കാട്ടുപന്നി ഭീതിയിൽ ഗ്രാമങ്ങൾ; ജീവനും സ്വത്തിനും ഭീഷണി

കി​ളി​മാ​നൂ​ർ: കാ​ട്ടു​പ​ന്നി​ക​ൾ രാ​പ​ക​ൽ ഭേ​ദ​മി​ല്ലാ​തെ വി​ഹ​രി​ക്കാ​ൻ തു​ട​ങ്ങി​യ​തോ​ടെ നാ​ട്ടു​കാ​ർ ഭീ​തി​യി​ൽ. കാ​ർ​ഷി​ക വി​ള​ക​ൾ വ​ൻ​തോ​തി​ൽ ന​ശി​പ്പി​ക്കു​ന്ന​തി​നൊ​പ്പം ജീ​വ​നു​കൂ​ടി ഭീ​ഷ​ണി​യാ​യ​തോ​ടെ രാ​ത്രി​കാ​ല​ങ്ങ​ളി​ൽ പു​റ​ത്തി​റ​ങ്ങാ​ൻ​പോ​ലും ഭ​യ​ക്കു​ക​യാ​ണ് ജ​നം.

പ​ള്ളി​ക്ക​ലി​ൽ ക​ഴി​ഞ്ഞ​മാ​സം 25ന് ​രാ​ത്രി ക​ട​യ​ട​ച്ച് ബൈ​ക്കി​ൽ വീ​ട്ടി​ലേ​ക്ക് മ​ട​ങ്ങു​ക​യാ​യി​രു​ന്ന ഗൃ​ഹ​നാ​ഥ​ൻ കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ ബൈ​ക്കി​ൽ​നി​ന്ന് തെ​റി​ച്ചു​വീ​ണ് മ​രി​ച്ചു. പ​ള്ളി​ക്ക​ൽ, മ​ട​വൂ​ർ, ന​ഗ​രൂ​ർ, പ​ഴ​യ​കു​ന്നു​മ്മ​ൽ പ​ഞ്ചാ​യ​ത്തു​ക​ളി​ൽ നി​ര​വ​ധി പേ​ർ​ക്ക് പ​ക​ൽ സ​മ​യ​ങ്ങ​ളി​ൽ​പോ​ലും പ​ന്നി​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ സം​ഭ​വ​ങ്ങ​ളു​ണ്ട്.

മാ​സ​ങ്ങ​ൾ​ക്ക് മു​മ്പ് പ​ള്ളി​ക്ക​ൽ ആ​ന​കു​ന്ന​ത്തു​വെ​ച്ച് രാ​ത്രി കാ​ട്ടു​പ​ന്നി ആ​ക്ര​മി​ച്ച ഓ​ട്ടോ​റി​ക്ഷ നി​യ​ന്ത്ര​ണം വി​ട്ട് മ​റി​ഞ്ഞ് പ​രി​ക്കേ​റ്റ് ചി​കി​ത്സ​യി​ൽ ക​ഴി​ഞ്ഞ ഓ​ട്ടോ ഡ്രൈ​വ​ർ ദീ​പു (46) മ​രി​ച്ചു. മു​ല്ല​ന​ല്ലൂ​രി​ൽ ഫ​ർ​ണി​ച്ച​ർ ക​ട ന​ട​ത്തി​വ​ന്ന വെ​ളി​ന​ല്ലൂ​ർ ആ​റ്റൂ​ർ​ക്കോ​ണം ചെ​റു​ന്ന​ല്ലൂ​ർ മേ​ല​തി​ൽ വീ​ട്ടി​ൽ പ്ര​സാ​ദ് (55) ക​ഴി​ഞ്ഞ മാ​സം 25ന് ​ക​ട​യ​ട​ച്ച് വീ​ട്ടി​ലേ​ക്ക് വ​രു​ന്ന​തി​നി​ടെ കാ​ട്ടു​പു​തു​ശ്ശേ​രി​യി​ൽ കാ​ട്ടു​പ​ന്നി ബൈ​ക്കി​ൽ വ​ന്നി​ടി​ച്ച് റോ​ഡി​ലേ​ക്ക് തെ​റി​ച്ചു വീ​ണ് മ​രി​ച്ചു.

ഭാ​ര്യ​യും ര​ണ്ട് മ​ക്ക​ളു​മ​ട​ങ്ങു​ന്ന കു​ടും​ബ​ത്തി​ന്റെ ഏ​ക ആ​ശ്ര​യ​മാ​ണ് പ്ര​സാ​ദി​ന്റെ മ​ര​ണ​ത്തി​ലൂ​ടെ ന​ഷ്ട​മാ​യ​ത്. ഏ​റെ തി​ര​ക്കേ​റി​യ മ​ട​ത്ത​റ-​പാ​രി​പ്പ​ള്ളി റോ​ഡി​ൽ രാ​ത്രി​യി​ൽ നി​ര​വ​ധി അ​പ​ക​ട​ങ്ങ​ളാ​ണ് ഉ​ണ്ടാ​കു​ന്ന​ത്.

