വെള്ളം കയറി; നിലമേൽ - കിളിമാനൂർ എം.സി റോഡ്​ അടച്ചു

കിളിമാനൂർ: രണ്ട്​ ദിവസമായി തുടരുന്ന കനത്തമഴയിൽ റോഡിൽ വെള്ളം കയറിയതിനെ തുടർന്ന് നിലമേൽ - കിളിമാനൂർ സംസ്ഥാന പാത താൽക്കാലികമായി അടച്ചു. ജില്ല അതിർത്തിയായ വാഴോട് ആണ് റോഡ് പൂർണമായും വെള്ളത്തിൽ മുങ്ങിയത്. ഇവിടെ രണ്ടടിയോളം ഉയരത്തിൽ വെള്ളം പൊങ്ങിയിട്ടുണ്ട്.

ചെറിയ വാഹനങ്ങളെല്ലാം നിലമേൽ ബം​ഗ്ലാംകുന്ന് റോഡ് വഴി തിരിച്ചുവിട്ടിട്ടുണ്ട്. വലിയ വാഹനങ്ങൾ മാത്രം താൽക്കാലികമായി ഇതിലൂടെ പോകുന്നുണ്ട്​.

വെള്ളം ഇനിയും ഉയരുകയാണെങ്കിൽ ഇതുവഴി ഗതാ​ഗതം പൂർണമായും തടയുമെന്ന് അധികൃതർ അറിയിച്ചു.