യൂബര്‍ ടാക്‌സി വിളിച്ച് ഡ്രൈവറെ മര്‍ദിച്ച് പണം തട്ടിയ സംഘത്തില്‍ ആറുപേര്‍ പിടിയില്‍

മ​ണ്ണ​ന്ത​ല: സ​വാ​രി​ക്കെ​ന്ന വ്യാ​ജേ​ന യൂ​ബ​ര്‍ ടാ​ക്‌​സി വി​ളി​ച്ച് ഡ്രൈ​വ​റെ ത​ട്ടി​കൊ​ണ്ടു​പോ​യി ക്രൂ​ര​മാ​യി മ​ര്‍ദി​ച്ച് പ​ണം ത​ട്ടി​യെ​ടു​ത്ത പ​ത്തം​ഗ സം​ഘ​ത്തി​ലെ ആ​റു പേ​രെ മ​ണ്ണ​ന്ത​ല പൊ​ലീ​സ് അ​റ​സ്റ്റ് ചെ​യ്തു. ഉ​ള​ളൂ​ര്‍ പ​ണ​യി​ല്‍ വീ​ട്ടി​ല്‍ വി​ഷ്ണു (31) , ഇ​ട​വാ​ക്കോ​ട് സ​ജി ഭ​വ​നി​ല്‍ ജി​ത്ത് (28), ചേ​ഞ്ചേ​രി ല​ക്ഷം വീ​ട്ടി​ല്‍ ജി​ഷ്ണു (24), ക​ല്ലി​യൂ​ര്‍ കു​ള​ക്കോ​ട്ടു​കോ​ണം കു​ന്നും​പു​റ​ത്ത് വീ​ട്ടി​ല്‍ യ​ദു (18), നാ​ലാ​ഞ്ചി​റ അ​ക്ഷ​യ ഗാ​ര്‍ഡ​നി​ല്‍ കാ​പ്പി​രി ജി​തി​ന്‍ എ​ന്ന ജി​തി​ന്‍ (31), ശ്രീ​കാ​ര്യം ചെ​റു​വ​യ്ക്ക​ല്‍ ചാ​മ​വി​ള വീ​ട്ടി​ല്‍ സൂ​ര​ജ് (18) എ​ന്നി​വ​രെ​യാ​ണ് പൊ​ലീ​സ് അ​റ​സ്റ്റ് ചെ​യ്ത​ത്. സം​ഘ​ത്തി​ലു​ള​ള അ​തു​ല്‍, ജി​നു, രാ​ഹു​ല്‍, ആ​വേ​ല്‍ ടോ​മി എ​ന്നി​വ​ര്‍ക്കാ​യു​ള​ള അ​ന്വേ​ഷ​ണം ഊ​ര്‍ജി​ത​മാ​ക്കി​യ​താ​യി പൊ​ലീ​സ് പ​റ​ഞ്ഞു.

വെ​ള​ളി​യാ​ഴ്ച രാ​ത്രി 11.00 മ​ണി​യോ​ടെ പാ​റോ​ട്ടു​കോ​ണം-​ശ്രീ​കാ​ര്യം റൂ​ട്ടി​ല്‍ ഇ​ട​വാ​ക്കോ​ടു​നി​ന്ന്​ യു​ബ​ര്‍ ടാ​ക്‌​സി ഡ്രൈ​വ​റാ​യ ക​ര​കു​ളം സ്വ​ദേ​ശി അ​രു​ണ്‍രാ​ജി​നെ (40) ര​ണ്ടു പേ​ര്‍ ചേ​ര്‍ന്ന് ഓ​ട്ടം വി​ളി​ക്കു​ക​യാ​യി​രു​ന്നു. കു​റ​ച്ചു ദൂ​രം സ​ഞ്ച​രി​ക്ക​വേ വ​ഴി​യി​ല്‍ നി​ന്ന്​ മ​റ്റ് പ്ര​തി​ക​ള്‍ വാ​ഹ​ന​ത്തി​ല്‍ ക​യ​റു​ക​യും ആ​ളൊ​ഴി​ഞ്ഞ സ്ഥ​ല​ത്ത് എ​ത്തി​ച്ച് അ​രു​ണ്‍ രാ​ജി​നെ ക്രൂ​ര​മാ​യി മ​ര്‍ദി​ക്കു​ക​യും കൈ​യി​ലു​ണ്ടാ​യി​രു​ന്ന ആ​റാ​യി​രം രൂ​പ​യും ഫോ​ണും മ​റ്റ് വ​സ്തു വ​ക​ക​ളും അ​പ​ഹ​രി​ച്ച് ക​ട​ക്കു​ക​യു​മാ​യി​രു​ന്നു.

മ​ര്‍ദ​ന​മേ​റ്റ് ഉ​ച്ച​ത്തി​ല്‍ നി​ല​വി​ള​ച്ച അ​രു​ണ്‍ രാ​ജി​നെ നാ​ട്ടു​കാ​ര്‍ എ​ത്തു​ന്ന​തി​നു മു​മ്പ് ഉ​പേ​ക്ഷി​ച്ച് സം​ഘം ര​ക്ഷ​പ്പെ​ടു​ക​യാ​യി​രു​ന്നു. തു​ട​ര്‍ന്ന് അ​രു​ണ്‍ രാ​ജ് ആ​ശു​പ​ത്രി​യി​ല്‍ ചി​കി​ത്സ തേ​ടി. അ​രു​ണ്‍ രാ​ജി​ന്റെ മു​ഖ​ത്തും ശ​രീ​ര​ത്തി​ലു​ട​നീ​ള​വും ആ​ഴ​ത്തി​ല്‍ മു​റി​വേ​റ്റു. അ​രു​ണ്‍ രാ​ജ് ന​ല്‍കി​യ പ​രാ​തി​യി​ല്‍ കേ​സെ​ടു​ത്ത പൊ​ലീ​സ് നി​മി​ഷ​ങ്ങ​ള്‍ക്കു​ള​ളി​ല്‍ത​ന്നെ പ്ര​തി​ക​ളി​ല്‍ ആ​റ് പേ​രെ പി​ടി​കൂ​ടു​ക​യാ​യി​രു​ന്നു. മ​ണ്ണ​ന്ത​ല എ​സ്.​എ​ച്ച്.​ഒ ക​ണ്ണ​ന്റെ നേ​തൃ​ത്വ​ത്തി​ല്‍ അ​റ​സ്റ്റ് ചെ​യ്ത പ്ര​തി​ക​ളെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു.