Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightPeroorkkadachevron_rightമു​ട്ട​ട​യി​ല്‍...

മു​ട്ട​ട​യി​ല്‍ പ്ര​ചാ​ര​ണ​ത്തി​ന് വാ​ശി​യേ​റു​ന്നു: വാ​ര്‍ഡ് നി​ല​നി​ർത്താ​നു​ള്ള ത​ത്ര​പ്പാ​ടി​ല്‍ സി.​പി.​എം; വാ​ര്‍ഡ് പി​ടി​ക്കാ​നൊരു​ങ്ങി കോ​ണ്‍ഗ്ര​സും ബി.​ജെ.​പി​യും

text_fields
bookmark_border
election
cancel
camera_alt

അ​ജി​ത്ത് ര​വീ​ന്ദ്ര​ന്‍ (സി.​പി.​എം), ആ​ര്‍. ലാ​ല​ന്‍ (കോ​ണ്‍ഗ്ര​സ്, എ​സ്. മ​ണി (ബി.​ജെ.​പി)

പേ​രൂ​ര്‍ക്ക​ട: തി​രു​വ​ന​ന്ത​പു​രം ന​ഗ​ര​സ​ഭ​യി​ലെ മു​ട്ട​ട വാ​ര്‍ഡി​ല്‍ ഈ ​മാ​സം 30 ന് ​ന​ട​ക്കു​ന്ന ഉ​പ തെ​ര​ഞ്ഞെ​ടു​പ്പി​ല്‍ പ്ര​ചാ​ര​ണ​ത്തി​ന് വാ​ശി​യേ​റു​ന്നു. വാ​ര്‍ഡ് നി​ല​നി​റു​ത്താ​നു​ള​ള തീ​വ്ര ശ്ര​മ​ത്തി​ലാ​ണ് സി.​പി.​എം. എ​ന്നാ​ല്‍, എ​ന്തു​വി​ല കൊ​ടു​ത്തും വാ​ര്‍ഡ് തി​രി​ച്ചു പി​ടി​ക്കാ​നു​ള​ള ത​ന്ത്ര​ങ്ങ​ളു​മാ​യി കോ​ണ്‍ഗ്ര​സും ബി.​ജെ.​പി​യും അ​ങ്ക​ത്തി​നൊ​രു​ങ്ങു​ക​യാ​ണ്.

വാ​ര്‍ഡ് കൗ​ണ്‍സി​ല​റു​ടെ നി​ര്യാ​ണ​ത്തെ തു​ട​ര്‍ന്നാ​ണ് വാ​ര്‍ഡി​ല്‍ ഉ​പ​തെ​ര​ഞ്ഞെ​ടു​പ്പ് ആ​വ​ശ്യ​മാ​യി വ​ന്ന​ത്. 2020ലാ​ണ് മു​ട്ട​ട വാ​ര്‍ഡ് നി​ല​വി​ല്‍ വ​ന്ന​ത്. 6000ല​ധി​കം വോ​ട്ടു​ക​ളു​ള​ള വാ​ര്‍ഡി​ല്‍ അ​ഞ്ച് ബൂ​ത്തു​ക​ളു​ണ്ട്. വോ​ട്ട​ര്‍മാ​രി​ല്‍ ഭൂ​രി​പ​ക്ഷ​വും സ്ത്രീ​ക​ളാ​ണ്.

സി.​പി.​എം സ്ഥാ​നാ​ർ​ഥി​യാ​യി പാ​ര്‍ട്ടി നി​ര്‍ത്തി​യി​രി​ക്കു​ന്ന​ത് മ​ര​പ്പാ​ലം സ്വ​ദേ​ശി അ​ജി​ത്ത് ര​വീ​ന്ദ്ര​നെ​യാ​ണ്​ (34). തി​രു​വ​ന​ന്ത​പു​രം ന​ഗ​ര​സ​ഭ വാ​ര്‍ഡി​ല്‍ അ​ജി​ത്ത് പു​തു​മു​ഖ​മാ​യാ​ണ് മ​ത്സ​ര​ത്തി​നെ​ത്തു​ന്ന​ത്. നി​ല​വി​ല്‍ കേ​ശ​വ​ദാ​സ​പു​രം ലോ​ക്ക​ല്‍ ക​മ്മി​റ്റി സെ​ക്ര​ട്ട​റി​യും പാ​ര്‍ട്ടി എ​ല്‍.​സി അം​ഗ​വു​മാ​ണ്.

താ​ന്‍ വി​ജ​യി​ച്ച് ന​ഗ​ര​സ​ഭ​യി​ലെ​ത്തു​ന്ന​തോ​ടെ ത​ന്റെ മു​ന്‍ഗാ​മി ബാ​ക്കി വെ​ച്ച കാ​ര്യ​ങ്ങ​ള്‍ ചെ​യ്തു​തീ​ര്‍ക്കാ​ന്‍ സാ​ധി​ക്കു​മെ​ന്ന വി​ശ്വാ​സ​ത്തി​ല്‍ ഉ​റ​ച്ചു​നി​ല്‍ക്കു​ക​യാ​ണ് അ​ജി​ത്ത്.

