ​ദ്യോ​ഗ​സ്ഥ​രു​ടെ തു​ട​ര്‍ന്നു​ള്ള ശ്ര​മം. അ​ത് വി​ജി​യി​ക്കു​ന്നി​ല്ല​ന്ന് ക​ണ്ട​തോ​ടെ ശ​ബ്ദും ഉ​ണ്ടാ​ക്കി പു​റ​ത്തെ​ത്തി​ക്കാ​നു​ള്ള ശ്ര​മ​മാ​യി. ഇ​തി​നി​ട​യി​ല്‍ കൂ​ടു​ത​ല്‍ ആ​ളു​ക​ളു​ടെ ശ​ബ്ദം കേ​ട്ട് പോ​ത്ത് എ​ഴു​ന്നേ​റ്റ് ഓ​ടി റോ​ഡ് മു​റി​ച്ച് ക​ട​ന്ന് പു​ര​യി​ട​ത്തി​ലേ​ക്ക് ഓ​ടി​ക്ക​യ​റി.

പി​ന്തു​ട​രു​ന്ന​തി​നി​ട​യി​ല്‍ വീ​ണ്ടും പോ​ത്ത് ക​ല്ല​റ മി​തൃ​മ്മ​ല ഭാ​ഗ​ത്തേ​ക്ക് ഓ​ടി മ​റ​ഞ്ഞു. ഈ ​സ​മ​യം പോ​ത്തി​നെ പി​ന്തു​ട​ർ​ന്ന മെ​ഡി​ക്ക​ല്‍ സം​ഘം സ​ഞ്ച​രി​ച്ച ജീ​പ്പ് തി​രി​ക്കു​ന്ന​തി​നി​ടെ​യാ​ണ് അ​പ​ക​ട​മു​ണ്ടാ​യ​ത്. പ​രി​ക്കേ​റ്റ​വ​രെ വെ​ഞ്ഞാ​റ​മൂ​ട്ടി​ലെ സ്വ​കാ​ര്യ മെ​ഡി​ക്ക​ല്‍ കോ​ളേ​ജാ​ശു​പ​ത്രി​യി​ല്‍ പ്ര​വ​ശി​പ്പി​ച്ചി​ച്ചി​രി​ക്കു​ക​യാ​ണ്. രാ​ത്രി​യി​ല്‍ പോ​ത്തി​നാ​യി നി​രീ​ക്ഷി​ക്കാ​നു​ള്ള സം​വി​ധാ​ന​മൊ​രു​ക്കു​മെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ര്‍ അ​റി​യി​ച്ചു.