കി​ളി​മാ​നൂ​ർ ബ്ലോ​ക്ക് പ​ഞ്ചാ​യ​ത്ത് പ​രി​ധി​യി​ലെ എ​ട്ട് പ​ഞ്ചാ​യ​ത്തു​ക​ളി​ലും കാ​ട്ടു​പ​ന്നി ശ​ല്യം രൂ​ക്ഷ​മാ​ണ്. പ​ക​ൽ സ​മ​യ​ങ്ങ​ളി​ൽ​പോ​ലും വീ​ട്ടു​മു​റ്റ​ത്തും റ​ബ​ർ പു​ര​യി​ട​ങ്ങ​ളി​ലും പ​ന്നി​ക​ൾ നി​ര​വ​ധി പേ​രെ ആ​ക്ര​മി​ച്ച സം​ഭ​വ​ങ്ങ​ളു​ണ്ട്. ഒ​രു​മാ​സം മു​മ്പ് കി​ളി​മാ​നൂ​ർ പ​ഞ്ചാ​യ​ത്തി​ലെ പു​തു​മം​ഗ​ല​ത്ത് ജ്വ​ല്ല​റി ജീ​വ​ന​ക്കാ​ര​നാ​യ പ്ര​ദീ​പി​ന് ബൈ​ക്കി​ൽ സ​ഞ്ച​രി​ക്കു​മ്പോ​ൾ കാ​ട്ടു​പ​ന്നി​യി​ടി​ച്ചി​ട്ട് പ​രി​ക്കേ​റ്റി​രു​ന്നു. കി​ളി​മാ​നൂ​ർ ഭാ​ഗ​ത്ത് സം​സ്ഥാ​ന പാ​ത​യി​ൽ​പോ​ലും കാ​ട്ടു​പ​ന്നി​ക​ൾ റോ​ഡി​ന് കു​റു​കെ ഓ​ടി അ​പ​ക​ട​മു​ണ്ടാ​ക്കു​ന്ന സം​ഭ​വ​ങ്ങ​ളു​ണ്ട്.

വി​ള​ക​ൾ ന​ശി​പ്പി​ക്കു​ന്ന​തു​മൂ​ലം ഒ​രി​ട​ത്തും കൃ​ഷി ചെ​യ്യാ​ൻ സാ​ധി​ക്കു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു. മ​ര​ച്ചീ​നി, വാ​ഴ, ചേ​മ്പ്, ചേ​ന, നെ​ല്ല് എ​ന്നി​വ​യെ​ല്ലാം രാ​ത്രി​കാ​ല​ങ്ങ​ളി​ൽ കൂ​ട്ട​ത്തോ​ടെ ന​ശി​പ്പി​ക്കു​ക​യാ​ണ്. കൃ​ഷി​യി​ട​ങ്ങ​ളി​ൽ വ​ൻ തു​ക മു​ട​ക്കി ക​മ്പി​വേ​ലി​ക​ൾ നി​ർ​മി​ച്ചി​ട്ടും ഫ​ല​മി​ല്ല. വ​ൻ തു​ക മു​ട​ക്കി ചെ​യ്യു​ന്ന കൃ​ഷി പ​ന്നി ന​ശി​പ്പി​ച്ചാ​ൽ ന​ഷ്ട​പ​രി​ഹാ​ര​വും ല​ഭി​ക്കു​ന്നി​ല്ല.

പ​ന്നി ശ​ല്യ​ത്തി​ന് പ​രി​ഹാ​രം തേ​ടി പ​ഞ്ചാ​യ​ത്തു​ക​ളെ സ​മീ​പി​ച്ചി​ട്ടും പ​രി​ഗ​ണ​ന ല​ഭി​ക്കു​ന്നി​ല്ലെ​ന്ന് ക​ർ​ഷ​ക​ർ പ​റ​യു​ന്നു. ശ​ല്യം വ​ർ​ധി​ച്ച മേ​ഖ​ല​ക​ളി​ൽ പ​ന്നി​ക​ളെ വെ​ടി​വെ​ച്ചു കൊ​ല്ലാ​ൻ ന​ട​പ​ടി സ്വീ​ക​രി​ച്ചെ​ങ്കി​ലും ഒ​ന്നോ ര​ണ്ടോ​ദി​വ​സം മാ​ത്ര​മാ​യി ഒ​തു​ങ്ങി. സ്വ​ത്തി​നും ജീ​വ​നും ഭീ​ഷ​ണി​യാ​യി തു​ട​ങ്ങി​യ കാ​ട്ടു​പ​ന്നി ശ​ല്യ​ത്തി​ന് പ​രി​ഹാ​ര​മു​ണ്ടാ​ക​ണ​മെ​ന്നും ന​ഷ്ട​പ​രി​ഹാ​രം ന​ൽ​ക​ണ​മെ​ന്നും ക​ർ​ഷ​ക​ർ ആ​വ​ശ്യ​പ്പെ​ടു​ന്നു.