മൂന്നംഗ കവര്‍ച്ച സംഘം പിടിയില്‍

പാ​ങ്ങോ​ട്: ജി​ല്ല​യി​ലെ വി​വി​ധ സ്റ്റേ​ഷ​ന്‍ പ​രി​ധി​ക​ളി​ല്‍ നി​ര​വ​ധി ക​വ​ര്‍ച്ച ന​ട​ത്തി​യ മൂ​ന്നം​ഗ സം​ഘ​ത്തെ പാ​ങ്ങോ​ട് പൊ​ലീ​സ് പി​ടി​കൂ​ടി. ക​ല്ല​റ കെ.​ടി കു​ന്ന് സ്വ​ദേ​ശി മു​ഹ​മ്മ​ദ് ഖാ​ന്‍ (32), ക​ട​യ്ക്ക​ല്‍ ചി​ത​റ സ്വ​ദേ​ശി അ​ഫ്‌​സ​ല്‍ (32), നെ​ടു​മ​ങ്ങാ​ട് തൊ​ളി​ക്കോ​ട് സ്വ​ദേ​ശി സ​മീ​ര്‍ (28) എ​ന്നി​വ​രാ​ണ് പി​ടി​യി​ലാ​യ​ത്

ക​ല്ല​റ കെ.​ടി കു​ന്ന് പ​ച്ച​യി​ല്‍മു​ക്ക്​ മു​ല്ല മ​ന്‍സി​ലി​ല്‍ സൈ​ബ​യു​ടെ വീ​ട്ടി​ല്‍ ചൊ​വ്വാ​ഴ്ച ആ​ളി​ല്ലാ​ത്ത സ​മ​യ​ത്ത് പി​ന്‍വാ​തി​ല്‍ കു​ത്തി​ത്തു​റ​ന്ന് ഉ​ള്ളി​ല്‍ ക​യ​റി ലാ​പ് ടോ​പ്പ് അ​ട​ക്ക​മു​ള്ള സാ​ധ​ന​ങ്ങ​ള്‍ ക​വ​ര്‍ന്ന സം​ഭ​വ​ത്തി​ലെ അ​ന്വേ​ഷ​ണ​മാ​ണ് പ്ര​തി​ക​ളെ വ​ല​യി​ലാ​ക്കി​യ​ത്.

പാ​ങ്ങോ​ട് കൊ​ച്ചാ​ലും​മൂ​ട്ടി​ല്‍ ആ​ളൊ​ഴി​ഞ്ഞ വീ​ട്ടി​ല്‍ സൂ​ക്ഷി​ച്ചി​രു​ന്ന നാ​നൂ​റോ​ളം റ​ബ​ര്‍ ഷീ​റ്റു​ക​ളും സം​ഘം ക​വ​ര്‍ച്ച ചെ​യ്തി​രു​ന്നു. പാ​ങ്ങോ​ടി​ന് പു​റ​മെ വ​ര്‍ക്ക​ല, കി​ളി​മാ​നൂ​ര്‍ പോ​ലീ​സ് സ്റ്റേ​ഷ​ന്‍ പ​രി​ധി​ക​ളി​ലും നി​ര​വ​ധി മോ​ഷ​ണ​ങ്ങ​ള്‍ ഇ​വ​ര്‍ ന​ട​ത്തി​യ​താ​യി പോ​ലീ​സി​ന് തെ​ളി​വു​ക​ള്‍ ല​ഭി​ച്ചു.

