കേരളത്തിന്‍റെ ‘സാംസൺ ഗാലക്സി’

തി​രു​വ​ന​ന്ത​പു​രം: ചെ​പ്പോ​ക്കി​ന് ‘ത​ല’ ധോ​ണി​യും ചി​ന്ന​സ്വാ​മി സ്റ്റേ​ഡി​യ​ത്തി​ന് ‘കി​ങ്ങ്’ കോ​ഹ് ലി​യും വാ​ങ്ക​ഡെ​ക്ക് ‘ഹി​റ്റ്മാ​ൻ’ രോ​ഹി​ത്ത് ശ​ർ​മ​യെ​യും പോ​ലെ​യാ​ണ് കാ​ര്യ​വ​ട്ടം ഗ്രീ​ൻ​ഫീ​ൽ​ഡി​ന് ‘ചേ​ട്ട​ൻ’ സ​ഞ്ജു സാം​സ​ൺ. ആ​വേ​ശ​ത്തി​ന​പ്പു​റം ഓ​രോ മ​ല​യാ​ളി ക്രി​ക്ക​റ്റ് ആ​രാ​ധ​ക​ർ​ക്കും സ​ഞ്ജു വി​കാ​ര​മാ​യി മാ​റു​ന്ന നി​മി​ഷം. കേ​ര​ള ക്രി​ക്ക​റ്റ് ലീ​ഗി​നോ​ട​നു​ബ​ന്ധി​ച്ച് വെ​ള്ളി​യാ​ഴ്ച കെ.​സി.​എ ഒ​രു​ക്കി​യ സ​ന്നാ​ഹ​മ​ത്സ​ര​ത്തി​ൽ സ​ഞ്ജു​വി​നെ കാ​ണാ​നാ​യി മാ​ത്രം ഒ​ഴു​കി​യെ​ത്തി​യ​വ​രാ​യി​രു​ന്നു ഏ​റെ​യും. ക​ള​ത്തി​ൽ 22 പേ​രു​ണ്ടാ​യ​പ്പോ​ഴും കാ​ര്യ​വ​ട്ട​ത്തെ ക്രി​ക്ക​റ്റ് ലോ​കം സ​ഞ്ജു​വി​ൽ മാ​ത്രം ചു​റ്റി​ത്തി​രി​യു​ക​യാ​യി​രു​ന്നു.

സ​ച്ചി​ൻ ബേ​ബി​യെ സി​ജോ​മോ​ന്‍റെ പ​ന്തി​ൽ സ്ലി​പി​ൽ മ​നോ​ഹ​ര​മാ​യ ക്യാ​ച്ചി​ലൂ​ടെ സ​ഞ്ജു പി​ടി​ച്ച് പു​റ​ത്താ​ക്കു​മ്പോ​ൾ സ്റ്റേ​ഡി​യ​ത്തി​ൽ മു​ഴ​ങ്ങി​യ​ത് ഒ​രു പേ​രു​മാ​ത്രം ‘‘സ​ഞ്ജൂ.. സ​ഞ്ജൂ’’. കെ.​സി.​എ സെ​ക്ര​ട്ട​റി ഇ​ല​വ​നി​ലെ ഓ​പ​ണി​ങ് സ്ഥാ​ന​ത്തേ​ക്ക് വി​ഷ്ണു വി​നോ​ദി​നൊ​പ്പം ആ​രാ​ധ​ക​ർ സ​ഞ്ജു​വി​നെ പ്ര​തീ​ക്ഷി​ച്ചെ​ങ്കി​ലും നി​രാ​ശ​യാ​യി​രു​ന്നു ഫ​ലം. വി​ഷ്ണു വി​നോ​ദ് കൂ​റ്റ​ന​ടി​ക​ളു​മാ​യി മ​ത്സ​രം മു​ന്നോ​ട്ടു​കൊ​ണ്ടു​പോ​കു​മ്പോ​ൾ സ​ഞ്ജു​വി​നും കൂ​ടി അ​ടി​ക്കാ​നു​ള്ള​ത് ബാ​ക്കി വെ​ച്ചേ​ക്ക​ണെ എ​ന്ന് കു​ട്ടി​ക​ള​ട​ക്കം വി​ളി​ച്ചു​പ​റ​യു​ന്നു​ണ്ടാ​യി​രു​ന്നു. ഒ​ടു​വി​ൽ നാ​ലാ​മ​നാ​യി ക്രീ​സി​ലെ​ത്തി​യ താ​രം ത​ക​ർ​പ്പ​ൻ സി​ക്സു​ക​ളു​ടെ​യും ഫോ​റു​ക​ളു​ടെ​യും അ​ക​മ്പ​ടി​യോ​ടെ ക​ളം നി​റ​ഞ്ഞ​പ്പോ​ൾ, ഈ ​വി​ഴി​ഞ്ഞം​കാ​ര​നെ വി​ര​ൽ​ചൂ​ണ്ടി കാ​ര്യ​വ​ട്ടം വി​ളി​ച്ചു പ​റ​ഞ്ഞു. ‘‘ദി​സ് ഈ​സ് ഔ​വ​ർ മ​ല്ലു സാം​സ​ൺ.’’

