റെയിൽവേ സ്​റ്റേഷനുകൾ ഇനി ‘മൊബൈൽ വീൽ ചെയർ റാമ്പ്​ ’

തി​രു​വ​ന​ന്ത​പു​രം: സ്​​റ്റേ​ഷ​നു​ക​ൾ​ക്കു​ള്ളി​ൽ ഭി​ന്ന​ശേ​ഷി​ക്കാ​ർ​ക്കും മു​തി​ർ​ന്ന പൗ​ര​ൻ​മാ​ർ​ക്കും സൗ​ക​ര്യ​പ്ര​ദ​മാ​യ യാ​ത്ര​ക്കാ​യി പ്ര​ത്യേ​കം രൂ​പ​ക​ൽ​പ​ന ചെ​യ്ത വീ​ൽ ചെ​യ​റു​ക​ളും മൊ​ബൈ​ൽ വീ​ൽ ചെ​യ​ർ റാ​മ്പു​ക​ളും സ​ജ്ജം. സ്വ​ർ​ഗ ഫൗ​ണ്ടേ​ഷ​ൻ, പാ​ലി​യം ഇ​ന്ത്യ, കെ​യ​ർ ആ​ന്‍റ്​ എ​ന്നീ എ​ൻ.​ജി.​ഒ​ക​ളു​മാ​യി സ​ഹ​ക​രി​ച്ചാ​ണ്​ തി​രു​വ​ന​ന്ത​പു​രം റെ​യി​ൽ​വേ ഡി​വി​ഷ​ൻ ‘പ്രൊ​ജ​ക്റ്റ് സു​ഗ​മ്യ’’ എ​ന്ന പേ​രി​ൽ പ​ദ്ധ​തി യാ​ഥാ​ർ​ഥ്യ​മാ​ക്കി​യി​രി​ക്കു​ന്ന​ത്.

വീ​ൽ ചെ​യ​റു​ക​ൾ നി​ല​വി​ൽ സ്​​റ്റേ​ഷ​നു​ക​ളി​ലു​ണ്ടെ​ങ്കി​ലും ഭി​ന്ന​ശേ​ഷി​ക്കാ​രെ​യും മ​റ്റും ട്രെ​യി​നി​ലേ​ക്ക്​ ക​യ​റ്റു​ന്ന​ത് ഇ​വ എ​ടു​ത്തു​യ​ർ​ത്തി​യാ​ണ്. പോ​ർ​ട്ട​ബി​ൾ റാ​മ്പു​ക​ൾ എ​ത്തി​യ​തോ​ടെ ഈ ​പ​രി​മി​തി മാ​റും. പ്ലാ​റ്റ്​​ഫോ​മി​ൽ നി​ന്ന്​ കാ​മ്പാ​ർ​ട്ട്​​മെ​ന്‍റി​ന്‍റെ വാ​തി​ലി​ലേ​ക്ക്​ താ​ത്​​കാ​ലി​ക​മാ​യി ഘ​ടി​പ്പി​ക്കാ​മെ​ന്ന​താ​ൽ ഈ ​റാ​മ്പി​ലൂ​ടെ സു​ഗ​മ​മാ​യി യാ​ത്ര​ക്കാ​ര​നെ ട്രെ​യി​നി​ലു​ള്ളി​ൽ എ​ത്തി​ക്കാം.

സ്റ്റേ​ഷ​ൻ പ​രി​സ​ര​ത്തും കോ​ച്ചു​ക​ൾ​ക്കു​ള്ളി​ലും ത​ട​സ്സ​ങ്ങ​ളി​ല്ലാ​തെ സ​ഞ്ച​രി​ക്കാ​ൻ സ​ഹാ​യി​ക്കും വി​ധ​മു​ള്ള​താ​ണ്​ വീ​ൽ​ചെ​യ​റു​ക​ളു​ടെ രൂ​പ​ക​ൽ​പ്പ​ന. 15 മൊ​ബൈ​ൽ റാ​മ്പു​ക​ളും പ്ര​ത്യേ​കം രൂ​പ​ക​ൽ​പ​ന ചെ​യ്ത 15 വീ​ൽ​ചെ​യ​റു​ക​ളു​മാ​ണ്​ റെ​യി​ൽ​വേ​യ്ക്ക് ല​ഭി​ച്ച​ത്. ഇ​വ 15 സ്​​റ്റേ​ഷ​നു​ക​ൾ​ക്കാ​യി കൈ​മാ​റും.

തി​രു​വ​ന​ന്ത​പു​രം ഡി​വി​ഷ​ണ​ൽ റെ​യി​ൽ​വേ മാ​നേ​ജ​ർ ഡോ. ​മ​നീ​ഷ് ത​പ​ൽ​യാ​ൽ പ​ദ്ധ​തി ഉ​ദ്ഘാ​ട​നം ചെ​യ്തു. സ്വ​ർ​ഗ ഫൗ​ണ്ടേ​ഷ​ന്റെ മാ​നേ​ജിം​ഗ് ട്ര​സ്റ്റി ജെ. ​സ്വ​ർ​ണ്ണ​ല​ത, സീ​നി​യ​ർ ഡി​വി​ഷ​ണ​ൽ ഓ​പ്പ​റേ​റ്റിം​ഗ് മാ​നേ​ജ​ർ എ.​വി​ജു​വി​ൻ , സീ​നി​യ​ർ ഡി​വി​ഷ​ണ​ൽ പേ​ഴ്‌​സ​ണ​ൽ ഓ​ഫീ​സ​ർ എം.​പി ലി​പി​ൻ രാ​ജ് എ​ന്നി​വ​ർ സം​ബ​ന്ധി​ച്ചു.