കോവളം കാരോട് ബൈപാസ് ​ സർവിസ് റോഡിൽ വലിയ കുഴി രൂപപ്പെട്ടു

വി​ഴി​ഞ്ഞം: കോ​വ​ളം കാ​രോ​ട് ബൈ​പാ​സി​ലെ സ​ർ​വി​സ് റോ​ഡി​ൽ വ​ലി​യ കുഴി രൂ​പ​പ്പെ​ട്ടു. അ​തി​ഥി തൊ​ഴി​ലാ​ളി​ക​ളു​ടെ അ​വ​സ​രോ​ചി​ത​മാ​യ ഇ​ട​പെ​ട​ൽ അ​പ​ക​ട​ങ്ങ​ൾ ഒ​ഴി​വാ​ക്കി. വി​വ​ര​മ​റി​ഞ്ഞെ​ത്തി​യ ദേ​ശീ​യ​പാ​ത അ​ധി​കൃ​ത​ർ ശാ​സ്ത്രീ​യ പ​രി​ശോ​ധ​ന ഒ​ന്നും ന​ട​ത്താ​തെ സി​മ​ന്റി​ട്ട് കു​ഴി​യ​ട​ച്ച് ത​ടി​ത​പ്പി​യ​താ​യി ആ​ക്ഷേ​പം.

വി​ഴി​ഞ്ഞം മു​ക്കോ​ല​യി​ൽ പാ​ല​ത്തി​ന് സ​മീ​പ​മാ​ണ് നാ​ല​ടി​യോ​ളം വീ​തി​യി​ലും ആ​റ​ടി​യോ​ളം താ​ഴ്ച​യി​ലു​മു​ള്ള കു​ഴി രൂ​പ​പ്പെ​ട്ട​ത്. ചൊ​വ്വാ​ഴ്ച പു​ല​ർ​ച്ചെ സ​മീ​പ​ത്തെ കോ​ഴി​ക്ക​ട തു​റ​ക്കാ​നെ​ത്തി​യ അ​തി​ഥി തൊ​ഴി​ലാ​ളി​ക​ളാ​ണ് റോ​ഡി​ന് മ​ധ്യ​ഭാ​ഗ​ത്ത് അ​പ്ര​തീ​ക്ഷി​ത​മാ​യി കു​ഴി രൂ​പ​പ്പെ​ട്ട​ത് ക​ണ്ടെ​ത്തി​യ​ത്. ആ​ദ്യം ചെ​റു​താ​യി​രു​ന്ന കു​ഴി ഒ​രു വാ​ഹ​നം ക​ട​ന്നു​പോ​യ​തോ​ടെ കൂ​ടു​ത​ൽ ഇ​ടി​ഞ്ഞു​താ​ണു. അ​പ​ക​ടം മ​ന​സ്സി​ലാ​ക്കി​യ തൊ​ഴി​ലാ​ളി​ക​ൾ വീ​പ്പ​ക​ൾ നി​ര​ത്തി അ​പ​ക​ട സൂ​ച​ന ന​ൽ​കി.

തു​റ​മു​ഖ നി​ർ​മാ​ണ​ത്തി​നാ​വ​ശ്യ​മാ​യ പാ​റ ഉ​ൾ​പ്പെ​ടെ​യു​ള്ള സാ​ധ​ന​ങ്ങ​ളു​മാ​യി നി​ര​വ​ധി ടി​പ്പ​ർ ലോ​റി​ക​ൾ ഈ ​സ​മ​യം എ​ത്തി​യെ​ങ്കി​ലും കു​ഴി കാ​ര​ണം വ​ഴി​മാ​റി​പ്പോ​യി. നാ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് രാ​വി​ലെ വി​ഴി​ഞ്ഞ​ത്തു​നി​ന്ന് പൊ​ലീ​സെ​ത്തി ക​യ​ർ കെ​ട്ടി താ​ൽ​ക്കാ​ലി​ക​മാ​യി ഗ​താ​ഗ​തം ത​ട​ഞ്ഞ​ശേ​ഷം ദേ​ശീ​യ​പാ​ത അ​ധി​കൃ​ത​രെ വി​വ​ര​മ​റി​യി​ച്ച​തി​നെ തു​ട​ർ​ന്ന്​ ഉ​ദ്യോ​ഗ​സ്ഥ​രെ​ത്തി സി​മ​ന്റി​ട്ട് കു​ഴി​യ​ട​ച്ചു. റോ​ഡ് ഗ​താ​ഗ​ത​ത്തി​ന് തു​റ​ന്ന് ന​ൽ​കി​യെ​ങ്കി​ലും ആ​ശ​ങ്ക പൂ​ർ​ണ​മാ​യും മാ​റി​യി​ട്ടി​ല്ല. കു​ഴി​യു​ണ്ടാ​യ സ​ർ​വി​സ് റോ​ഡി​ലൂ​ടെ ഭാ​രം ക​യ​റ്റി​യ ടി​പ്പ​ർ ലോ​റി​ക​ള​ട​ക്കം നി​ര​വ​ധി വാ​ഹ​ന​ങ്ങ​ൾ ക​ട​ന്നു​പോ​കു​ന്നു​ണ്ട്.