സ്മാർട്ടാവാതെ സ്മാർട്ട്​ സിറ്റി റോഡുകൾ

തി​രു​വ​ന​ന്ത​പു​രം: വ​ർ​ഷ​ങ്ങ​ളാ​യി മു​ട​ങ്ങി​ക്കി​ട​ന്ന റോ​ഡ്​ പ​ണി പ​ല ക​രാ​റു​കാ​ർ​ക്കാ​യി വി​ഭ​ജി​ച്ച് ന​ൽ​കി പു​ന​രാം​ഭി​ച്ച​തോ​ടെ ത​ല​സ്ഥാ​ന ന​ഗ​രി​യി​ൽ ജ​നം അ​ക്ഷ​രാ​ർ​ഥ​ത്തി​ൽ പെ​രു​വ​ഴി​യി​ലാ​യി. സ്മാ​ർ​ട്ട് സി​റ്റി​യു​ടെ ഭാ​ഗ​മാ​യു​ള്ള റോ​ഡ് പ​ണി​യാ​ണ് ജ​ന​ത്തെ വ​ല​ച്ച​ത്. ഒ​രേ സ​മ​യ​ത്ത് നി​ര​വ​ധി റോ​ഡു​ക​ളി​ൽ ന​ട​ക്കു​ന്ന റോ​ഡ് പ​ണി വി​ദ്യാ​ർ​ഥി​ളെ​യും ഉ​ദ്യോ​ഗ​സ്ഥ​രെ​യും സാ​ധാ​ര​ണ​ക്കാ​രെ​യും ഒ​രു​പോ​ലെ വ​ല​യ്ക്കു​ക​യാ​ണ്.

മി​ക്ക ഇ​ട​ങ്ങ​ളി​ലും ഗ​താ​ഗ​ത ക്ര​മീ​ക​ര​ണ​ങ്ങ​ളോ മു​ന്ന​റി​യി​പ്പോ ഇ​ല്ലാ​തെ​യാ​ണ് റോ​ഡ് വെ​ട്ടി​പ്പൊ​ളി​ക്കു​ന്ന​ത്. രാ​വി​ലെ മു​ത​ൽ രാ​ത്രി വ​രേ​യും ഗ​താ​ഗ​ത​ക്കു​രു​ക്ക്​ രൂ​ക്ഷ​മാ​ണ്. രാ​വി​ലെ വ​ഴി​തി​രി​ച്ചു വി​ട്ട വ​ഴി വൈ​കു​ന്നേ​ര​മാ​യ​പ്പോ​ൾ അ​ട​ച്ചി​ട്ട സ്ഥി​തി​യും പ​ല​യി​ട​ത്തു​ണ്ട്.

കൂ​ട്ട​ത്തോ​ടെ വെ​ട്ടി​പ്പൊ​ളി​ച്ചും കു​ത്തി​ക്കീ​റി​യു​മാ​ണ് ത​ല​സ്ഥാ​ന ന​ഗ​ര​ത്തി​ലെ പ്ര​ധാ​ന റോ​ഡു​ക​ൾ. മു​ന്ന​റി​യി​പ്പി​ല്ലാ​തെ​യും ബ​ദ​ൽ യാ​ത്രാ​ക്ര​മീ​ക​ര​ണം ഒ​രു​ക്കാ​തെ​യും റോ​ഡ് വെ​ട്ടി​ക്കീ​റി​യ​തോ​ടെ അ​ക്ഷ​രാ​ഥ​ത്തി​ൽ ജ​നം ന​ട്ടം​തി​രി​യു​ക​യാ​ണ്. തി​ര​ക്കു​ള്ള മ​ണി​ക്കൂ​റു​ക​ളി​ലാ​ണെ​ങ്കി​ൽ അ​വ​സ്ഥ പ​രി​താ​പ​ക​ര​വും.