ഇ​തു സം​ബ​ന്ധി​ച്ച് പോ​ലീ​സ് പ​റ​യു​ന്ന​തി​ങ്ങി​നെ: കോ​ഴി​ക്ക​ട​ക​ളി​ല്‍ എ​ത്തി​ക്കു​ന്ന വാ​ഹ​ന​ത്തി​ല്‍ ജോ​ലി നോ​ക്കു​ന്ന ഇ​വ​ര്‍ പ​ക​ല്‍ സ​മ​യ​ങ്ങ​ളി​ല്‍ പൂ​ട്ടി​ക്കി​ട​ക്കു​ന്ന വീ​ടു​ക​ള്‍ നോ​ക്കി വെ​ക്കു​ക​യും രാ​ത്രി​കാ​ല​ങ്ങ​ളി​ല്‍ വാ​ട​ക​ക്ക്​ എ​ടു​ക്കു​ന്ന കാ​റു​ക​ളി​ല്‍ സ​ഞ്ച​രി​ച്ച്​ മോ​ഷ​ണം ന​ട​ത്തു​ക​യു​മാ​യി​രു​ന്നു. ഷ​മീ​ര്‍ ആ​ണ് മോ​ഷ​ണ സ​മ​യ​ങ്ങ​ളി​ല്‍ കാ​ര്‍ ഓ​ടി​ക്കു​ക. ഇ​യാ​ള്‍ മോ​ഷ​ണം ന​ട​ത്തു​ന്ന വീ​ടി​ന് സ​മീ​പ​ത്ത് കാ​ര്‍ പാ​ര്‍ക്ക് ചെ​യ്ത് പ​രി​സ​രം നി​രീ​ക്ഷി​ക്കു​ക​യും മ​റ്റ് ര​ണ്ടു​പേ​ര്‍ ഈ ​സ​മ​യം മോ​ഷ​ണം ചെ​യ്യു​ന്ന രീ​തി​യാ​ണു​ള്ള​ത്. ക​വ​ര്‍ച്ച​ക്ക്​ ശേ​ഷം മോ​ഷ​ണ മു​ത​ലു​ക​ള്‍ വി​റ്റ് പ​ങ്കു​വ​ച്ച് ആ​ര്‍ഭാ​ട ജീ​വി​തം ന​യി​ക്കും.

സൈ​ബ​ര്‍ സെ​ല്ലി​ന്റെ സ​ഹാ​യ​ത്തോ​ടെ പോ​ലീ​സ് അ​ന്വേ​ഷ​ണം ന​ട​ത്തി​വ​രി​ക​യാ​യി​രു​ന്നു. ശ​നി​യാ​ഴ്ച വാ​ട​ക്കെ​ടു​ത്ത സ്വി​ഫ്റ്റ് കാ​റി​ല്‍ മ​റ്റൊ​രു മോ​ഷ​ണ​ത്തി​നു പോ​കു​ന്ന​തി​നി​ടെ സ്വ​കാ​ര്യ വാ​ഹ​ന​ത്തി​ല്‍ വ​ന്ന പോ​ലീ​സ് സം​ഘ​ത്തെ ക​ണ്ട് വാ​ഹ​നം അ​മി​ത വേ​ഗ​ത​യി​ല്‍ വി​ട്ടു. പി​ന്തു​ട​ര്‍ന്ന പോ​ലീ​സ് സം​ഘ​ത്തെ നി​ര​വ​ധി ത​വ​ണ വാ​ഹ​നം ഇ​ടി​ക്കാ​ന്‍ ശ്ര​മി​ച്ച്​ മു​ന്നോ​ട്ടു പോ​ക​വെ ക​ട​യ്ക്ക​ല്‍ മു​ക്കു​ന്നം ഭാ​ഗ​ത്തു​വ​ച്ച് നാ​ട്ടു​കാ​രു​ടെ സ​ഹാ​യ​ത്തോ​ടെ ത​ട​യാ​ന്‍ ശ്ര​മി​ച്ചെ​ങ്കി​ലും ഇ​ടി​ച്ച്​ തെ​റി​പ്പി​ച്ച് ക​ട​ന്നു. വാ​ഹ​നം ചു​ണ്ട ഭാ​ഗ​ത്തു​വ​ച്ച് സാ​ഹ​സി​ക​മാ​യി പോ​ലീ​സ് പി​ടി കൂ​ടു​ക​യാ​യി​രു​ന്നു. പാ​ങ്ങോ​ട് എ​സ്.​എ​ച്ച്.​ഒ ജി​നേ​ഷി​ന്റെ നേ​തൃ​ത്വ​ത്തി​ല്‍ എ​സ്.​ഐ​മാ​രാ​യ വി​ജി​ത്ത് കെ. ​നാ​യ​ര്‍, ജോ​യ്, ജോ​യ്, സി​വി​ൽ പൊ​ലീ​സ് ഓ​ഫീ​സ​ര്‍ ന​സീം, സു​ജി​ത്ത് നി​സാ​ര്‍, ബി​നു, സു​ധീ​ര്‍, ഹ​രി എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.