വെഞ്ഞാറമൂട്​ കൂട്ടക്കൊല: രണ്ടാമത്തെ കുറ്റപത്രം സമർപ്പിച്ചു

തി​രു​വ​ന​ന്ത​പു​രം: നാ​ടി​നെ ന​ടു​ക്കി​യ വെ​ഞ്ഞാ​റ​മൂ​ട് കൂ​ട്ട​ക്കൊ​ല​പാ​ത​ക​ത്തി​ൽ ര​ണ്ടാ​മ​ത്തെ കു​റ്റ​പ​ത്ര​വും കോ​ട​തി​യി​ൽ സ​മ​ർ​പ്പി​ച്ചു. പൂ​ജ​പ്പു​ര ജ​യി​ലി​ൽ ആ​ത്​​മ​ഹ​ത്യാ​ശ്ര​മ​ത്തി​നി​ടെ ഗു​രു​ത​ര പ​രി​ക്കേ​റ്റ കേ​സി​ലെ ഏ​ക പ്ര​തി അ​ഫാ​ൻ (23) മെ​ഡി​ക്ക​ൽ കോ​ള​ജ്​ ആ​ശു​പ​ത്രി തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​ണ്. ആ​രോ​ഗ്യ നി​ല​യി​ൽ കാ​ര്യ​മാ​യ മാ​റ്റ​മി​ല്ലെ​ന്നാ​ണ്​ ഡോ​ക്ട​ർ​മാ​ർ പ​റ​യു​ന്ന​ത്. ഇ​തി​നി​ടെ​യാ​ണ്​ ര​ണ്ടാ​മ​ത്തെ കേ​സി​ലെ കു​റ്റ​പ​ത്രം സ​മ​ർ​പ്പി​ക്കു​ന്ന​ത്.

അ​ഫാ​ന്‍റെ പി​താ​വ് ​റ​ഹീ​മി​ന്‍റെ സ​ഹോ​ദ​ര​ൻ എ​സ്.​എ​ൽ പു​രം ചു​ള്ളാ​ളം ജ​സ്​​ല മ​ൻ​സി​ലി​ൽ അ​ബ്ദു​ൽ ല​ത്തീ​ഫ് (60), ഭാ​ര്യ ഷാ​ഹി​ദ (55) എ​ന്നി​വ​രെ വീ​ട്ടി​ലെ​ത്തി ചു​റ്റി​ക ഉ​പ​യോ​ഗി​ച്ച്​ ത​ല​ക്ക​ടി​ച്ച്​ കൊ​ല​പ്പെ​ടു​ത്തി​യ കേ​സി​ലാ​ണ്​ കി​ളി​മാ​നൂ​ർ പൊ​ലീ​സ്​ കു​റ്റ​പ​ത്രം സ​മ​ർ​പ്പി​ച്ച​ത്.

അ​ഫാ​ന്‍റെ പി​തൃ​മാ​താ​വ്​ പാ​ങ്ങോ​ട് എ​ലി​ച്ചു​ഴി പു​ത്ത​ൻ വീ​ട്ടി​ൽ സ​ൽ​മാ ബീ​വി​യെ (95) കൊ​ല​പ്പെ​ടു​ത്തി​യ​തി​ന്​ പാ​ങ്ങോ​ട്​ പൊ​ലീ​സ്​ ര​ജി​സ്റ്റ​ർ ചെ​യ്ത കേ​സി​ൽ ക​ഴി​ഞ്ഞ​ദി​വ​സം ആ​ദ്യ കു​റ്റ​പ​ത്രം സ​മ​ർ​പ്പി​ച്ചി​രു​ന്നു. വെ​ഞ്ഞാ​റ​മൂ​ട്​ പൊ​ലീ​സ്​ ര​ജി​സ്റ്റ​ർ ചെ​യ്ത മ​റ്റൊ​രു കേ​സി​ൽ​കൂ​ടി പ്ര​തി​യാ​ണ്​ അ​ഫാ​ൻ. സ​ഹോ​ദ​ര​ൻ അ​ഹ്​​​സാ​ൻ (13), പെ​ൺ​സു​ഹൃ​ത്ത്​ ഫ​ർ​സാ​ന എ​ന്നി​വ​രെ കൊ​ല​പ്പെ​ടു​ത്തു​ക​യും മാ​താ​വ്​ ഷെ​മി​യെ കൊ​ല്ലാ​ൻ ​ശ്ര​മി​ച്ചെ​ന്ന കേ​സി​ലു​മാ​ണ്​ കു​റ്റ​പ​ത്രം സ​മ​ർ​പ്പി​ക്കാ​നു​ള്ള​ത്.