കാ​ൽ ന​ട​ക്കാ​ർ​ക്ക് പോ​ലും ന​ഗ​ര​ത്തി​ലൂ​ടെ ന​ട​ന്നു നീ​ങ്ങു​ന്ന​ത് പെ​ടാ​പ്പാ​ടാ​യി മാ​റി. പ​ല​യി​ട​ത്തും റോ​ഡ് നി​ർ​മാ​ണ​ത്തോ​ട​നു​ബ​ന്ധി​ച്ചു​ള്ള ഓ​ട​ക​ളു​ടെ നി​ർ​മാ​ണ​വും പു​രോ​ഗ​മി​ക്കു​ന്നു​ണ്ട്. കൊ​ച്ചു​കു​ട്ടി​ക​ളെ ശ്ര​ദ്ധി​ച്ചി​ല്ലെ​ങ്കി​ൽ കു​ഴി​യി​ൽ വീ​ഴാ​നു​ള്ള സാ​ധ്യ​ത ഏ​റെ​യു​ണ്ട്.

ത​ല​സ്ഥാ​ന ന​ഗ​ര​വാ​സി​ക​ൾ ഏ​റ്റ​വും കൂ​ടു​ത​ൽ ആ​ശ്ര​യി​ക്കു​ന്ന ജ​ന​റ​ൽ ആ​ശു​പ​ത്രി​ക​യി​ലേ​ക്കു​ള്ള പ്ര​ധാ​ന​പ്പെ​ട്ട റോ​ഡു​ക​ൾ അ​ട​ച്ചി​ട്ടി​ട്ട് മാ​സ​ങ്ങ​ളാ​യി. അ​തി​രൂ​ക്ഷ​മാ​യ പൊ​ടി​ശ​ല്യം കാ​ര​ണം റോ​ഡി​ന​ടു​ത്ത് താ​മ​സി​ക്കു​ന്ന​വ​ർ പൊ​റു​തി​മു​ട്ടി​യി​രി​ക്കു​ക​യാ​ണ്. പ​കു​തി​യി​ല​ധി​കം പ​ണി​യും ബാ​ക്കി​യാ​ണ്. 705 മീ​റ്റ​ർ മാ​ത്രം നീ​ള​മു​ള്ള റോ​ഡി​ൽ പ​ല​യി​ട​ത്തും കു​ഴി​ക​ൾ.

ഇ​രു വ​ശ​ത്തും ന​ട​ക്കാ​ൻ പോ​ലും ക​ഴി​യാ​ത്ത ത​ര​ത്തി​ൽ കു​ത്തി​ക്കീ​റി. ഇ​ട​യ്ക്കി​ട​യ്ക്ക് പൊ​ട്ടു​ന്ന കു​ടി​വെ​ള്ള പൈ​പ്പു​ക​ളു​ണ്ടാ​ക്കു​ന്ന ദു​രി​തം വേ​റെ. ജ​ന​റ​ൽ ആ​ശു​പ​ത്രി, വ​ഞ്ചി​യൂ​ർ കോ​ട​തി, ഹോ​ളി എ​യ്ഞ്ച​ൽ​സ് സ്കൂ​ൾ, അ​ന​വ​ധി ക​ച്ച​വ​ട​സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ലേ​ക്കു​ള്ള ഒ​രു​പാ​ട് പേ​രു​ടെ വ​ഴി​യ​ട​ച്ചു സ്മാ​ർ​ട്ട്​ സി​റ്റി പ​ദ്ധ​തി. ഈ ​റോ​ഡ് സ്മാ​ർ​ട്ട് ആ​ക്കാ​ൻ മു​ട​ക്കു​ന്ന​ത് 11.97 കോ​ടി രൂ​പ. ഒ​രു വ​ർ​ഷം മു​മ്പ് തു​ട​ങ്ങി​യ​താ​ണ് പ​ണി​ക​ൾ. മാ​ർ​ച്ചി​ൽ റോ​ഡു​ക​ൾ ഗ​താ​ഗ​ത​യോ​ഗ്യ​മാ​കു​മെ​ന്ന്​ മ​ന്ത്രി മു​ഹ​മ്മ​ദ്​ റി​യാ​സ്​ പ്ര​ഖ്യാ​പി​ച്ചി​രു​ന്നു.