ശൗചാലയങ്ങള്‍ കെട്ടി ഉപേക്ഷിച്ചു; പഞ്ചായത്ത് അധികൃതര്‍ നഷ്ടപ്പെടുത്തിയത്​ അരക്കോടിയിലേറെ രൂപ

വെ​ഞ്ഞാ​റ​മൂ​ട്: ശൗ​ചാ​ല​യ​ങ്ങ​ള്‍ കെ​ട്ടി ഉ​പേ​ക്ഷി​ച്ച​തി​ലൂ​ടെ അ​ര​ക്കോ​ടി​യി​ലേ​റെ രൂ​പ പ​ഞ്ചാ​യ​ത്ത് അ​ധി​കൃ​ത​ര്‍ ന​ഷ്ട​പ്പെ​ടു​ത്തി. നെ​ല്ല​നാ​ട് പ​ഞ്ചാ​യ​ത്താ​ണ് പ​ദ്ധ​തി ആ​സൂ​ത്ര​ണം ചെ​യ്യു​ന്ന​തി​ലും അ​വ ന​ട​പ്പി​ലാ​ക്കു​ന്ന​തി​ലു​മു​ള്ള വീ​ഴ്ച​കാ​ര​ണം അ​ര​ക്കോ​ടി​യി​ലേ​റെ രൂ​പ ന​ഷ്ടം​വ​രു​ത്തി​യ​ത്. 20 വ​ര്‍ഷം മു​മ്പ്​ വെ​ഞ്ഞാ​റ​മൂ​ട് ജ​ങ്ഷ​ന് സ​മീ​പം പ​ഞ്ചാ​യ​ത്ത് അ​ധീ​ന​ത​യി​ലു​ള്ള കൊ​ട്ടാ​ര​ക്കു​ളം ഉ​ള്‍ക്കൊ​ള്ളു​ന്ന വ​സ്തു​വി​ല്‍ കു​ളി​മു​റി ഉ​ൾ​പ്പെ​ടെ ശൗ​ചാ​ല​യം നി​ർ​മി​ച്ച് ഉ​പേ​ക്ഷി​ച്ച​താ​ണ് ആ​ദ്യ​സം​ഭ​വം.

പ്ര​സ്തു​ത കെ​ട്ടി​ടം ഇ​പ്പോ​ള്‍ കാ​ട് ക​യ​റി സാ​മൂ​ഹ്യ വി​രു​ദ്ധ​രു​ടെ താ​വ​ള​മാ​യി നാ​ട്ടു​കാ​ര്‍ക്ക് ഉ​പ​കാ​ര​മി​ല്ലാ​താ​യി. 15 വ​ര്‍ഷം മു​മ്പ്​ വെ​ഞ്ഞാ​റ​മൂ​ട് ച​ന്ത​യി​ല്‍ നി​ർ​മി​ച്ച ശൗ​ചാ​ല​യ​വും പി​ന്നീ​ട് ഉ​പേ​ക്ഷി​ക്കു​ക​യും നാ​ശ​ത്തി​ലേ​ക്ക് നീ​ങ്ങു​ക​യു​മാ​ണ്. കെ.​എ​സ്.​ആ​ര്‍.​ടി.​സി ഡി​പ്പോ​യോ​ട് ചേ​ര്‍ന്ന് നി​മി​ച്ച ശൗ​ചാ​ല​യ​മാ​ണ് ഏ​റ്റ​വും അ​വ​സാ​ന​ത്തേ​ത്.

നി​ർ​മാ​ണം ക​ഴി​ഞ്ഞ് പൊ​തു​ജ​ന​ങ്ങ​ള്‍ക്കാ​യി തു​റ​ന്നു​വെ​ങ്കി​ലും ഒ​രു​മാ​സം ക​ഴി​യും മു​മ്പ്​ സെ​പ്റ്റി​ക് ടാ​ങ്ക് പൊ​ട്ടി​യൊ​ലി​ക്കു​ക​യും അ​ട​ച്ചി​ടു​ക​യും ചെ​യ്തി​രി​ക്കു​ക​യാ​ണ്. ഇ​ങ്ങ​നെ വ്യ​ത്യ​സ്ത കാ​ല​യ​ള​വു​ക​ളി​ലാ​യി മൂ​ന്ന് ശൗ​ചാ​ല​യ​ങ്ങ​ള്‍ നി​ർ​മി​ക്കു​ക​യും ഉ​പേ​ക്ഷി​ക്കു​ക​യും ചെ​യ്ത​തി​ലൂ​ടെ​യാ​ണ് അ​ര​ക്കോ​ടി​യി​ലേ​റെ രൂ​പ പ​ഞ്ചാ​യ​ത്ത് അ​ധി​കൃ​ത​ര്‍ ന​ഷ്ട​പ്പെ​ടു​ത്തി​യി​രി​ക്കു​ന്ന​ത്.