പൊലീസുകാരന് കുത്തേറ്റ സംഭവം; പ്രതി അറസ്റ്റില്‍

മെ​ഡി​ക്ക​ല്‍ കോ​ള​ജ്: ഉ​ള്ളൂ​രി​നു​സ​മീ​പം വീ​ടി​നു​മു​ന്നി​ല്‍ ബൈ​ക്ക് പാ​ര്‍ക്ക്​ ചെ​യ്ത​ത്​ ചോ​ദ്യം​ചെ​യ്ത പൊ​ലീ​സു​കാ​ര​നെ കു​ത്തി​പ്പ​രി​ക്കേ​ല്‍പ്പി​ച്ച കേ​സി​ലെ പ്ര​തി​യെ മെ​ഡി​ക്ക​ല്‍ കോ​ള​ജ് പൊ​ലീ​സ് അ​റ​സ്റ്റ് ചെ​യ്തു. ഉ​ള്ളൂ​ര്‍ പാ​റോ​ട്ടു​കോ​ണം സ്‌​നേ​ഹ ജ​ങ്​​ഷ​നു​സ​മീ​പം നെ​ല്ലു​വി​ള​വീ​ട്ടി​ല്‍നി​ന്ന്​ ക​ല്ല​മ്പ​ള്ളി ചേ​ന്തി റ​സി​ഡ​ന്‍സ് അ​സോ​സി​യേ​ഷ​ന്‍ ഹൗ​സ് ന​മ്പ​ര്‍ 100 എ​ഫ് ഐ​ശ്വ​ര്യ ഭ​വ​നി​ല്‍ സ​ജീ​വി​നെ​യാ​ണ്​ (45) അ​റ​സ്റ്റ് ചെ​യ്ത​ത്. വെ​ള്ളി​യാ​ഴ്ച രാ​ത്രി 9.30 ഓ​ടെ ഉ​ള്ളൂ​ര്‍ പ​മ്പ് ഹൗ​സി​നു പി​ന്നി​ൽ വ​യ​ല​രി​കം ഭാ​ഗ​ത്താ​ണ്​ പൊ​ലീ​സ്​ ഉ​ദ്യോ​ഗ​സ്ഥ​നാ​യ മ​നു​വി​നെ (38) കു​ത്തി​പ്പ​രി​ക്കേ​ല്‍പ്പി​ച്ച​ത്.

മ​നു​വി​ന്റെ വീ​ടി​നോ​ട് ചേ​ര്‍ന്ന ക​ട​യ്ക്കു​മു​ന്നി​ല്‍ ബൈ​ക്ക് പാ​ര്‍ക്ക്​ ചെ​യ്ത​ശേ​ഷം സി​ഗ​ര​റ്റ് വ​ലി​ച്ച സ​ജീ​വി​നെ മ​നു ചോ​ദ്യം​ചെ​യ്ത​താ​ണ് ആ​ക്ര​ണ​ണ​ത്തി​നു കാ​ര​ണം. ആ​ക്ര​മി​ച്ച ശേ​ഷം പ്ര​തി ര​ക്ഷ​പ്പെ​ടു​ക​യാ​യി​രു​ന്നു. മ​നു മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​യി​ല്‍ ക​ഴി​യു​ക​യാ​ണ്. സ​ജീ​വി​നെ​തി​രെ എ​റ​ണാ​കു​ളം നോ​ര്‍ത്ത്, മ​ണ്ണ​ന്ത​ല, മെ​ഡി​ക്ക​ല്‍ കോ​ള​ജ് സ്​​റ്റേ​ഷ​നു​ക​ളി​ല്‍ കേ​സു​ക​ളു​ള്ള​താ​യി പൊ​ലീ​സ് പ​റ​ഞ്ഞു. മെ​ഡി​ക്ക​ല്‍ കോ​ള​ജ് എ​സ്.​എ​ച്ച്.​ഒ ഷാ​ഫി ബി.​എം, എ​സ്.​ഐ വി​ഷ്ണു പി.​എ​ല്‍, ഗ്രേ​ഡ് എ​സ്.​സി.​പി.​ഒ​മാ​രാ​യ ബ​ല​റാം, വി​നോ​ദ്, സി.​പി.​ഒ ഷ​ഹ​നാ​സ് എ​ന്നി​വ​രു​ടെ നേ​തൃ​ത്വ​ത്തി​ല്‍ അ​റ​സ്റ്റ് ചെ​യ്ത പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു.