തി​രു​വ​ന​ന്ത​പു​ര​ത്ത് ചാ​ഞ്ഞും ച​രി​ഞ്ഞും മ​ണ്ഡ​ല​ക്കാ​റ്റ്

തി​രു​വ​ന​ന്ത​പു​രം: ന​ഗ​ര​വും തീ​ര​വും ഉ​ൾ​പ്പെ​ടു​ന്ന തി​രു​വ​ന​ന്ത​പു​രം നി​യോ​ജ​ക​ണ്ഡ​ലം ലോ​ക്സ​ഭ പോ​രി​ൽ മു​ന്ന​ണി​ക​ൾ​ക്ക് നെ​ഞ്ചി​ടി​പ്പേ​കു​ന്ന രാ​ഷ്ട്രീ​യ പാ​ര​മ്പ​ര്യ​മാ​ണ് കാ​ത്തു​സൂ​ക്ഷി​ക്കു​ന്ന​ത്. വി​ഴി​ഞ്ഞം തു​റു​മു​ഖം മ​റ്റൊ​രു മ​ണ്ഡ​ല​ത്തി​ലാ​ണെ​ങ്കി​ലും അ​ല​യൊ​ലി​ക​ൾ അ​തി​ശ​ക്ത​മാ​യി മു​ഴ​ങ്ങി​യ​ത് ത​ല​സ്ഥാ​ന​ത്താ​യി​രു​ന്നു. മു​ന്ന​ണി​ക​ൾ എ​ത്ര ത​ന്നെ മ​റ​ച്ചു​വെ​ക്കാ​ൻ ശ്ര​മി​ച്ചാ​ലും ത​ല​സ്ഥാ​ന​മ​ണ്ഡ​ല​ത്തി​ൽ വി​ഴി​ഞ്ഞം വ​ലി​യ ച​ർ​ച്ച​യാ​ണ് ഇ​ക്കു​റി തെ​ര​ഞ്ഞെ​ടു​പ്പി​ൽ. കോ​ൺ​ഗ്ര​സ് ഒ​ന്ന​ട​ക്കം തീ​ര​ദേ​ശ​വാ​സി​ക​ളു​ടെ സ​മ​ര​ത്തി​നൊ​പ്പ​മാ​യി​രു​ന്നെ​ങ്കി​ലും ശ​ശി ത​രൂ​ർ മ​റി​ച്ചൊ​രു നി​ല​പാ​ടാ​ണ് സ്വീ​ക​രി​ച്ച​ത്. സ​മ​രം സ​ർ​ക്കാ​റി​നെ​തി​രെ​യാ​യി​രു​ന്ന​തി​നാ​ൽ ഇ​ട​തു​പ​ക്ഷ​മാ​യി​രു​ന്നു മ​റു​ഭാ​ഗ​ത്ത്. വി​ഴി​ഞ്ഞം തു​റ​മു​ഖ​ത്തെ അ​നു​കൂ​ലി​ച്ചും തീ​ര​ദേ​ശ​വാ​സി​ക​ളു​ടെ പ്ര​ക്ഷോ​ഭ​ത്തെ എ​തി​ർ​ത്തും ന​ട​ന്ന ബ​ദ​ൽ സ​മ​ര​ത്തി​ന്‍റെ മു​ൻ​നി​ര​യി​ലാ​യി​രു​ന്നു ബി.​ജെ.​പി. ഇ​ത്ത​ര​ത്തി​ൽ എ​ല്ലാ​വ​ശ​വും മൂ​ർ​ച്ച​യു​ള്ള വാ​ള് പോ​ലെ​യാ​ണ് വി​ഴി​ഞ്ഞം. തി​രു​വ​ന​ന്ത​പു​രം മ​ണ്ഡ​ല​ത്തി​ലെ തീ​ര​ജീ​വി​ത​ങ്ങ​ൾ വി​ഷ​യ​ത്തെ എ​ങ്ങ​നെ സ​മീ​പി​ക്കു​ന്നു​മെ​ന്ന​ത് നി​ർ​ണാ​ക​യം ത​ന്നെ. തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട് ല​ത്തീ​ൻ അ​തി​രൂ​പ​ത കൃ​ത്യ​മാ​യ നി​ല​പാ​ട് സ്വീ​ക​രി​ച്ചി​ട്ടു​ണ്ടെ​ങ്കി​ലും താ​ഴേ​ത്ത​ട്ടി​ലേ​ക്ക് അ​ത് എ​ങ്ങ​നെ​യെ​ത്തു​മെ​ന്ന​ത് സു​പ്ര​ധാ​നം.