അ​വ​ഗ​ണ​ന​യു​ടെ​യും നി​ർ​ഭാ​ഗ്യ​ത്തി​ന്‍റെ​യും ആ​ല​യി​ൽ ചു​ട്ടു​പ​ഴു​ത്ത ഇ​രു​മ്പി​ന്‍റെ പേ​രാ​ണ് സ​ഞ്ജു വി​ശ്വ​നാ​ഥ​ൻ സാം​സ​ൺ. അ​തു​കൊ​ണ്ടു​ത​ന്നെ കാ​ര്യ​വ​ട്ട​ത്തെ സ​ഞ്ജു​വി​ന്‍റെ ഓ​രോ റ​ണ്ണും സെ​ഞ്ച്വ​റി​പോ​ലെ ആ​ഘോ​ഷി​ക്കു​ക​യാ​യി​രു​ന്നു ഗ്രീ​ൻ​ഫീ​ൽ​ഡ്. ഫോ​മി​ന്‍റെ പ​ര​കോ​ടി​യി​ലു​ള്ള​പ്പോ​ഴും ഇ​ന്ത്യ​ൻ ടീ​മി​നാ​യി വെ​ള്ളം ചു​മ​ന്ന് ഓ​ടേ​ണ്ടി​വ​ന്ന​വ​ന്‍റെ ദു​ഖം ഗ്രീ​ൻ​ഫീ​ൽ​ഡ് ക​ണ്ടി​ട്ടു​ണ്ട്.

വി​ദേ​ശ​പ​ര​മ്പ​ര​ക​ളി​ൽ ടീ​മി​ലെ​ടു​ത്തി​ട്ടും അ​വ​സ​രം ല​ഭി​കാ​തെ​യാ​കു​മ്പോ​ൾ ടാ​ക്‌​സി വാ​ട​ക​ക്കെ​ടു​ത്ത് ആ ​നാ​ട് ചു​റ്റി​ക്കാ​ണാ​ൻ പോ​കു​ന്ന​തി​നെ​ക്കു​റി​ച്ച് സ​ഞ്ജു പ​റ​ഞ്ഞി​ട്ടു​ണ്ട്. അ​തു​കൊ​ണ്ടു​ത​ന്നെ വി​യ​ർ​പ്പു​തു​ന്നി​യി​ട്ട കു​പ്പാ​യ​ത്തോ​ട് മ​ലാ​യാ​ളി​ക​ൾ​ക്ക് ആ​രാ​ധ​ന​യ​ല്ല, മ​റി​ച്ച് ഒ​റ്റ​ക്ക് വ​ഴി​വെ​ട്ടി​വ​ന്ന​വ​നോ​ടു​ള്ള ബ​ഹു​മാ​ന​മാ​യി​രു​ന്നു വെ​ള്ളി​യാ​ഴ്ച ഗ്രീ​ൻ​ഫീ​ൽ​ഡ് പ്ര​ക​ടി​പ്പി​ച്ച​ത്. കാ​ര്യ​വ​ട്ട​ത്ത് ഇ​ന്ത്യ​യു​ടെ ഓ​രോ മ​ത്സ​രം പ്ര​ഖ്യാ​പി​ക്കു​മ്പോ​ഴും ടീ​മി​ൽ സ​ഞ്ജു​വു​ണ്ടോ​യെ​ന്നാ​യി​രി​ക്കും ആ​രാ​ധ​ക​ർ ഉ​റ്റ് നോ​ക്കാ​റ്.

