കെട്ടിടത്തിന് മുകളിൽ നിന്ന് വീണ യുവാവ് മരിച്ചു

കിളിമാനൂർ: നിർമാണത്തിലിരുന്ന കെട്ടിടത്തിന്റെ മുകളിൽ നിന്ന് കാൽവഴുതി വീണ യുവാവ് മരിച്ചു. മലയാമഠം പുളിമ്പള്ളികോണം പാല കുന്നം വീട്ടിൽ പരേതനായ മോഹനൻ- വത്സല ദമ്പതികളുടെ മകൻ പ്രദീപ് (27) ആണ് മരിച്ചത്.

ശനിയാഴ്ച രാത്രിയിലാണ് സംഭവം. അപകടം നടന്ന ഉടൻ പാരിപ്പള്ളി മെഡിക്കൽ കോളേജ് ആശുപത്രിയിലെത്തിച്ചെങ്കിലും രക്ഷിക്കാനായില്ല.