മസ്ജിദിനും ക്ഷേത്രത്തിനും ഒരേ കമാനം; അഭിനന്ദനമറിയിച്ച്​ ബിനോയ് വിശ്വം

വെ​ഞ്ഞാ​റ​മൂ​ട്: മ​സ്ജി​ദി​നും ക്ഷേ​ത്ര​ത്തി​നും ഒ​രേ ക​മാ​നം. അ​ഭി​ന​ന്ദ​ന​മ​റി​യി​ക്കാ​ന്‍ നേ​രി​ട്ടെ​ത്തി സി.​പി.​ഐ സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വം. പു​ല്ല​മ്പാ​റ പ​ഞ്ചാ​യ​ത്തി​ലെ മേ​ലേ കു​റ്റി​മൂ​ട് പാ​റ​യി​ല്‍ മ​സ്ജി​ദും ശ്രീ​ചാ​മു​ണ്ഡേ​ശ്വ​രി ക്ഷേ​ത്ര​വു​മാ​ണ് ഒ​രു​ക​മാ​ന​ത്തി​ലൂ​ടെ പ്ര​ദേ​ശ​ത്ത് നി​ല​നി​ൽ​ക്കു​ന്ന മ​ത​സൗ​ഹാ​ര്‍ദ​ത്തി​ന്‍റെ വി​ളം​ബ​ര​മാ​യ​ത്. 50 മീ​റ്റ​ര്‍ അ​ക​ല​ത്തി​ലാ​ണ് ഇ​രു​ആ​രാ​ധ​നാ​ല​യ​ങ്ങ​ളും. ഇ​വി​ടേ​ക്ക് എ​ത്തി​പ്പെ​ടാ​നു​ള്ള പ്ര​ധാ​ന​വ​ഴി​യും ഒ​ന്നു​ത​ന്നെ. മ​സ്ജി​ദി​ന് അ​ര​നൂ​റ്റാ​ണ്ടി​ന്‍റെ പ​ഴ​ക്ക​മു​ണ്ട്. ഉ​ദ്ഘാ​ട​ന​സ​മ​യ​ത്തു​ത​ന്നെ ക​മാ​ന​വും സ്ഥാ​പി​ച്ചി​രു​ന്നു.

ക്ഷേ​ത്രം മു​മ്പേ ഉ​ണ്ടാ​യി​രു​ന്നു​വെ​ങ്കി​ലും അ​ടു​ത്ത​കാ​ല​ത്താ​ണ് പു​ന​രു​ദ്ധ​രി​ക്കു​ക​യും പു​നഃ​പ്ര​തി​ഷ്​​ഠ ന​ട​ത്തു​ക​യും ചെ​യ്ത​ത്. ഇ​തോ​ടെ പു​റ​ത്തു​നി​ന്ന്​ വ​രു​ന്ന വി​ശ്വാ​സി​ക​ള്‍ക്ക് സ​ഹാ​യ​ക​മാ​യി ബോ​ർ​ഡ്​ സ്ഥാ​പി​ക്ക​ണ​മെ​ന്ന ആ​ഗ്ര​ഹം ക്ഷേ​ത്ര ഭാ​ര​വാ​ഹി​ക​ള്‍ക്കു​ണ്ടാ​യി. എ​ന്നാ​ല്‍ ഇ​തി​ന് പ​റ്റി​യ സ്ഥ​ല​മി​െ​ല്ല​ന്ന​ത്​ വെ​ല്ലു​വി​ളി​യാ​യ​തോ​ടെ മ​സ്ജി​ദ് പ​രി​പാ​ല​ന സ​മി​തി ഇ​ക്കാ​ര്യം അ​റി​യു​ക​യും അ​വ​ര്‍ യോ​ഗം ചേ​ര്‍ന്ന് ക​മാ​ന​ത്തി​ല്‍ പ​കു​തി ഭാ​ഗം ക്ഷേ​ത്ര​ത്തി​ന്റെ പേ​രെ​ഴു​താ​ന്‍ വി​ട്ടു​ന​ൽ​കു​ക​യു​മാ​യി​രു​ന്നു. തു​ട​ര്‍ന്ന് മ​സ്ജി​ദി​ന്റെ ക​മാ​ന​ത്തി​ല്‍ ക്ഷേ​ത്ര​ത്തി​ന്റെ പേ​രു​കൂ​ടി എ​ഴു​തി​ച്ചേ​ര്‍ക്കു​ക​യും മാ​ധ്യ​മ​ങ്ങ​ളി​ല്‍ വാ​ര്‍ത്ത​യാ​വു​ക​യും ചെ​യ്തു. ആ​രാ​ധ​നാ​ല​യ​ങ്ങ​ളു​ടെ പേ​രി​ല്‍ ജ​ന​ങ്ങ​ളെ ത​മ്മി​ല​ക​റ്റാ​ന്‍ ശ്ര​മി​ക്കു​ന്ന ഇ​ക്കാ​ല​ത്ത് ​അ​ഭി​ന​ന്ദ​നാ​ര്‍ഹ​മാ​യ പ്ര​വൃ​ത്തി​യാ​ണി​തെ​ന്ന്​ ഇ​രു ആ​രാ​ധ​നാ​ല​യ​ങ്ങ​ളു​ടെ ഭാ​ര​വാ​ഹി​ക​ളെ​യും ചേ​ര്‍ത്തു​നി​ര്‍ത്തി ബി​നോ​യ് വി​ശ്വം പ​റ​ഞ്ഞു.

പാ​ര്‍ട്ടി സെ​ക്ര​ട്ട​റി​യു​ടെ വ​ര​വ​റി​ഞ്ഞ് സി.​പി.​ഐ ജി​ല്ല നി​ര്‍വാ​ഹ​ക സ​മി​തി അം​ഗം എ.​എം. റൈ​സ്, വെ​ഞ്ഞാ​റ​മൂ​ട് മ​ണ്ഡ​ലം സെ​ക്ര​ട്ട​റി പി.​ജി. ബി​ജു തു​ട​ങ്ങി ഒ​ട്ടേ​റെ നേ​താ​ക്ക​ളും നാ​ട്ടു​കാ​രും സ്ഥ​ല​ത്തെ​ത്തി.