യു.ഡി.എഫ് സീറ്റ് വിഭജനം കേരള കോണ്‍ഗ്രസുമായി​ സമവായമായില്ല; ചർച്ച തുടരുന്നു

തി​രു​വ​ന​ന്ത​പു​രം: സീ​റ്റ് വി​ഭ​ജ​നം സം​ബ​ന്ധി​ച്ച്​ കോ​ണ്‍ഗ്ര​സ് കേ​ര​ള കോ​ൺ​ഗ്ര​സു​മാ​യി ന​ട​ത്തി​യ ച​ര്‍ച്ച​യി​ല്‍ തീ​രു​മാ​ന​മാ​യി​ല്ല. കേ​ര​ള കോ​ണ്‍ഗ്ര​സ് ചെ​യ​ര്‍മാ​ന്‍ പി.​ജെ. ജോ​സ​ഫ് ഞാ​യ​റാ​ഴ്ച തി​രു​വ​ന​ന്ത​പു​ര​ത്തു​നി​ന്ന് തൊ​ടു​പു​ഴ​ക്ക്​ മ​ട​ങ്ങി. പ്ര​തി​പ​ക്ഷ നേ​താ​വ് വി.​ഡി. സ​തീ​ശ​നും രാ​വി​ലെ എ​റ​ണാ​കു​ള​ത്തേ​ക്ക്​ പോ​യി. ഫോ​ണ്‍ വ​ഴി ആ​ശ​യ​വി​നി​മ​യം ന​ട​ന്നെ​ങ്കി​ലും ധാ​ര​ണ​യാ​യി​ല്ല.

ജ​യ​സാ​ധ്യ​ത മു​ന്‍നി​ര്‍ത്തി കോ​ണ്‍ഗ്ര​സ് ഏ​റ്റെ​ടു​ക്കു​മെ​ന്ന് പ​റ​യു​ന്ന സീ​റ്റു​ക​ള്‍ക്കു​പ​ക​രം സീ​റ്റു​ക​ള്‍ വേ​ണ​മെ​ന്ന ആ​വ​ശ്യ​മാ​ണ് പി.​ജെ. ജോ​സ​ഫ് മു​ന്നോ​ട്ടു​വെ​ച്ച​ത്. നേ​ര​ത്തെ നാ​ല് സീ​റ്റ് ഏ​റ്റെ​ടു​ക്കു​മെ​ന്ന കോ​ണ്‍ഗ്ര​സി​ന്റെ വാ​ദം ഇ​പ്പോ​ള്‍ മൂ​ന്ന് സീ​റ്റി​ലേ​ക്ക് ചു​രു​ങ്ങി​യി​ട്ടു​ണ്ട്. എ​ന്നാ​ല്‍, പ​ക​രം സീ​റ്റു​ക​ള്‍ വേ​ണ​മെ​ന്ന നി​ല​പാ​ടി​ല്‍ കേ​ര​ള കോ​ണ്‍ഗ്ര​സ് ഉ​റ​ച്ചു​നി​ല്‍ക്കു​ക​യാ​ണ്. കു​ട്ട​നാ​ട്, ഏ​റ്റു​മാ​നൂ​ർ, ഇ​ടു​ക്കി സീ​റ്റു​ക​ളാ​ണ്​ കോ​ൺ​ഗ്ര​സി​ന്​ വി​ട്ടു​കൊ​ടു​ക്കാ​ൻ ധാ​ര​ണ​യി​ലെ​ത്തി​യ​ത്. കോ​ത​മം​ഗ​ലം​കൂ​ടി ആ​വ​ശ്യ​പ്പെ​ട്ടെ​ങ്കി​ലും പി​ന്നീ​ട്​ ഒ​ഴി​വാ​ക്കി. പ​ക​രം കോ​ട്ട​യം, ഇ​ടു​ക്കി, പ​ത്ത​നം​തി​ട്ട ജി​ല്ല​ക​ളി​ലെ മൂ​ന്ന് സീ​റ്റു​ക​ൾ വേ​ണ​മെ​ന്നാ​ണ്​ കേ​ര​ള കോ​ൺ​ഗ്ര​സ്​ ആ​വ​ശ്യ​പ്പെ​ടു​ന്ന​ത്. ച​ര്‍ച്ച തു​ട​രു​മെ​ന്നാ​ണ്​ കോ​ണ്‍ഗ്ര​സ് നേ​തൃ​ത്വം പ​റ​യു​ന്ന​ത്. ശ​നി​യാ​ഴ്ച ഇ​രു​പാ​ർ​ട്ടി നേ​തൃ​ത്വ​ങ്ങ​ൾ ത​മ്മി​ൽ അ​നൗ​പ​ചാ​രി​ക ആ​ശ​യവി​നി​മ​യം ന​ട​ത്തി​യി​രു​ന്നു. ഇ​തി​ന്റെ ചു​വ​ടു​പി​ടി​ച്ചാ​ണ് ഫോ​ണ്‍ വ​ഴി​യു​ള്ള സം​ഭാ​ഷ​ണം.