സ്മാ​ർ​ട്ട് സി​റ്റി പ​ദ്ധ​തി​യു​ടെ പേ​രി​ൽ പൊ​ളി​ച്ചി​ട്ട റോ​ഡു​ക​ൾ ത​ട്ടി​ക്കൂ​ട്ടി ഗ​താ​ഗ​ത യോ​ഗ്യ​മാ​ക്കി​യി​ട്ടു​ണ്ടെ​ങ്കി​ലും അ​തി​ന്‍റെ മു​റി​വു​ക​ൾ ഇ​നി​യും ഉ​ണ​ങ്ങി​യി​ട്ടി​ല്ല. ഒ​രു​വി​ധം ഒ​പ്പി​ച്ചെ​ന്ന് മാ​ത്രം. ത​ല​സ്ഥാ​ന​ത്തെ റോ​ഡു​ക​ളെ​ല്ലാം ഒ​രേ​സ​മ​യം പൊ​ളി​ച്ചി​ട്ട​ത് ന​ഗ​ര​വാ​സി​ക​ളെ ചെ​റു​ത​ല്ലാ​തെ വെ​ള്ളം കു​ടി​പ്പി​ച്ചു. ഇ​പ്പോ​ൾ വ​ണ്ടി​ക​ൾ ഓ​ടി​ത്തു​ട​ങ്ങി​യി​ട്ടു​ണ്ടെ​ങ്കി​ലും ക​ടു​ത്ത വേ​ന​ലി​ൽ ന​ഗ​ര​വാ​സി​ക​ൾ അ​നു​ഭ​വി​ച്ച ശ്വാ​സം​മു​ട്ടി​ലി​ന്‍റെ ആ​ഘാ​തം ഇ​നി​യും മ​റ​ക്കാ​റാ​യി​ട്ടി​ല്ല.

സെ​ക്ര​ട്ടേ​റി​യ​റ്റ​ട​ക്കം സു​പ്ര​ധാ​ന സ​ർ​ക്കാ​ർ ഓ​ഫി​സു​ക​ളെ​ല്ലാം സ്ഥി​തി​ചെ​യ്യു​ന്ന മ​ണ്ഡ​ല​മാ​ണ് തി​രു​വ​ന​ന്ത​പു​രം. അ​തു​കൊ​ണ്ട് മ​ണ്ഡ​ല നി​വാ​സി​ക​ളി​ൽ ന​ല്ലൊ​രു ശ​ത​മാ​നം സ​ർ​ക്കാ​ർ ജീ​വ​ന​ക്കാ​രാ​ണ്. ഫ​ല​ത്തി​ൽ സ​ർ​ക്കാ​ർ ജീ​വ​ന​ക്കാ​രു​ടെ സേ​വ​ന -വേ​ത​ന വി​ഷ​യ​ങ്ങ​ളും തെ​ര​ഞ്ഞെ​ടു​പ്പി​നെ​യും വോ​ട്ടി​നെ​യും സ്വാ​ധീ​നി​ക്കു​മെ​ന്ന​തി​ൽ ത​ർ​ക്ക​മി​ല്ല.

ജാ​തി-​മ​ത സ​മ​വാ​ക്യ​ങ്ങ​ളും സ​മു​ദാ​യ​ങ്ങ​ളു​ടെ​യും സ്വാ​ധീ​ന​വു​മെ​ല്ലാം നി​ർ​ണാ​യ​ക​മാ​ണ് മ​ണ്ഡ​ല​ത്തി​ൽ. നി​ല​വി​ൽ ഇ​ട​തു​പ്ര​തി​നി​ധി​യാ​യ ആ​ൻ​റ​ണി രാ​ജു​വാ​ണ് മ​ണ്ഡ​ല​ത്തെ നി​യ​മ​സ​ഭ​യി​ൽ പ്ര​തി​നി​ധീ​ക​രി​ക്കു​ന്ന​ത്. ര​ണ്ട​ര വ​ർ​ഷ​ക്കാ​ലം ഇ​ദ്ദേ​ഹം മ​ന്ത്രി​യു​മാ​യി​രു​ന്നു. ഇ​ത​ര മ​ണ്ഡ​ല​ങ്ങ​ളെ അ​പേ​ക്ഷി​ച്ച് സ​മ​കാ​ലി​ക രാ​ഷ്ട്രീ​യ സം​ഭ​വ​ങ്ങ​ൾ- അ​ത് കേ​ര​ള​ത്തി​ലേ​താ​യാ​ലും ദേ​ശീ​യ രാ​ഷ്ട്രീ​യ​ത്തി​ലേ​താ​യാ​ലും ഇ​വി​ടെ വ​ലി​യ ച​ർ​ച്ച​ക​ൾ​ക്ക്​ വി​ധേ​യ​മാ​കാ​റു​ണ്ട്.

