അടുക്കളവാതിൽ തുറക്കുന്നതിനിടെ വീട്ടമ്മയുടെ സ്വർണ മാല പൊട്ടിച്ച് മോഷ്ടാവ് കടന്നു

കിളിമാനൂർ: രാത്രി അടുക്കളവാതിൽ തുറക്കുന്നതിനിടെ വീട്ടമ്മയുടെ സ്വർണ മാല പൊട്ടിച്ച് മോഷ്ടാവ് കടന്നു. പോങ്ങനാട് തെറ്റിക്കുഴിവിള വീട്ടിൽ റിട്ട. അധ്യാപകൻ ഗോപാലകൃഷ്ണൻ നായരുടെ വീട്ടിലാണ് ഞായറാഴ്ച രാത്രി 9.15ഓടെ കവർച്ച നടന്നത്.

ഭാര്യ ഗോമതി അമ്മ (70) അടുക്കളവാതിൽ തുറക്കുന്നതിനിടെയാണ് ഒളിച്ചിരുന്ന മോഷ്ടാവ് അടുക്കളയിലേക്ക് തള്ളിക്കയറി കഴുത്തി ലണിഞ്ഞിരുന്ന രണ്ടരപ്പവൻ തൂക്കം വരുന്ന സ്വർണമാല പൊട്ടിച്ച് കടന്നത്. ഭയന്ന വീട്ടമ്മയുടെ നിലവിളി കേട്ട് അയൽവാസികൾ എത്തിയപ്പോഴേക്കും മോഷ്ടാവ് കടന്നിരുന്നു. കിളിമാനൂർ പൊലീസ് സ്ഥലത്തെത്തി. പരാതിയെ തുടർന്ന് അന്വേഷണം ആരംഭിച്ചു.