കിളിമാനൂർ-പോങ്ങനാട് റോഡ് തകർന്നു; അപകടങ്ങൾ പതിവ്
text_fieldsപൊട്ടിത്തകർന്ന പോങ്ങനാട്-കിളിമാനൂർ റോഡിലെ മലയാമഠം ഭാഗം
കിളിമാനൂർ: നിർമാണത്തിലെ പാളിച്ചകാരണം റോഡ് തകർന്നു. കിളിമാനൂർ പഞ്ചായത്തിലൂടെ കടന്നുപോകുന്ന പുതിയകാവ്-പോങ്ങനാട്-പള്ളിക്കൽ റോഡാണ് വിവിധ പ്രദേശങ്ങളിൽ തകർന്നത്. ജല അതോറിറ്റിയുടെ പൈപ്പ് നന്നാക്കുന്നതിന് കുഴിച്ച റോഡുകൾ പൂർവസ്ഥിതിയിലാക്കിയില്ല.
ഒരാഴ്ചയായി പെയ്യുന്ന മഴയിൽ റോഡിൽ പലയിടത്തും വലിയ കുഴികൾ രൂപപ്പെട്ടു. മലയാമഠം ജങ്ഷന് സമീപം നടക്കാൻപോലും കഴിയാത്തവിധം റോഡ് തകർന്നു. ഇരുചക്രവാഹനങ്ങളടക്കം നിരവധി വാഹനങ്ങളാണ് നിത്യേന അപകടത്തിൽപെടുന്നത്. റോഡിന്റെ ഇരുഭാഗത്തുമുള്ള ഓടകളും കലുങ്കും മണ്ണ് നിറഞ്ഞതാണ് പ്രതിസന്ധിക്ക് കാരണമെന്ന് പ്രദേശവാസികൾ പറയുന്നു.
വാലഞ്ചേരി, മേലേമലയാമഠം, ആർ.ആർ.വി എന്നിവിടങ്ങളിലൊക്കെ റോഡ് വെട്ടിപ്പൊളിച്ച ഭാഗങ്ങൾ മണ്ണിട്ട് മൂടാത്തതിനാൽ അപകടക്കെണിയിലാണ്. അടിയന്തരമായി റോഡ് റീ-ടാ റിങ് നടത്തണമെന്ന് നാട്ടുകാർ ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