പ​ഴ​യ തി​രു​വ​ന​ന്ത​പു​രം ഈ​സ്റ്റ്, വെ​സ്റ്റ് മ​ണ്ഡ​ല​ങ്ങ​ളു​ടെ ഭൂ​രി​ഭാ​ഗം ഭാ​ഗ​ങ്ങ​ൾ കൂ​ട്ടി​ച്ചേ​ർ​ത്ത് രൂ​പ​വ​ത്ക​രി​ച്ച മ​ണ്ഡ​ല​മാ​ണ് തി​രു​വ​ന​ന്ത​പു​രം. മ​ണ്ഡ​ല പു​ന​ർ​നി​ർ​ണ​യ​ത്തി​നു​ശേ​ഷം ന​ട​ന്ന ആ​ദ്യ നി​യ​മ​സ​ഭ തെ​ര​ഞ്ഞെ​ടു​പ്പി​ൽ 5352 വോ​ട്ടി​ന്‍റെ ഭൂ​രി​പ​ക്ഷ​ത്തി​നാ​ണ് യു.​ഡി.​എ​ഫ് സ്ഥാ​നാ​ർ​ഥി വി.​എ​സ്. ശി​വ​കു​മാ​ർ വി​ജ​യി​ച്ച​ത്. 49122 വോ​ട്ടാ​ണ് അ​ദ്ദേ​ഹ​ത്തി​ന് ല​ഭി​ച്ച​ത്. എ​തി​ർ​സ്ഥാ​നാ​ർ​ഥി​യാ​യി​രു​ന്ന ഇ​ട​തു​മു​ന്ന​ണി​യി​ലെ വി. ​സു​രേ​ന്ദ്ര​ൻ പി​ള്ള​ക്ക് 43770 വോ​ട്ടും ബി.​ജെ.​പി സ്ഥാ​നാ​ർ​ഥി ബി.​കെ. ശേ​ഖ​റി​ന് 11519 വോ​ട്ടും ല​ഭി​ച്ചു. 2016ലും ​ശ​ക്ത​മാ​യ ത്രി​കോ​ണ മ​ത്സ​ര​ത്തി​നൊ​ടു​വി​ൽ 10905 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ൽ വി.​എ​സ്. ശി​വ​കു​മാ​റി​ന് ത​ന്നെ​യാ​യി​രു​ന്നു വി​ജ​യം. 46474 വോ​ട്ട് അ​ദ്ദേ​ഹ​ത്തി​ന് ല​ഭി​ച്ച​പ്പോ​ൾ ഇ​ട​തു​മു​ന്ന​ണി​യി​ലെ ആ​ൻ​റ​ണി രാ​ജു​വി​ന് 35569 വോ​ട്ടും ബി.​ജെ.​പി സ്ഥാ​നാ​ർ​ഥി ശ്രീ​ശാ​ന്തി​ന് 34764 വോ​ട്ടും ല​ഭി​ച്ചു. 2019ൽ ​ന​ട​ന്ന ലോ​ക്സ​ഭ തെ​ര​ഞ്ഞെ​ടു​പ്പി​ലും തി​രു​വ​ന​ന്ത​പു​രം മ​ണ്ഡ​ലം യു.​ഡി.​എ​ഫി​നൊ​പ്പ​മാ​ണ് നി​ന്ന​ത്. യു.​ഡി.​എ​ഫി​ലെ ശ​ശി ത​രൂ​രി​ന് ഇ​വി​ടെ​മാ​ത്രം 14200 വോ​ട്ടു​ക​ളു​ടെ ഭൂ​രി​പ​ക്ഷം ല​ഭി​ച്ചു.

