ബിയർ നൽകാത്തതിന് അയൽവാസിയെ കൊലപ്പെടുത്താൻ ശ്രമിച്ചയാൾ അറസ്റ്റിൽ
text_fieldsകിളിമാനൂർ: ബിയർ നൽകാത്തതിന് അയൽവാസിയായ യുവാവിനെ കുത്തിക്കൊലപ്പെടുത്താൻ ശ്രമിച്ചയാൾ അറസ്റ്റിൽ. പുളിമാത്ത് പയറ്റിങ്ങാക്കുഴി തെക്കുംകര പുത്തൻവീട്ടിൽ കൊച്ചുമോൻ എന്ന ബിനുരാജിനെ (45) കിളിമാനൂർ പൊലീസ് അറസ്റ്റ് ചെയ്തു. ഞായറാഴ്ച വൈകീട്ടാണ് സംഭവം. പുളിമാത്ത് പയറ്റിങ്ങാക്കുഴി സ്വദേശിയായ അജയമോന്റെ കൈവശമിരുന്ന ബിയർ ബിനുരാജ് ആവശ്യപ്പെട്ടു.
ബിയർ നൽകാൻ തയാറാകാത്ത അജയമോനെ ബിനുരാജ് ഇടുപ്പിൽ കരുതിയിരുന്ന കഠാരയെടുത്ത് കുത്തുകയായിരുന്നു. ഗുരുതരമായി പരിക്കേറ്റ അജയമോനെ നാട്ടുകാരും ബന്ധുക്കളും ചേർന്ന് തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കിളിമാനൂർ എസ്.എച്ച്.ഒ ബി. ജയന്റെ നേതൃത്വത്തിലുള്ള സംഘം പിടികൂടിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.