ഉച്ചവരെ ഹാവൂ... മൂഡിൽ പിന്നെ കൂട്ടലും കിഴിക്കലുമായി സ്ഥാനാർഥികൾ;ഉ​ള്ളി​ൽ അ​ങ്ക​ലാ​പ്പി​ന്‍റെ മൂ​ഡു​ള്ള​വ​രും പു​റ​മെ വി​ജ​യ പ്ര​തീ​ക്ഷ​യാ​ണ്​ പ​ങ്കു​വെ​ച്ച​ത്

തി​രു​വ​ന​ന്ത​പു​രം: ഹാ​വൂ... ആ​ത്മ​ഗ​ത​വു​മാ​യി അ​ൽ​പം ആ​ശ്വാ​സ​ത്തി​ന്‍റെ മൂ​ഡി​ലാ​യി​രു​ന്നു വെ​ള്ളി​യാ​ഴ്ച സ്ഥാ​നാ​ർ​ഥി​ക​ൾ. തി​ള​യ്ക്കു​ന്ന ചൂ​ടി​ൽ അ​തി​നെ​വെ​ല്ലു​ന്ന പ്ര​ചാ​ര​ണ ചൂ​ടു​മാ​യി ഓ​ടി​ന​ട​ന്ന നാ​ളു​ക​ളി​ൽ​നി​ന്ന്​ തെ​ല്ല്​ ആ​ശ്വാ​സ​ത്തി​ന്‍റെ ക​ര​യ​ണ​ഞ്ഞ ദി​ന​മാ​യി​രു​ന്നു അ​വ​ർ​ക്ക്​ വെ​ള്ളി​യാ​ഴ്ച. രാ​വി​ലെ മ​ണ്ഡ​ല​ത്തി​ലെ വി​വാ​ഹ​വീ​ടു​ക​ളി​ലും മ​ര​ണ​വീ​ടു​ക​ളി​ലും മ​റ്റ്​ ച​ട​ങ്ങു​ക​ളി​ലും പ​​ങ്കെ​ടു​ത്തു. നാ​ളു​ക​ൾ​ക്കു​ശേ​ഷം മി​ക്ക​വ​രും കു​ടും​ബ​വു​മൊ​ത്ത്​ ഉ​ച്ച​ഭ​ക്ഷ​ണം ക​ഴി​ച്ചു. അ​ത് സാ​ധ്യ​മാ​യ​ത്​ മി​ക്ക​വ​ർ​ക്കും വ​ലി​യ ആ​ശ്വാ​സ​മാ​യി. പാ​ർ​ട്ടി​യു​ടെ പ്ര​ധാ​ന നേ​താ​ക്ക​ളു​മാ​യും പ്ര​വ​ർ​ത്ത​ക​രു​മാ​യും കൂ​ടി​ക്കാ​ഴ്ച ന​ട​ത്തി വോ​ട്ടെ​ടു​പ്പു​മാ​യി ബ​ന്ധ​പ്പെ​ട്ട പ്രാ​ഥ​മി​ക കാ​ര്യ​ങ്ങ​ൾ വി​ല​യി​രു​ത്തി. ഉ​ച്ച​യൂ​ണ്​ ക​ഴി​ഞ്ഞ്​ എ​ല്ലാം മ​റ​ന്ന്​ ഉ​റ​ക്ക​ത്തി​ലാ​ണ്ട​വ​രു​മു​ണ്ട്.

വൈ​കീ​ട്ടോ​ടെ വീ​ണ്ടും പാ​ർ​ട്ടി ഓ​ഫി​സു​ക​ളി​ലെ​ത്തി വോ​ട്ടെ​ടു​പ്പു​മാ​യി ബ​ന്ധ​പ്പെ​ട്ട്​ ബൂ​ത്തു​ത​ല​ങ്ങ​ളി​ൽ​നി​ന്ന്​ പ്ര​വ​ർ​ത്ത​ക​ർ ന​ൽ​കി​യ പ്രാ​ഥ​മി​ക ക​ണ​ക്കു​ക​ൾ വി​ല​യി​രു​ത്തി. വോ​ട്ടെ​ടു​പ്പ്​ ദി​വ​സം കാ​ര്യ​ങ്ങ​ൾ നേ​ര​ത്തെ തീ​രു​മാ​നി​ച്ച നി​ല​യി​ൽ ത​ന്നെ ന​ട​ന്നോ, പാ​ളി​ച്ച​ക​ളോ കൂ​ടു​ത​ൽ മെ​ച്ച​മോ ഉ​ണ്ടാ​യോ തു​ട​ങ്ങി​യ കാ​ര്യ​ങ്ങ​ൾ വി​ല​യി​രു​ത്തി.

അ​വ​സാ​ന ലാ​പി​ൽ സം​ഭ​വി​ച്ച അ​ടി​യൊ​ഴു​ക്കു​ക​ൾ പ്ര​വ​ർ​ത്ത​ക​രി​ൽ​നി​ന്ന്​ മ​ന​സി​ലാ​ക്കി. അ​ന്തി​മ​മാ​യി പ്ര​തീ​ക്ഷ​ക്ക്​ വ​ക​യു​ണ്ടോ എ​ന്ന​തി​ൽ അ​നു​മാ​ന​ങ്ങ​ളി​ലെ​ത്തി. അ​തോ​ടെ രാ​വി​ലെ ഉ​ണ്ടാ​യ ആ​ശ്വാ​സ​ത്തി​ന്‍റെ മൂ​ഡ്​ പോ​യി വീ​ണ്ടും മ​ന​സ്​ ക​ലു​ഷി​ത​മാ​യ​വ​രു​ണ്ട്. മു​ഖ​ത്ത്​ കൂ​ടു​ത​ൽ ആ​ശ്വാ​സ​ത്തി​ന്‍റെ ചി​രി വി​രി​ഞ്ഞ​വ​രു​മു​ണ്ട്. ഉ​ള്ളി​ൽ അ​ങ്ക​ലാ​പ്പി​ന്‍റെ മൂ​ഡു​ള്ള​വ​രും പു​റ​മെ വി​ജ​യ പ്ര​തീ​ക്ഷ​യാ​ണ്​ പ​ങ്കു​വെ​ച്ച​ത്.