ലോറിയിൽ കൊണ്ടുപോയ അരിച്ചാക്കുകൾ റോഡിൽ പൊട്ടിവീണ്​ ചിതറി

നെ​ടു​മ​ങ്ങാ​ട്: ക​ഴ​ക്കൂ​ട്ടം എ​ഫ്.​സി.​ഐ ഗോ​ഡൗ​ണി​ൽ നി​ന്ന് ലോ​റി​യി​ൽ കൊ​ണ്ടു​പോ​യ അ​രി​ച്ചാ​ക്കു​ക​ൾ കെ​ട്ടു​പൊ​ട്ടി റോ​ഡി​ൽ വീ​ണു. 20 ല​ധി​കം ചാ​ക്കു​ക​ള്‍ റോ​ഡി​ലേ​ക്ക് വീ​ണു​ചി​ത​റി. ഉ​ട​ന്‍ ത​ന്നെ ലോ​റി​യി​ലെ ജീ​വ​ന​ക്കാ​രും സ​മീ​പ​ത്തു​ണ്ടാ​യി​രു​ന്ന തൊ​ഴി​ലാ​ളി​ക​ളും ചേ​ർ​ന്ന്​ മ​ണ്ണും ക​ല്ലും അ​രി​യും തൂ​ത്തു​കൂ​ട്ടി ചാ​ക്കി​ലാ​ക്കി ക​യ​റ്റി​ക്കൊ​ണ്ടു​പോ​യി. തി​ങ്ക​ളാ​ഴ്ച ഉ​ച്ച​യ്ക്ക് 12 മ​ണി​യോ​ടെ നെ​ടു​മ​ങ്ങാ​ട് മു​ക്കോ​ല അ​മൃ​ത​കൈ​ര​ളി വി​ദ്യാ​ല​യ​ത്തി​ന് മു​ന്നി​ലാ​യി​രു​ന്നു സം​ഭ​വം.

ക​ഴ​ക്കൂ​ട്ടം എ​ഫ്.​സി.​ഐ ഗോ​ഡൗ​ണി​ല്‍ നി​ന്ന് പൂ​വ​ച്ച​ലി​ലെ അ​രി​ഗോ​ഡൗ​ണി​ലേ​ക്ക് കൊ​ണ്ടു​പോ​യ അ​രി​ച്ചാ​ക്കു​ക​ളാ​ണ് ക​യ​ര്‍പൊ​ട്ടി താ​ഴെ വീ​ണ​ത്. റോ​ഡി​ല്‍ അ​രി​വീ​ണ​തോ​ടെ നെ​ടു​മ​ങ്ങാ​ട് ഷൊ​ര്‍ള​ക്കോ​ട് പാ​ത​യി​ലെ ഗ​താ​ഗ​തം ത​ട​സ്സ​പ്പെ​ട്ടു. നൂ​റു​ക​ണ​ക്കി​ന് വാ​ഹ​ന​ങ്ങ​ള്‍ ഏ​റെ സ​മ​യം വ​ഴി​യി​ലാ​യി.

നെ​ടു​മ​ങ്ങാ​ട് ട്രാ​ഫി​ക് പോ​ലീ​സ് ഉ​ട​ന്‍ സ്ഥ​ല​ത്തെ​ത്തി​യെ​ങ്കി​ലും അ​രി​ച്ചാ​ക്കു​ക​ള്‍ മാ​റ്റാ​തെ ഗ​താ​ഗ​തം പു​ന​സ്ഥാ​പി​ക്കാ​നാ​യി​ല്ല. റോ​ഡി​ല്‍ വീ​ണു പൊ​ട്ടി​യ 20 ല​ധി​കം ചാ​ക്കു​ക​ളി​ലെ അ​രി ചൂ​ല്‍ ഉ​പ​യോ​ഗി​ച്ച് തൂ​ത്തു​വാ​രി ചാ​ക്കി​ലാ​ക്കി​യാ​ണ് ഇ​വ​ര്‍ പോ​യ​ത്. ലോ​റി​യി​ല്‍ കെ​ട്ടി​യി​രു​ന്ന ക​യ​ര്‍ അ​യ​ഞ്ഞ​തി​നെ​തു​ട​ര്‍ന്നാ​ണ് അ​രി​ച്ചാ​ക്കു​ക​ള്‍ റോ​ഡി​ല്‍ വീ​ണ​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.