തിരിച്ചുചെല്ലാൻ ഇടമില്ലാതെ മനസ്സുതകർന്ന അമ്മമാർ

തി​രു​വ​ന​ന്ത​പു​രം: ക​ട​ൽ​ക്ഷോ​ഭ​ത്തി​ൽ വീ​ട് ത​ക​ർ​ന്ന കൊ​ച്ചു​തോ​പ്പി​ലെ കു​ടും​ബ​ങ്ങ​ൾ ആ​ധി​യി​ൽ. ക​ട​ലി​റ​ങ്ങു​മ്പോ​ൾ തി​രി​ച്ചു ചെ​ന്നാ​ൽ താ​മ​സി​ക്കാ​ൻ വീ​ടു​ക​ളി​ല്ല എ​ന്ന​താ​ണ് ഈ ​കു​ടും​ബ​ങ്ങ​ളെ ആ​ധി​യി​ലാ​ഴ്ത്തു​ന്ന​ത്. വ​ലി​യ​തോ​പ്പ് സെൻറ്.​ റോ​ക്‌​സ് കോ​ൺ​വെൻറ്​ സ്‌​കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ ഏ​ഴോ​ളം കു​ടും​ബ​ങ്ങ​ളാ​ണ് നി​ല​വി​ൽ ക​ഴി​യു​ന്ന​ത്.

ക​ഴി​ഞ്ഞ മാ​സ​മു​ണ്ടാ​യ ക​ട​ൽ​ക്ഷോ​ഭ​ത്തി​ൽ ശം​ഖും​മു​ഖം ബീ​ച്ചി​ന​ടു​ത്തു​ള്ള കൊ​ച്ചു​തോ​പ്പി​ൽ അ​മ്പ​തി​ല​ധി​കം വീ​ടു​ക​ളാ​ണ് ത​ക​ർ​ന്ന​ത്. ഇ​വ​രി​ൽ പ​ല​രും ല​ക്ഷ​ക്ക​ണ​ക്കി​ന് രൂ​പ ബാ​ങ്ക് വാ​യ്പ​യെ​ടു​ത്ത്​ വീ​ട് കെ​ട്ടി​യ​വ​രാ​ണ്. ഇ​രു​നി​ല കോ​ൺ​ക്രീ​റ്റ് വീ​ടു​ക​ളും ഓ​ടി​ട്ട വീ​ടു​ക​ളും ത​ക​ർ​ന്ന​വ​യു​ടെ കൂ​ട്ട​ത്തി​ലു​ണ്ട്.ഒ​രു മാ​സ​ത്തി​ല​ധി​ക​മാ​യി ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന ഇ​വ​രെ കാ​ണാ​ൻ ഒ​രു ജ​ന​പ്ര​തി​നി​ധി​യും വ​ന്നി​ല്ലെ​ന്ന്​ ക്യാ​മ്പി​ലെ അ​ന്തേ​വാ​സി​യാ​യ മേ​രി വ്യ​ക്ത​മാ​ക്കി. ഇ​വ​രു​ടെ കൂ​ട്ട​ത്തി​ൽ വ​യോ​ധി​ക​രും ശാ​രീ​രി​ക അ​വ​ശ​ത​ക​ൾ ഉ​ള്ള​വ​രും നി​ര​വ​ധി​യാ​ണ്.

റി​വേ​ഴ്‌​സ് ക്വാ​റ​ൻ​റീ​നി​ൽ ക​ഴി​യേ​ണ്ട ഇ​വ​ർ​ക്ക് കോ​വി​ഡ്‌ വ​ന്നാ​ൽ അ​തി​നു ഉ​ത്ത​ര​വാ​ദി സ​ർ​ക്കാ​ർ ആ​യി​രി​ക്കു​മെ​ന്ന്​ അ​ന്തേ​വാ​സി​ക​ളും വ​യോ​ധി​ക​രു​മാ​യ ജെ​സ്മ​ൽ (71), സെ​ലി​ൻ (63) എ​ന്നി​വ​ർ കൂ​ട്ടി​ച്ചേ​ർ​ത്തു.അ​മ്മ മ​രി​ച്ചു​പോ​യ ര​ണ്ടു കൗ​മാ​ര​ക്കാ​രു​ടെ ര​ക്ഷാ​ക​ർ​ത്താ​വാ​ണ് ഹൃ​ദ്രോ​ഗി​യാ​യ ജെ​സ്മ​ൽ. ആ ​കു​ട്ടി​ക​ളി​രൊ​ൾ ഓ​ട്ടി​സം മൂ​ലം വി​ഷ​മ​ത​ക​ൾ അ​നു​ഭ​വി​ക്കു​ന്ന​യാ​ൾ കൂ​ടി​യാ​ണ്.