ജല അതോറിറ്റി 529 കോടികൂടി തടയരുത്​; മന്ത്രിയെ സമീപിച്ച്​ യൂനിയനുകൾ

തി​രു​വ​ന​ന്ത​പു​രം: ജ​ല അ​തോ​റി​റ്റി​ക്ക് പൊ​തു​ടാ​പ്പ് വ​ഴി പ​ഞ്ചാ​യ​ത്ത് മേ​ഖ​ല​ക​ളി​ൽ ശു​ദ്ധ​ജ​ലം വി​ത​ര​ണം ചെ​യ്ത​തി​ന്‍റെ കു​ടി​ശ്ശി​ക​യാ​യി അ​നു​വ​ദി​ച്ച 529 കോ​ടി രൂ​പ ത​ട​ഞ്ഞു​വ​ക്ക​രു​തെ​ന്ന്​ ആ​വ​ശ്യ​പ്പെ​ട്ട്​ യൂ​നി​യ​നു​ക​ൾ മ​ന്ത്രി റോ​ഷി അ​ഗ​സ്​​റ്റി​നെ ക​ണ്ടു. 529 കോ​ടി രൂ​പ​യി​ൽ​നി​ന്ന് ജീ​വ​ന​ക്കാ​ർ​ക്ക് കൊ​ടു​ത്തു​തീ​ർ​ക്കാ​നു​ള്ള അ​നു​കൂ​ല്യ​വും ജി.​പി.​എ​ഫി​ൽ​നി​ന്ന് വ​ക​മാ​റ്റി​യ തു​ക​യും തി​രി​കെ ന​ൽ​കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​യി​രു​ന്നു ആ​വ​ശ്യം.

വി​ഷ​യം മു​ഖ്യ​മ​ന്ത്രി​യോ​ടും ധ​ന​മ​ന്ത്രി​യോ​ടും സം​സാ​രി​ച്ചെ​ന്നും ജീ​വ​ന​ക്കാ​രു​ടെ ആ​നു​കൂ​ല്യ​ങ്ങ​ൾ കൊ​ടു​ത്തു​തീ​ർ​ക്കാ​ൻ ന​ട​പ​ടി സ്വീ​ക​രി​ക്കു​മെ​ന്നും മ​ന്ത്രി ഉ​റ​പ്പു​ന​ൽ​കി. 529 കോ​ടി ജ​​ല അ​തോ​റി​റ്റി​ക്ക്​ വി​നി​യോ​ഗി​ക്കാ​ൻ അ​നു​വ​ദി​ക്കാ​തെ ത​ട​ഞ്ഞു​വെ​ച്ചാ​ൽ ക​ടു​ത്ത പ്ര​തി​ഷേ​ധം ഉ​ണ്ടാ​കു​മെ​ന്ന്​ ഓ​ഫി​സ​ർ​മാ​രു​ടെ സം​ഘ​ട​ന​യാ​യ ‘അ​ക്വാ’​യു​ടെ​യും ​കേ​ര​ള വാ​ട്ട​ർ അ​തോ​റി​റ്റി എം​പ്ലോ​യീ​സ്​ യൂ​നി​യ​ന്‍റെ​യും (സി.​ഐ.​ടി.​യു) ഭാ​ര​വാ​ഹി​ക​ൾ പ​റ​ഞ്ഞു.

ക​ഴി​ഞ്ഞ മാ​ർ​ച്ച് 31ന് ​ത​ദ്ദേ​ശ സ്ഥാ​പ​ന​ങ്ങ​ൾ വ​ഴി ന​ഗ​ര​മേ​ഖ​ല​യി​ൽ പൊ​തു​ടാ​പ്പ് വ​ഴി ശു​ദ്ധ​ജ​ല​വി​ത​ര​ണം ചെ​യ്ത​തി​ന്റെ തു​ക​യാ​യ 719 കോ​ടി രൂ​പ ഇ​തു​പോ​ലെ അ​നു​വ​ദി​ക്കു​ക​യും തി​രി​കെ സ​ർ​ക്കാ​ർ കൊ​ണ്ടു​പോ​യ​തും വി​വാ​ദ​മാ​യി​രു​ന്നു. ഇ​തി​ന് പി​ന്നാ​ലെ​യാ​ണ് പ​ഞ്ചാ​യ​ത്തു​ക​ൾ ന​ൽ​കേ​ണ്ട തു​ക അ​നു​വ​ദി​ച്ച​ത്. ട്ര​ഷ​റി അ​ക്കൗ​ണ്ടി​ൽ​നി​ന്ന് ഈ ​തു​ക​യും ധ​ന​വ​കു​പ്പ് ത​ട​ഞ്ഞു​വെ​ക്കു​മോ​യെ​ന്ന ആ​ശ​ങ്ക​യി​ലാ​ണ് ജ​ല അ​തോ​റി​റ്റി.

കെ.​എ​സ്.​ഇ.​ബി​ക്ക് വൈ​ദ്യു​ത നി​ര​ക്കി​ന​ത്തി​ൽ ജ​ല അ​തോ​റി​റ്റി കു​ടി​ശ്ശി​ക​യു​ള്ള​തി​നാ​ൽ നേ​ര​ത്തേ അ​നു​വ​ദി​ച്ച 719.166 കോ​ടി ചെ​ല​വ​ഴി​ക്കാ​ൻ ന​ൽ​കാ​നാ​വി​ല്ലെ​ന്ന നി​ല​പാ​ടി​ലാ​യി​രു​ന്നു ധ​ന​വ​കു​പ്പ്. 719.166 കോ​ടി വി​നി​യോ​ഗി​ച്ച് പെ​ൻ​ഷ​ൻ​കാ​രു​ടെ കു​ടി​ശ്ശി​ക ആ​നു​കൂ​ല്യ വി​ത​ര​ണ​മ​ട​ക്കം വി​വി​ധ പ​ദ്ധ​തി​ക​ൾ ജ​ല അ​തോ​റി​റ്റി ല​ക്ഷ്യ​മി​ട്ടെ​ങ്കി​ലും ധ​ന​വ​കു​പ്പ് പ​ണം ത​ട​ഞ്ഞു​വെ​ച്ച​ത് തി​രി​ച്ച​ടി​യാ​യി. ഇ​തി​നി​ടെ​യാ​ണ് 529 കോ​ടി ജ​ല അ​തോ​റി​റ്റി​യു​ടെ ട്ര​ഷ​റി അ​ക്കൗ​ണ്ടി​ലേ​ക്ക് അ​നു​വ​ദി​ച്ച് ക​ഴി​ഞ്ഞ​ദി​വ​സം ഉ​ത്ത​ര​വാ​യ​ത്.