മുതലപ്പൊഴി: സാങ്കേതികത്തകരാർ, ഡ്രഡ്ജിങ്​ വൈകുന്നു

ചി​റ​യി​ൻ​കീ​ഴ്: മു​ത​ല​പ്പൊ​ഴി​യി​ൽ ഡ്ര​ഡ്ജ​റെ​ത്തി അ​ഞ്ച്​ ദി​വ​സ​മാ​യി​ട്ടും ഡ്ര​ഡ്ജി​ങ്​ ആ​രം​ഭി​ക്കാ​നാ​യി​ല്ല. പൊ​ഴി​യി​ൽ എ​ത്തി​ച്ച ര​ണ്ടാ​മ​ത്തെ ഡ്ര​ഡ്ജ​റി​ലു​ണ്ടാ​യ സാ​ങ്കേ​തി​ക പ്ര​ശ്ന​ങ്ങ​ളാ​ണ് ത​ട​സ്സ​മാ​കു​ന്ന​ത്. വ്യാ​ഴാ​ഴ്ച എ​ത്തി​ക്കു​മെ​ന്ന് അ​റി​യി​ച്ചി​രു​ന്ന ച​ന്ദ്ര​ഗി​രി ഡ്ര​ഡ്ജ​ർ ക​ണ്ണൂ​രി​ൽ​നി​ന്ന്​ മു​ത​ല​പ്പൊ​ഴി​യി​ൽ എ​ത്തി​യ​ത് വെ​ള്ളി​യാ​ഴ്ച​യാ​ണ്. ഇ​ത് പൊ​ഴി​മു​ഖ​ത്തേ​ക്ക് ക​യ​റ്റു​ന്ന​തി​ന് മൂ​ന്നു​ദി​വ​സം വേ​ണ്ടി​വ​ന്നു.

ന​ദി​യി​ൽ​നി​ന്നു​ള്ള ഒ​ഴു​ക്കും പ്ര​തി​കൂ​ല കാ​ലാ​വ​സ്ഥ​യും പ്ര​തി​സ​ന്ധി സൃ​ഷ്ടി​ച്ചി​രു​ന്നു. ഇ​തി​നെ അ​തി​ജീ​വി​ച്ച് മൂ​ന്ന് ബോ​ട്ടു​ക​ളു​ടെ സ​ഹാ​യ​ത്തോ​ടെ​യാ​ണ് ഡ്ര​ഡ്ജ​ർ പൊ​ഴി​മു​ഖ​ത്തേ​ക്ക് പ്ര​വേ​ശി​പ്പി​ച്ച​ത്. പൈ​പ്പു​ക​ളും അ​നു​ബ​ന്ധ യ​ന്ത്ര​സാ​മ​ഗ്രി​ക​ളും ഘ​ടി​പ്പി​ച്ച് ട്ര​യ​ൽ റ​ൺ ന​ട​ത്താ​ൻ ശ്ര​മി​ച്ചെ​ങ്കി​ലും സാ​ങ്കേ​തി​ക പ്ര​ശ്ന​ങ്ങ​ളാ​ൽ നി​ർ​ത്തി​വെ​ക്കേ​ണ്ടി​വ​ന്നു. മൂ​ന്നു​ദി​വ​സ​വും ട്ര​യ​ൽ റ​ൺ പ്ര​തീ​ക്ഷി​ച്ചി​രു​ന്നു. ഓ​രോ​രോ സാ​ങ്കേ​തി​ക പ്ര​ശ്ന​ങ്ങ​ൾ ട്ര​യ​ൽ വൈ​കി​പ്പി​ക്കു​ന്നു.

വ്യാ​ഴാ​ഴ്ച രാ​ത്രി മ​ത്സ്യ​ത്തൊ​ഴി​ലാ​ളി​ക​ൾ പ്ര​തി​ഷേ​ധി​ക്കു​ക​യും സ്ഥ​ല​ത്തെ​ത്തി​യ ഉ​ദ്യോ​ഗ​സ്ഥ​രെ ത​ട​ഞ്ഞു​വെ​ക്കു​ക​യും ചെ​യ്തി​രു​ന്നു. ട്ര​യ​ൽ റ​ൺ ന​ട​ത്തി​യാ​ലെ ഉ​ദ്യോ​ഗ​സ്ഥ​രെ മ​ട​ങ്ങാ​ൻ അ​നു​വ​ദി​ക്കൂ​വെ​ന്ന്​ മ​ത്സ്യ​ത്തൊ​ഴി​ലാ​ളി​ക​ൾ നി​ല​പാ​ടെ​ടു​ത്തു. ചി​റ​യി​ൻ​കീ​ഴ് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ൻ​റ് അ​ബ്ദു​ൽ വാ​ഹി​ദ്, ഇ​ട​വ​ക വി​കാ​രി ജോ​ൺ ബോ​സ്കോ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് പ്ര​തി​ഷേ​ധി​ച്ച​ത്.

ഹൈ​ട്രോ​ളി​ക്​ പൈ​പ്പ് ത​ക​രാ​റി​ലാ​യ​താ​ണ് നി​ല​വി​ലെ പ്ര​ശ്നം. ത​ക​രാ​ർ പ​രി​ഹ​രി​ക്കാ​ൻ എ​റ​ണാ​കു​ള​ത്തു​നി​ന്ന്​ വി​ദ്ഗ​ദ്ധ​ർ എ​ത്തി. വെ​ള്ളി​യാ​ഴ്ച രാ​ത്രി​യോ​ടെ ട്ര​യ​ൽ റ​ൺ ന​ട​ത്തു​മെ​ന്ന്​ എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ ഉ​റ​പ്പു​ന​ൽ​കി​യി​രു​ന്നു. ഈ ​ഉ​റ​പ്പ് ലം​ഘി​ച്ചാ​ൽ ശ​നി​യാ​ഴ്ച സ​മ​രം ശ​ക്ത​മാ​ക്കു​മെ​ന്നും സ​മ​ര​സ​മി​തി അ​റി​യി​ച്ചി​ട്ടു​ണ്ട്. മേ​യ് പ​കു​തി​യോ​ടെ പൊ​ഴി​മു​ഖം കൂ​ടു​ത​ൽ പ്ര​ക്ഷു​ബ്ധ​മാ​കാ​റു​ണ്ട്. അ​തി​നാ​ൽ മേ​യ് പ​കു​തി​ക്കു​ള്ളി​ൽ പ​ര​മാ​വ​ധി ഡ്ര​ഡ്ജി​ങ്​ ന​ട​ത്തി​യി​ല്ലെ​ങ്കി​ൽ ഹാ​ർ​ബ​ർ പൂ​ർ​ണ​മാ​യി അ​ട​യു​ക​യും ഡ്ര​ഡ്ജി​ങ്​ തു​ട​രാ​നാ​വാ​ത്ത അ​വ​സ്ഥ വ​രി​ക​യും ചെ​യ്യും.