ഭൂപതിവ് നിയമഭേദഗതി ചട്ടങ്ങൾ കബളിപ്പിക്കൽ -മാത്യു കുഴല്‍നാടന്‍

തി​രു​വ​ന​ന്ത​പു​രം: മ​ന്ത്രി​സ​ഭ അം​ഗീ​കാ​രം ന​ല്‍കി​യ ഭൂ​പ​തി​വ് നി​യ​മ ഭേ​ദ​ഗ​തി​ച​ട്ട​ങ്ങ​ൾ മ​ല​യോ​ര ജ​ന​ത​യു​ടെ മേ​ല്‍ കു​രു​ക്ക് ഇ​ടു​ന്ന ന​ട​പ​ടി​യാ​ണെ​ന്ന് മാ​ത്യു കു​ഴ​ല്‍നാ​ട​ന്‍ എം.​എ​ല്‍.​എ​ൽ. ഇ​ടു​ക്കി ജി​ല്ല​യി​ലെ ഉ​ള്‍പ്പെ​ടെ ഭൂ​പ്ര​ശ്‌​ന​ങ്ങ​ള്‍ സ​ങ്കീ​ര്‍ണ​മാ​ക്കു​ന്ന​താ​ണി​ത്. തെ​റ്റാ​യ പ്ര​ചാ​ര​ണം ന​ട​ത്തി മ​ല​യോ​ര ജ​ന​ത​യെ വീ​ണ്ടും ക​ബ​ളി​പ്പി​ക്കു​ക​യാ​ണ് സ​ര്‍ക്കാ​ര്‍. പ​ട്ട​യ ഭൂ​മി​യു​ടെ സ്വ​ത​ന്ത്ര വി​നി​യോ​ഗ​മെ​ന്ന ആ​വ​ശ്യം സ​ര്‍ക്കാ​ര്‍ പ​രി​ഗ​ണി​ച്ചി​ല്ലെ​ന്ന്​ അ​ദ്ദേ​ഹം വാ​ർ​ത്ത​സ​​മ്മേ​ള​ന​ത്തി​ൽ പ​റ​ഞ്ഞു.

2024 ജൂ​ണ്‍ വ​രെ​യു​ള്ള ച​ട്ട​ലം​ഘ​ന നി​ര്‍മാ​ണ​ങ്ങ​ള്‍ ഫീ​സ് ഈ​ടാ​ക്കി ക്ര​മ​വ​ത്ക​രി​ച്ച് ന​ല്‍കു​മെ​ന്നാ​ണ് സ​ര്‍ക്കാ​റി​ന്റെ പ്ര​ഖ്യാ​പ​നം. എ​ന്നാ​ല്‍, പ​ട്ട​യ​ഭൂ​മി​യി​ലെ എ​ല്ലാ നി​യ​ന്ത്ര​ണ​ങ്ങ​ളും എ​ടു​ത്തു​ക​ള​യാ​ന്‍ സ​ര്‍ക്കാ​ര്‍ ത​യാ​റാ​ക​ണ​മെ​ന്നാ​ണ് യു.​ഡി.​എ​ഫി​ന്റെ ആ​വ​ശ്യം. പ​ട്ട​യ​ഭൂ​മി സ്വ​ത​ന്ത്ര​മാ​യി വി​നി​യോ​ഗി​ക്കാ​നു​ള്ള അ​വ​കാ​ശം അ​തി​ന്റെ ഉ​ട​മ​ക​ള്‍ക്ക് ന​ല്‍ക​ണ​മെ​ന്നാ​ണ് ത​ങ്ങ​ള്‍ സ​ര്‍ക്കാ​റി​ന് മു​ന്നി​ല്‍വെ​ച്ച നി​ർ​ദേ​ശം. പ​ട്ട​യ​ഭൂ​മി ഉ​പ​യോ​ഗി​ക്കു​ന്ന​വ​ര്‍ക്ക് തി​രി​ച്ച​ടി​യാ​ണ് പു​തി​യ ഭേ​ദ​ഗ​തി.

പി​ണ​റാ​യി സ​ര്‍ക്കാ​ര്‍ അ​ധി​കാ​ര​ത്തി​ല്‍ വ​ന്ന ശേ​ഷ​മാ​ണ് പ​ട്ട​യ​ഭൂ​മി​യു​മാ​യി ബ​ന്ധ​പ്പെ​ട്ട് ഇ​ത്ര​യും സ​ങ്കീ​ര്‍ണ​ത​ക​ള്‍ ഉ​ണ്ടാ​യ​ത്. 2024 ജൂ​ണ്‍ വ​രെ​യു​ള്ള ച​ട്ട​ലം​ഘ​ന​ങ്ങ​ള്‍ ക്ര​മ​വ​ത്ക​രി​ക്കാ​ന്‍ ക​ഴി​ഞ്ഞാ​ലും ഫ​ല​ത്തി​ല്‍ ഗു​ണം ചെ​യ്യി​ല്ല. 1500 ച​തു​ര​ശ്ര അ​ടി​ക്ക്​ മു​ക​ളി​ലു​ള്ള കെ​ട്ടി​ട​ങ്ങ​ള്‍ക്ക് വീ​ണ്ടും നി​കു​തി ഈ​ടാ​ക്കു​മെ​ന്നാ​ണ് സ​ര്‍ക്കാ​ര്‍ വ്യ​ക്ത​മാ​ക്കു​ന്ന​ത്. ഒ​രു​ത​വ​ണ കെ​ട്ടി​ട നി​കു​തി ഇ​ന​ത്തി​ല്‍ തു​ക ഈ​ടാ​ക്കി​യ ശേ​ഷം വീ​ണ്ടും ഫീ​സ് ഈ​ടാ​ക്കാ​നാ​ണ് നീ​ക്കം. സ​ര്‍ക്കാ​റി​ന്റെ സാ​മ്പ​ത്തി​ക പ്ര​തി​സ​ന്ധി മ​റി​ക​ട​ക്കാ​ന്‍ ഇ​ടു​ക്കി​യി​ലെ​യും മ​ല​യോ​ര പ്ര​ദേ​ശ​ത്തെ​യും ജ​ന​ങ്ങ​ളെ പി​ഴി​യു​ക​യാ​ണ്. നി​കു​തി നി​യ​മ​ങ്ങ​ളു​ടെ ന​ഗ്ന​മാ​യ ലം​ഘ​ന​മാ​ണി​ത്. ഉ​പാ​ധി​ര​ഹി​ത പ​ട്ട​യം ന​ല്‍കു​മെ​ന്ന് പ​റ​ഞ്ഞ് അ​ധി​കാ​ര​ത്തി​ലെ​ത്തി​യ സ​ര്‍ക്കാ​ര്‍ ഈ ​ഭേ​ദ​ഗ​തി​യി​ലൂ​ടെ ജ​ന​ങ്ങ​ളെ വ​ഞ്ചി​ച്ചെ​ന്നും കു​ഴ​ല്‍നാ​ട​ന്‍ കു​റ്റ​പ്പെ​ടു​ത്തി.