നിർമാണത്തിലെ അപാകത: കുഴികളടപ്പിച്ച് വിജിലൻസ് വിഭാഗം

കിളിമാനൂർ: റോഡ് നിർമാണത്തിൽ അപാകത കണ്ടെത്തിയ സ്ഥലങ്ങളിൽ അറ്റകുറ്റപ്പണി നടത്തി. റോഡ് നിർമാണത്തിലെ അപാകതകൾ ചൂണ്ടിക്കാട്ടി മാധ്യമം വാർത്ത നൽകിയിരുന്നു. തുടർന്ന് വിജിലൻസ് വിഭാഗം പരിശോധന നടത്തി അപാകതയുള്ളത് ശരിെവച്ചു.

കിളിമാനൂർ പഞ്ചായത്തിലെ 14ാം വാർഡിൽ ഉൾപ്പെട്ട പോങ്ങനാട്-കുന്നംകോട് റോഡാണ് മാസങ്ങൾക്ക് മുമ്പ് ടാറിങ് നടത്തിയത്. ടാറിങ് കഴിഞ്ഞ് രണ്ട് മാസങ്ങൾക്കുള്ളിൽ പൊട്ടിപ്പൊളിഞ്ഞു. തുടർന്ന് വിജിലൻസ് വിഭാഗം റോഡിലെ ടാറിങ് പരിശോധിക്കുകയും അപാകതകൾ കണ്ടെത്തുകയും സ്ഥലങ്ങൾ മാർക്ക് ചെയ്യുകയും ചെയ്തിരുന്നു.