നെ​ടു​മ​ങ്ങാ​ട്​ ജു​ഡീ​ഷ്യ​ൽ​ ഫ​സ്റ്റ്​ ക്ലാ​സ്​ മ​ജി​സ്​​ട്രേ​റ്റ്​ കോ​ട​തി ഒ​ന്നി​ൽ സ​മ​ർ​പ്പി​ച്ച 543 പേ​ജു​ള്ള കു​റ്റ​പ​ത്ര​ത്തി​ൽ പ​ണം ന​ൽ​കാ​ത്ത​താ​ണ്​ ല​ത്തീ​ഫി​നെ കൊ​ല​പ്പെ​ടു​ത്താ​ൻ കാ​ര​ണ​മെ​ന്ന്​ പ​റ​യു​ന്നു. സാ​മ്പ​ത്തി​ക ത​ർ​ക്ക​ത്തെ തു​ട​ർ​ന്നു​ള്ള വൈ​രാ​ഗ്യ​മാ​ണ്​ കൊ​ല​യി​ലേ​ക്ക്​ ന​യി​ച്ച​ത്.

അ​ഫാ​ന്‍റെ മാ​താ​വ്​ ഷെ​മി ന​ട​ത്തി​യ ചി​ട്ടി​യു​ടെ തു​ക ആ​വ​ശ്യ​പ്പെ​ട്ട​താ​ണ്​ ശ​ത്രു​ത​ക്കു​ള്ള പ്ര​ധാ​ന കാ​ര​ണം. വീ​ട്​ വി​റ്റ്​ സാ​മ്പ​ത്തി​ക ബാ​ധ്യ​ത തീ​ർ​ക്ക​ണ​മെ​ന്നും​ സാ​മ്പ​ത്തി​ക ​പ്ര​തി​സ​ന്ധി കാ​ര​ണം ഗ​ൾ​ഫി​ൽ കു​ടു​ങ്ങി​യ പി​താ​വ്​ റ​ഹീ​മി​നെ തി​രി​ച്ച്​ എ​ത്തി​ക്ക​ണ​മെ​ന്നും ല​ത്തീ​ഫ്​ അ​ഫാ​നോ​ട്​ ആ​വ​ശ്യ​പ്പെ​ട്ടി​രു​ന്നു. ഈ ​സാ​മ്പ​ത്തി​ക പ്ര​തി​സ​ന്ധി​ക്കി​ട​യി​ലും ല​ത്തീ​ഫ്​ അ​ഫാ​നെ​യും കു​ടും​ബ​ത്തെ​യും കു​റ്റ​പ്പെ​ടു​ത്തി​യി​രു​ന്ന​താ​യും പ​റ​യു​ന്നു. ഒ​പ്പം പെ​ൺ​സു​ഹൃ​ത്ത്​ ഫ​ർ​സാ​ന​യു​മാ​യു​ള്ള അ​ടു​പ്പം എ​തി​ർ​ത്ത​തും വൈ​രാ​ഗ്യ​ത്തി​നി​ട​യാ​ക്കി​യ​താ​യി കു​റ്റ​പ​ത്രം ചൂ​ണ്ടി​ക്കാ​ട്ടു​ന്നു.

അ​തേ​സ​മ​യം, ല​ത്തീ​ഫി​ന്‍റെ ഭാ​ര്യ ഷാ​ഹി​ദ​യെ കൊ​ല​പ്പെ​ടു​ത്ത​ണ​മെ​ന്ന ഉ​ദ്ദേ​ശം ഇ​ല്ലാ​യി​രു​ന്നെ​ന്നും എ​ന്നാ​ൽ, കൃ​ത്യം ചെ​യ്യു​ന്ന​തി​നി​ടെ അ​വ​ർ അ​ടു​ത്തേ​ക്ക്​ എ​ത്തി​യ​താ​ണ്​ കൊ​ല​പാ​ത​ക​ത്തി​ലേ​ക്ക്​ ന​യി​ച്ച​തെ​ന്നു​മു​ള്ള അ​ഫാ​ന്‍റെ മൊ​ഴി​യും കു​റ്റ​പ​ത്ര​ത്തി​ൽ ആ​വ​ർ​ത്തി​ക്കു​ന്നു. 110 സാ​ക്ഷി​​ക​ളെ​യും116 തൊ​ണ്ടി മു​ത​ലും സി.​സി ടി​വി ദൃ​ശ്യ​ങ്ങ​ള​ട​ക്കം 70 ഡി​ജി​റ്റ​ൽ തെ​ളി​വും കോ​ട​തി​യി​ൽ സ​മ​ർ​പ്പി​ച്ചു.