പോത്തൻകോട് കൊലക്കേസ് ; 11 പ്രതികൾക്കും ജീവപര്യന്തം

നെ​ടു​മ​ങ്ങാ​ട്: പോ​ത്ത​ൻ​കോ​ട്ട് ഗു​ണ്ടാ​പ​ക​യു​ടെ പേ​രി​ൽ സു​ധീ​ഷി​നെ വെ​ട്ടി​ക്കൊ​ല​പ്പെ​ടു​ത്തി കാ​ൽ മു​റി​ച്ച്​ റോ​ഡി​ലെ​റി​ഞ്ഞ കേ​സി​ൽ കു​റ്റ​ക്കാ​രെ​ന്ന് ക​ണ്ടെ​ത്തി​യ 11 പ്ര​തി​ക​ൾ​ക്കും കോ​ട​തി ജീ​വ​പ​ര്യ​ന്തം ശി​ക്ഷ വി​ധി​ച്ചു. നെ​ടു​മ​ങ്ങാ​ട് പ​ട്ടി​ക​ജാ​തി-​വ​ർ​ഗ സ്പെ​ഷ​ൽ കോ​ട​തി​യാ​ണ് ശി​ക്ഷ വി​ധി​ച്ച​ത്. ഉ​ണ്ണി​യെ​ന്ന സു​ധീ​ഷ്, ശ്യാം, ​രാ​ജേ​ഷ്, നി​ധീ​ഷ്, ന​ന്ദീ​ഷ്, ര​ഞ്ചി​ത്ത്, ശ്രീ​നാ​ഥ്, സൂ​ര​ജ്, അ​രു​ൺ, ജി​ഷ്ണു പ്ര​ദീ​പ്, സ​ച്ചി​ൻ എ​ന്നീ പ്ര​തി​ക​ൾ​ക്ക്​ ജീ​വ​പ​ര്യ​ന്ത​ത്തി​ന് പു​റ​മെ ഓ​രോ​രു​ത്ത​രും വി​വി​ധ കു​റ്റ​ങ്ങ​ളി​ലാ​യി 23,000 രൂ​പ പി​ഴ​യും ന​ൽ​ക​ണം.

പി​ഴ​ത്തു​ക​യി​ൽ​നി​ന്ന്​ ഒ​രു ല​ക്ഷം രൂ​പ കൊ​ല്ല​പ്പെ​ട്ട സു​ധീ​ഷി​ന്റെ മാ​താ​വ് ലീ​ല​ക്ക് ന​ൽ​കാ​നും ജ​ഡ്ജി എ. ​ഷാ​ജ​ഹാ​ന്റെ വി​ധി​ന്യാ​യ​തി​ൽ പ​റ​യു​ന്നു. ഒ​ന്നു മു​ത​ൽ മൂ​ന്നു​വ​രെ പ്ര​തി​ക​ൾ ആ​യു​ധം ഉ​പ​യോ​​ഗി​ച്ച​താ​യി ക​ണ്ടെ​ത്തി​യ കോ​ട​തി, ഗൂ​ഢാ​ലോ​ച​ന ന​ട​ത്തി​യ​താ​യി പ്രോ​സി​ക്യൂ​ഷ​ന് തെ​ളി​യി​ക്കാ​നാ​യി​ല്ലെ​ന്നും പ​ട്ടി​ക​ജാ​തി-​പ​ട്ടി​ക​വ​ർ​​ഗ വി​ഭാ​​ഗ​ങ്ങ​ൾ​ക്കെ​തി​രാ​യ അ​തി​ക്ര​മം ത​ട​യ​ൽ നി​യ​മം എ​ല്ലാ പ്ര​തി​ക​ൾ​ക്കു​മെ​തി​രെ നി​ല​നി​ൽ​ക്കി​ല്ലെ​ന്നും നി​രീ​ക്ഷി​ച്ചു. ഒ​ന്നും മൂ​ന്നും പ്ര​തി​ക​ൾ നി​ര​വ​ധി കേ​സു​ക​ളി​ൽ പ്ര​തി​ക​ളാ​യ​തി​നാ​ൽ ഇ​വ​ർ​ക്ക് വ​ധ​ശി​ക്ഷ ന​ൽ​ക​ണ​മെ​ന്ന് പ്രോ​സി​ക്യൂ​ഷ​ൻ വാ​ദി​ച്ചെ​ങ്കി​ലും കോ​ട​തി നി​ര​സി​ച്ചു.

