കുടുംബശ്രീയുടെ രുചിവൈവിധ്യവുമായി പ്രീമിയം കഫെ തലസ്ഥാനത്തും

തി​രു​വ​ന​ന്ത​പു​രം: സം​രം​ഭ​ങ്ങ​ളു​ടെ ആ​ധു​നി​ക​വ​ത്ക​ര​ണ​വും സു​സ്ഥി​ര​ത​യും ല​ക്ഷ്യ​മി​ട്ട് കു​ടും​ബ​ശ്രീ ആ​രം​ഭി​ച്ച പ്രീ​മി​യം ക​ഫെ ഇ​നി തി​രു​വ​ന​ന്ത​പു​ര​ത്തും. ജി​ല്ല​യി​ലെ ആ​ദ്യ പ്രീ​മി​യം ക​ഫെ സ്‌​റ്റാ​ച്യു ഗ​വ​ൺ​മെ​ന്റ്‌ പ്ര​സി​ന്‌ എ​തി​ർ​വ​ശ​ത്താ​ണ്‌ ആ​രം​ഭി​ക്കു​ക. ഈ​മാ​സം അ​വ​സാ​ന​മോ ജ​നു​വ​രി ആ​ദ്യ​മോ ഉ​ദ്‌​ഘാ​ട​നം ന​ട​ത്താ​നാ​ണ്‌ ആ​ലോ​ച​ന.

ഈ​വ​ർ​ഷം ജ​നു​വ​രി​യി​ലാ​ണ്‌ രു​ചി​ക​ര​മാ​യ വി​ഭ​വ​ങ്ങ​ൾ മ​ന​സ്സ് നി​റ​യെ ക​ഴി​ക്കു​ക​യെ​ന്ന ആ​പ്‌​ത​വാ​ക്യ​വു​മാ​യി കു​ടു​ബ​ശ്രീ പ്രീ​മി​യം ക​ഫേ​ക​ൾ​ക്ക്‌ തു​ട​ക്കം​കു​റി​ച്ച​ത്‌. തി​രു​വ​ന​ന്ത​പു​ര​ത്ത്‌ 40 പേ​ർ​ക്ക് ഇ​രു​ന്നു​ഭ​ക്ഷ​ണം ക​ഴി​ക്കാ​ൻ സാ​ധി​ക്കു​ന്ന എ.​സി റ​സ്റ്റോ​റ​ന്റാ​ണ് ആ​രം​ഭി​ക്കു​ന്ന​ത്.

രാ​വി​ലെ ഏ​ഴ് മു​ത​ൽ വൈ​കീ​ട്ട് ഏ​ഴു വ​രെ​യാ​ണ് പ്ര​വ​ർ​ത്ത​ന സ​മ​യം. ഓ​ൺ​ലൈ​ൻ പ്ലാ​റ്റ്ഫോ​മു​ക​ൾ വ​ഴി​യും ഭ​ക്ഷ​ണം ഓ​ർ​ഡ​ർ ചെ​യ്യാ​നാ​കും. വ​നി​ത​സം​രം​ഭ​ക​രെ പ്രോ​ത്സാ​ഹി​പ്പി​ക്കു​ന്ന​തി​നൊ​പ്പം 15 മു​ത​ൽ 20 വ​രെ സ്ത്രീ​ക​ൾ​ക്ക് തൊ​ഴി​ല​വ​സ​ര​ങ്ങ​ൾ ഒ​രു​ക്കു​ന്നു​മു​ണ്ട്.

‘അ​ന​ന്ത​പു​രി പ്രീ​മി​യം ക​ഫേ’ എ​ന്ന ക​ഫെ യൂ​നി​റ്റു​ക​ളു​ടെ ക​ണ്‍സോ​ർ​ഷ​ൻ യൂ​നി​റ്റി​നാ​ണ് പ്ര​വ​ർ​ത്ത​ന ചു​മ​ത​ല. നി​ല​വി​ലു​ള്ള ഹോ​ട്ട​ലു​ക​ൾ ന​വീ​ക​രി​ച്ച് പ്ര​വ​ർ​ത്ത​ന​മാ​രം​ഭി​ക്കു​ന്ന ക​ഫെ സം​സ്ഥാ​ന​ത്ത് 14 ജി​ല്ല​ക​ളി​ലും ആ​രം​ഭി​ക്കാ​നാ​ണ് കു​ടും​ബ​ശ്രീ മി​ഷ​ൻ പ​ദ്ധ​തി​യി​ടു​ന്ന​ത്.

നി​ല​വി​ൽ തൃ​ശ്ശൂ​ർ, ക​ണ്ണൂ​ർ, എ​റ​ണാ​കു​ളം, പ​ത്ത​നം​തി​ട്ട, വ​യ​നാ​ട് ജി​ല്ല​ക​ളി​ൽ പ്ര​വ​ർ​ത്ത​നം ആ​രം​ഭി​ച്ചി​ട്ടു​ണ്ട്. സ്‌​പെ​ഷ​ൽ സ​ദ്യ ഉ​ൾ​പ്പെ​ടെ തി​രു​വ​ന​ന്ത​പു​ര​ത്തി​ന്റെ ത​ന​ത് രു​ചി​ക​ളു​ള്ള വി​ഭ​വ​ങ്ങ​ളാ​ണ്‌ ക​ഫേ​യു​ടെ പ്ര​ത്യേ​ക​ത.