നി​യ​മ​സ​ഭ തെ​ര​ഞ്ഞെ​ടു​പ്പ് ഫ​ല​ത്തി​ൽ​നി​ന്ന് വ്യ​ത്യ​സ്ത​മാ​യി എ​ൽ.​ഡി.​എ​ഫി​നെ ക​ഴി​ഞ്ഞ ലോ​ക്സ​ഭ​യി​ൽ പി​ന്ത​ള്ളി ബി.​ജെ.​പി ര​ണ്ടാ​മ​ത് എ​ത്തു​ക​യും ചെ​യ്തു. ഇ​ക്ക​ഴി​ഞ്ഞ ത​ദ്ദേ​ശ​ഭ​ര​ണ തെ​ര​ഞ്ഞെ​ടു​പ്പി​ൽ മ​ണ്ഡ​ല​ത്തി​ലെ ബ​ഹു​ഭൂ​രി​പ​ക്ഷം വാ​ർ​ഡു​ക​ളും എ​ൽ.​ഡി.​എ​ഫി​നെ പി​ന്തു​ണ​ച്ചു. തി​രു​വ​ന​ന്ത​പു​രം കോ​ർ​പ​റേ​ഷ​നി​ലെ 26 മു​ത​ൽ 30 വ​രെ​യു​ള്ള വാ​ർ​ഡു​ക​ളും 40 മു​ത​ൽ 47വ​രെ​യും 59-60, 69 മു​ത​ൽ 75വ​രെ​യും 77, 78, 80 വാ​ർ​ഡു​ക​ളു​മാ​ണ് മ​ണ്ഡ​ല​ത്തി​ലു​ള്ള​ത്. ത​ദ്ദേ​ശ തെ​ര​ഞ്ഞെ​ടു​പ്പി​ൽ മ​ണ്ഡ​ല​ത്തി​ൽ ആ​കെ​യു​ള്ള 28 വാ​ർ​ഡു​ക​ളി​ൽ 17 എ​ണ്ണം എ​ൽ.​ഡി.​എ​ഫ് സ്വ​ന്ത​മാ​ക്കി. ഏ​ഴെ​ണ്ണം ബി.​ജെ.​പി​ക്കൊ​പ്പ​മാ​ണ്. മൂ​ന്ന് വാ​ർ​ഡു​ക​ൾ മാ​ത്ര​മാ​ണ് യു.​ഡി.​എ​ഫി​ന് ല​ഭി​ച്ച​ത്. ഒ​രി​ട​ത്ത് സ്വ​ത​ന്ത്ര​നാ​ണ് വി​ജ​യം. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഇ​ട​തു​മു​ന്ന​ണി​ക്കാ​യി​രു​ന്നു വി​ജ​യം. മ​ണ്ഡ​ല പു​ന​ർ​നി​ർ​ണ​യ​ത്തി​ന് മു​മ്പ് തി​രു​വ​ന​ന്ത​പു​രം വെ​സ്റ്റി​ൽ 2006ൽ ​എ​ൽ.​ഡി.​എ​ഫി​ലെ വി. ​സു​രേ​ന്ദ്ര​ൻ പി​ള്ള 13193 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​നാ​ണ് വി​ജ​യി​ച്ച​ത്. 2001ൽ ​യു.​ഡി.​എ​ഫ് സ്ഥാ​നാ​ർ​ഥി എം.​വി. രാ​ഘ​വ​ൻ 8381 വോ​ട്ടു​ക​ൾ​ക്ക് വി​ജ​യി​ച്ചു. 1996​ൽ എ​ൽ.​ഡി.​എ​ഫ് സ്ഥാ​നാ​ർ​ഥി ആ​ൻ​റ​ണി രാ​ജു 6894 വോ​ട്ടി​നും നി​യ​മ​സ​ഭ​യി​ലെ​ത്തി. തി​രു​വ​ന​ന്ത​പു​രം ഈ​സ്റ്റും എ​ൽ.​ഡി.​എ​ഫും യു.​ഡി.​എ​ഫും മാ​റി​മാ​റി വി​ജ​യി​ച്ച ച​രി​ത്ര​മാ​ണു​ള്ള​ത്. 2006ൽ 2276 ​വോ​ട്ടി​ന്‍റെ ഭൂ​രി​പ​ക്ഷ​ത്തി​ൽ എ​ൽ.​ഡി.​എ​ഫ് സ്ഥാ​നാ​ർ​ഥി വി. ​ശി​വ​ൻ​കു​ട്ടി വി​ജ​യി​ച്ചു.