2021 ഡി​സം​ബ​ർ 11നാ​ണ് കോ​ളി​ള​ക്കം സൃ​ഷ്ടി​ച്ച കേ​സി​നാ​സ്പ​ദ​മാ​യ സം​ഭ​വം ന​ട​ക്കു​ന്ന​ത്. ഊ​രു​പൊ​യ്ക മ​ങ്ങാ​ട്ടു​മൂ​ല സ്വ​ദേ​ശി​ക​ളാ​യ വി​ഷ്ണു, അ​ഖി​ൽ എ​ന്നി​വ​രെ വെ​ട്ടി​പ്പ​രി​ക്കേ​ൽ​പ്പി​ച്ച കേ​സി​ലെ പ്ര​തി​യാ​ണ് കൊ​ല്ല​പ്പെ​ട്ട ചെ​മ്പ​ക​മം​ഗ​ലം ല​ക്ഷം​വീ​ട് കോ​ള​നി​യി​ൽ സു​ധീ​ഷ് (35). ബ​ന്ധു​വീ​ട്ടി​ൽ ഒ​ളി​വി​ൽ ക​ഴി​ഞ്ഞി​രു​ന്ന സു​ധീ​ഷി​നെ ക​ല്ലൂ​രി​ലെ സ​ജീ​വി​ന്റെ വീ​ട്ടി​​ലാ​ണ് ഗു​ണ്ടാ​സം​ഘം കൊ​ല​പ്പെ​ടു​ത്തി​യ​ത്.

മൂ​ന്ന്​ കു​ട്ടി​ക​ളു​ടെ​യും വീ​ട്ടു​ട​മ​സ്ഥ​ന്റെ​യും മു​ന്നി​ൽ​വെ​ച്ചാ​യി​രു​ന്നു കൃ​ത്യം. ചു​റ്റു​മു​ള്ള നാ​ലു വീ​ടു​ക​ളി​ൽ സം​ഘം അ​ക്ര​മം അ​ഴി​ച്ചു​വി​ട്ടു. വീ​ടു​ക​ളു​ടെ ജ​നാ​ല​ക​ൾ ത​ല്ലി​പ്പൊ​ളി​ക്കു​ക​യും സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​രെ വാ​ൾ കാ​ട്ടി ഭീ​ഷ​ണി​പ്പെ​ടു​ത്തു​ക​യും ചെ​യ്തു. ഒ​ന്നാം​പ്ര​തി മ​ഴു ഉ​പ​യോ​ഗി​ച്ച് സു​ധീ​ഷി​ന്റെ വ​ല​തു​കാ​ൽ മു​ട്ടി​നു താ​ഴെ​വെ​ച്ച് വെ​ട്ടി​യെ​ടു​ത്ത് നാ​ട്ടു​കാ​രെ​യും വീ​ട്ടു​കാ​രെ​യും കാ​ണി​ച്ച് ബൈ​ക്കി​ൽ ക​യ​റി ക​ല്ലൂ​ർ ജ​ങ്​​ഷ​നി​ൽ കൊ​ണ്ടു​വ​ന്ന് റോ​ഡി​ൽ എ​റി​യു​ക​യാ​യി​രു​ന്നു.

എല്ലാ പ്രതികൾക്കും ശിക്ഷ വാങ്ങി നൽകാനായി

പോ​ത്ത​ൻ​കോ​ട് സു​ധീ​ഷ് വ​ധ​ക്കേ​സി​ലെ മു​ഴു​വ​ൻ പ്ര​തി​ക​ൾ​ക്കും ജീ​വ​പ​ര്യ​ന്തം ശി​ക്ഷ വാ​ങ്ങി ന​ൽ​കാ​നാ​യ​തി​ൽ സം​തൃ​പ്തി​യു​ണ്ടെ​ന്ന് സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. ഗീ​നാ​കു​മാ​രി പ​റ​ഞ്ഞു. നി​ര​വ​ധി ദൃ​ക്‌​സാ​ക്ഷി​ക​ൾ ഉ​ണ്ടാ​യി​രു​ന്നി​ട്ടും കോ​ട​തി​യി​ൽ സാ​ക്ഷി പ​റ​യാ​ൻ ആ​രും മു​ന്നോ​ട്ടു​വ​ന്നി​ല്ല. പ്രോ​സി​ക്യൂ​ഷ​ൻ ന​ൽ​കി​യ ഏ​ഴ്​ സാ​ക്ഷി​ക​ളി​ൽ ഒ​രാ​ൾ മാ​ത്ര​മാ​ണ് ഭാ​ഗീ​ക​മാ​യെ​ങ്കി​ലും മൊ​ഴി ന​ൽ​കി​യ​ത്. സാ​ക്ഷി​ക​ളെ ഭീ​ക്ഷ​ണി​പ്പെ​ടു​ത്തി പി​ന്മാ​റ്റി കേ​സി​ൽ​നി​ന്ന്​ ര​ക്ഷ​പ്പെ​ട്ടി​രു​ന്ന പ്ര​തി​ക​ൾ​ക്ക് ഇ​പ്പോ​ൾ കി​ട്ടി​യ ശി​ക്ഷ സ​മൂ​ഹ​ത്തി​ന് ന​ൽ​കു​ന്ന​ത്​ വ​ലി​യ സ​ന്ദേ​ശ​മാ​ണെ​ന്നും അ​വ​ർ പ​റ​ഞ്ഞു.

