അഞ്ചുമാസമായി പെൻഷനില്ല; അംഗൻവാടി വർക്കർമാരും ഹെൽപർമാരും ദുരിതക്കയത്തിൽ

തി​രു​വ​ന​ന്ത​പു​രം: അ​ങ്ക​ണ​വാ​ടി​യി​ൽ നി​ന്ന് വി​ര​മി​ച്ച ജീ​വ​ന​ക്കാ​ർ​ക്ക് അ​ങ്ക​ണ​വാ​ടി വ​ർ​ക്കേ​ഴ്സ് ആ​ൻ​ഡ് ഹെ​ൽ​പേ​ഴ്സ് ക്ഷേ​മ​നി​ധി ബോ​ർ​ഡ് ന​ൽ​കു​ന്ന പെ​ൻ​ഷ​ൻ മു​ട​ങ്ങി​യി​ട്ട് അ​ഞ്ചു​മാ​സം പി​ന്നി​ട്ടു.

ക​ടം വാ​ങ്ങി​യ മ​രു​ന്നി​ന്റെ പൈ​സ​പോ​ലും കൊ​ടു​ക്കാ​നാ​​കാ​തെ പ​ല​രും ക​ഷ്ട​പ്പെ​ടു​ക​യാ​ണ്. 40 വ​ർ​ഷം അ​ങ്ക​ണ​വാ​ടി​യി​ൽ ജോ​ലി നോ​ക്കി​യ​വ​ർ വ​രെ ഇ​ക്കൂ​ട്ട​ത്തി​ലു​ണ്ട്. നി​ര​വ​ധി കി​ട​പ്പു​രോ​ഗി​ക​ളു​ണ്ട്. സം​സ്ഥാ​ന​ത്ത് നൂ​റു ക​ണ​ക്കി​ന് പേ​രാ​ണ് സ​ർ​ക്കാ​ർ സ​ഹാ​യം ല​ഭി​ക്കാ​തെ ദു​രി​തം അ​നു​ഭ​വി​ക്കു​ന്ന​ത്.

ഹെ​ൽ​പ​ർ​മാ​ർ​ക്ക് 1500 രൂ​പ​യും വ​ർ​ക്ക​ർ​മാ​ർ​ക്ക് 2000 രൂ​പ​യു​മാ​ണ് പെ​ൻ​ഷ​ൻ. ഈ ​തു​ച്ഛ​മാ​യ തു​ക ന​ൽ​കാ​തെ​യാ​ണ് സ​ർ​ക്കാ​റി​ന്റെ ക്രൂ​ര​ത​യെ​ന്ന്​ ഇ​വ​ർ പ​റ​യു​ന്നു. ആ​റു​മാ​സ​ത്തെ കു​ടി​ശി​ക ഉ​ണ്ടാ​യി​രു​ന്ന​തി​ൽ ഒ​രു മാ​സ​ത്തെ പെ​ൻ​ഷ​ൻ അ​ടു​ത്തി​ടെ​യാ​ണ് അ​നു​വ​ദി​ച്ച​ത്.

കേ​ന്ദ്ര- സം​സ്ഥാ​ന സ​ർ​ക്കാ​റു​ക​ളും ത​ദ്ദേ​ശ വ​കു​പ്പും ചേ​ർ​ന്നാ​ണ് അ​ങ്ക​ണ​വാ​ടി വ​ർ​ക്ക​ർ​മാ​ർ​ക്കും ഹെ​ൽ​പ്പ​ർ​മാ​ർ​ക്കും ഓ​ണ​റേ​റി​യം ന​ൽ​കു​ന്ന​ത്. ഈ ​തു​ക​യി​ൽ, വ​ർ​ക്ക​ർ​മാ​രി​ൽ നി​ന്ന് 500 രൂ​പ​യും ഹെ​ൽ​പ​ർ​മാ​രി​ൽ നി​ന്ന് 250 രൂ​പ​യും ഈ​ടാ​ക്കി​യ ശേ​ഷം വി​ര​മി​ക്ക​ൽ ആ​നു​കൂ​ല്യം ഉ​ൾ​പ്പെ​ടെ വി​ത​ര​ണം ചെ​യ്യും.