കോ​ണ്‍ഗ്ര​സ് സ്ഥാ​നാ​ർ​ഥി​യാ​യി വാ​ര്‍ഡി​ല്‍ മ​ത്സ​രി​ക്കു​ന്ന​ത് പ​ട്ടം മ​ര​പ്പാ​ലം സ്വ​ദേ​ശി ആ​ര്‍. ലാ​ല​നാ​ണ് (38). കെ.​എ​സ്.​യു മു​ന്‍ മ​ണ്ഡ​ലം പ്ര​സി​ഡ​ന്റ്, യൂ​ത്ത് കോ​ണ്‍ഗ്ര​സ് കു​റ​വ​ന്‍കോ​ണം മ​ണ്ഡ​ലം പ്ര​സി​ഡ​ന്റ്, ജ​വ​ഹ​ര്‍ ബാ​ല​മ​ഞ്ച് നി​യോ​ജ​ക മ​ണ്ഡ​ലം ചെ​യ​ര്‍മാ​ന്‍ എ​ന്നീ നി​ല​ക​ളി​ല്‍ പ്ര​വ​ര്‍ത്തി​ച്ച പ​രി​ച​യ​സ​മ്പ​ത്തു​മാ​യാ​ണ് ലാ​ല​ന്‍ ക​ളി​ക്ക​ള​ത്തി​ല്‍ ഇ​റ​ങ്ങു​ന്ന​ത്.

താ​ന്‍ വി​ജ​യി​ച്ചെ​ത്തു​ന്ന​തി​ലൂ​ടെ വാ​ര്‍ഡി​ലു​ണ്ടാ​യ വി​ക​സ​ന മു​ര​ടി​പ്പ് മാ​റ്റാ​ന്‍ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് ലാ​ല​ന്‍ ഉ​റ​ച്ചു​നി​ല്‍ക്കു​ന്ന​ത്. ബി.​ജെ.​പി വാ​ര്‍ഡി​ല്‍ പോ​രി​ന് ഇ​റ​ക്കി​യി​രി​ക്കു​ന്ന​ത് എ​സ്. മ​ണി​യെ (58)യാ​ണ്. പ​ട്ടം മ​ര​പ്പാ​ലം സ്വ​ദേ​ശി​യാ​യ മ​ണി​ക്ക്​ നി​ല​വി​ല്‍ പാ​ര്‍ട്ടി ഭാ​ര​വാ​ഹി​ത്തം ഒ​ന്നും ത​ന്നെ​യി​ല്ല.

എ​ങ്ങ​നെ​യും വാ​ര്‍ഡ് പി​ടി​ച്ചെ​ടു​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് മ​ണി മ​ത്സ​ര​ത്തി​നി​റ​ങ്ങി​യ​ത്. മു​ന്‍ തെ​ര​ഞ്ഞെ​ടു​പ്പി​ല്‍ ബി.​ജെ.​പി വാ​ര്‍ഡി​ല്‍ ര​ണ്ടാം സ്ഥാ​ന​ത്തെ​ത്തി​യി​രു​ന്നു. ആ​യ​തി​നാ​ല്‍ ഇ​ക്കു​റി ഒ​ന്നാം സ്ഥാ​ന​ത്തെ​ത്താ​ന്‍ ക​ഴി​യു​മെ​ന്ന പ്ര​തീ​ക്ഷ​യി​ല്‍ ത​ന്നെ​യാ​ണ് ബി.​ജെ.​പി നേ​തൃ​ത്വം എ​ത്തി​നി​ല്‍ക്കു​ന്ന​ത്.

വാ​ര്‍ഡി​ല്‍ ത​ങ്ങ​ള്‍ക്കു​ള​ള സ്വ​ധീ​നം വോ​ട്ടാ​ക്കി മാ​റ്റാ​മെ​ന്ന പ്ര​തീ​ക്ഷ​യി​ല്‍ ത​ന്നെ​യാ​ണ് പ്ര​ദേ​ശി​ക നേ​തൃ​ത്വം ക​രു​ക്ക​ള്‍ നീ​ക്കു​ന്ന​ത്. ചു​മ​രെ​ഴു​ത്തു​ക​ളും ഫ്ല​ക്‌​സ് ബോ​ര്‍ഡു​ക​ളും ഏ​റെ​ക്കു​റെ സ്ഥാ​പി​ച്ചു. വീ​ടു​ക​ള്‍ ക​യ​റി​യി​റ​ങ്ങി വോ​ട്ട​ഭ്യ​ർ​ഥ​ന ന​ട​ത്തു​ന്ന തി​ര​ക്കി​ലാ​ണ് മൂ​ന്നു സ്ഥാ​നാ​ർ​ഥി​ക​ളും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:electionmuttada
News Summary - Campaigning in Muttada-CPM-Congress and BJP ready to compete
Next Story