വ​ധ​ശി​ക്ഷ ന​ൽ​ക​ണ​മാ​യി​രു​ന്നു

കേ​സി​ലെ പ്ര​തി​ക​ൾ​ക്ക് വ​ധ ശി​ക്ഷ ല​ഭി​ക്ക​ണ​മാ​യി​രു​ന്നെ​ന്ന് കൊ​ല്ല​പ്പെ​ട്ട സു​ധീ​ഷി​ന്റെ അ​മ്മ ലീ​ല പ​റ​ഞ്ഞു. കോ​ട​തി വി​ധി കേ​ട്ട​ശേ​ഷം മാ​ധ്യ​മ​ങ്ങ​ൾ​ക്ക് മു​ന്നി​ൽ പൊ​ട്ടി​ക​ര​ഞ്ഞു​കൊ​ണ്ടാ​ണ് പ്ര​തി​ക​രി​ച്ച​ത്. സു​ധീ​ഷി​ന്റെ 13 മ​ത്തെ വ​യ​സി​ൽ പി​താ​വ് മ​രി​ച്ച​ശേ​ഷം താ​ൻ ചാ​ണ​കം ചു​മ​ന്നാ​ണ് വ​ള​ർ​ത്തി​യ​ത്. ത​ന്റെ ദുഃ​ഖം പ്ര​തി​ക​ളു​ടെ ര​ക്ഷി​താ​ക്ക​ളും അ​നു​ഭ​വി​ക്ക​ണ​മാ​യി​രു​ന്നെ​ന്നും അ​വ​ർ പ​റ​ഞ്ഞു.

വി​ധി​യി​ൽ സം​തൃ​പ്തി

മു​ഴു​വ​ൻ പ്ര​തി​ക​ൾ​ക്കും ശി​ക്ഷ​വാ​ങ്ങി ന​ൽ​കാ​ൻ ക​ഴി​ഞ്ഞ​തി​ൽ അ​ന്വ​ഷ​ണ ഉ​ദ്യോ​ഗ​സ്ഥ​ൻ എ​ന്ന നി​ല​യി​ൽ സം​തൃ​പ്തി​യു​ണ്ടെ​ന്നു പോ​ത്ത​ൻ​കോ​ട് ഇ​ൻ​സ്‌​പെ​ക്ട​ർ ശ്യാം ​പ​റ​ഞ്ഞു. അ​ന്വേ​ഷ​ണം വേ​ഗം പൂ​ർ​ത്തി​യാ​ക്കി 88ാം ദി​വ​സം കു​റ്റ​പ​ത്രം സ​മ​ർ​പ്പി​ച്ചു. പ്ര​തി​ക​ൾ​ക്കാ​യു​ള്ള തി​ര​ച്ചി​ലി​നി​ട​യി​ൽ ക​ട​യ്ക്കാ​വൂ​രി​ലെ വ​ക്കം പ​ണ​യി​ൽ ക​ട​വി​ന് സ​മീ​പ​മു​ള്ള കാ​യ​ൽ തു​രു​ത്തി​ൽ വ​ർ​ക്ക​ല സി.​ഐ പ്ര​ശാ​ന്തി​ന്‍റെ സം​ഘ​ത്തി​ലു​ണ്ടാ​യി​രു​ന്ന ബാ​ലു എ​ന്ന പൊ​ലീ​സു​കാ​ര​ൻ വ​ള്ളം മ​റി​ഞ്ഞ് മു​ങ്ങി​മ​രി​ച്ച​ത് നൊ​മ്പ​ര​മാ​യി അ​വ​ശേ​ഷി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.