സ​ഞ്ജു​വി​നോ​ടു​ള്ള ബി.​സി.​സി.​ഐ​യു​ടെ ചി​റ്റ​മ്മ​ന​യ​ത്തി​ൽ പ്ര​തി​ഷേ​ധി​ച്ച് ഒ​രി​ക്ക​ൽ ദ​ക്ഷി​ണാ​ഫ്രി​ക്ക​യു​മാ​യു​ള്ള ട്വ​ന്‍റി-​ട്വ​ന്‍റി മ​ത്സ​ര​ത്തി​നെ​ത്തി​യ ഇ​ന്ത്യ​ൻ ടീം ​അം​ഗ​ങ്ങ​ൾ​ക്കെ​തി​രെ എ​യ​ർ​പോ​ർ​ട്ടി​ൽ സ​ഞ്ജു​വി​ന്‍റെ പേ​ര് മാ​ത്രം ഉ​റ​ക്കെ വി​ളി​ച്ചാ​ണ് ആ​രാ​ധ​ക​ർ പ്ര​തി​ഷേ​ധി​ച്ച​ത്. അ​ന്ന് അ​രാ​ധ​ക​രെ ത​ണു​പ്പി​ക്കാ​ൻ സു​ഹൃ​ത്താ​യ സൂ​ര്യ​കു​മാ​ർ യാ​ദ​വി​ന് മൊ​ബൈ​ൽ ഫോ​ണി​ൽ സ​ഞ്ജു​വി​ന്‍റെ ഫോ​ട്ടോ ആ​രാ​ധ​ക​ർ​ക്ക് മു​ന്നി​ൽ ഉ​യ​ർ​ത്തി​ക്കാ​ണി​ക്കേ​ണ്ടി​വ​ന്നു. ഇ​ന്ത്യ​ൻ ജേ​ഴ്സി​യി​ൽ കാ​ര്യ​വ​ട്ട​ത്ത് സ​ഞ്ജു ഒ​രി​ക്ക​ലെ​ങ്കി​ലും ക​ളി​ക്കു​ന്ന​ത് കാ​ണാ​നു​ള്ള ആ​ഗ്ര​ഹ​മാ​യി​രു​ന്നു ആ ​പ്ര​തി​ഷേ​ധ​ങ്ങ​ൾ​ക്ക് പി​ന്നി​ൽ. വ​രു​ന്ന ജ​നു​വ​രി​യി​ൽ ഇ​ന്ത്യ-​ന്യൂ​സി​ലാ​ൻ​ഡ് ട്വ​ന്‍റി-​ട്വ​ന്‍റി മ​ത്സ​രം കാ​ര്യ​വ​ട്ട​ത്ത് പ്ര​ഖ്യാ​പി​ച്ചി​രി​ക്കെ സ​ഞ്ജു ടീ​മി​ൽ ഉ​ണ്ടാ​കു​മോ​യെ​ന്നാ​ണ് ക്രി​ക്ക​റ്റ് പ്രേ​മി​ക​ൾ ഉ​റ്റു​നോ​ക്കു​ന്ന​ത്.

ഇ​ന്ത്യ​ൻ ടീ​മി​ലും ഐ.​പി.​എ​ല്ലി​ലും ക​ളി​ക്ക​ണ​മെ​ങ്കി​ൽ ആ​ദ്യം വേ​ണ്ട​ത് ത​ന്‍റേ​ട​മാ​ണെ​ന്ന് സ​ഞ്ജു പ​റ​യു​ന്നു. നാ​ട്ടു​കാ​ർ ന​മു​ക്കൊ​പ്പം ഉ​ണ്ടെ​ങ്കി​ൽ ആ ​ത​ന്‍റേ​ടം ത​നി​യെ​ത്തു​മെ​ന്നു​മാ​ണ് സ​ഞ്ജു​വി​ന്‍റെ പ​ക്ഷം. ‘‘പ​ല​പ്പോ​ഴും ത​നി​ക്കാ​യി വേ​ണ്ടി​യു​ള്ള ആ​രാ​ധ​ക​രു​ടെ സ​മൂ​ഹ​മാ​ധ്യ​മ​ങ്ങ​ളി​ലെ രോ​ക്ഷ​പ്ര​ക​ട​നം വേ​ണ്ടെ​ന്ന് തോ​ന്നി​യി​ട്ടു​ണ്ടെ​ങ്കി​ലും പി​ന്നീ​ട് അ​ത് വേ​ണ്ടെ​ന്ന് വ​യ്ക്കാ​ൻ പാ​ടി​ല്ലെ​ന്നും തോ​ന്നി​യി​ട്ടു​ണ്ട്. നാ​ട്ടു​കാ​രു​ടെ സ്നേ​ഹം വ​ലി​യൊ​രു അ​നു​ഗ്ര​ഹ​മാ​ണ്. അ​ത് എ​ല്ലാ​വ​ർ​ക്കും കി​ട്ടു​ന്ന ഒ​ന്ന​ല്ല’’- സ​ഞ്ജു പ​റ​യു​ന്നു. ശ​നി​യാ​ഴ്ച പു​ല​ർ​ച്ചെ മ​ത്സ​രം അ​വ​സാ​നി​ച്ച ശേ​ഷ​വും ത​ന്നെ കാ​ണാ​ൻ സ്റ്റേ​ഡി​യ​ത്തി​ൽ നി​ല​യു​റ​പ്പി​ച്ച ആ​രാ​ധ​ക​രെ നേ​രി​ട്ട് ക​ണ്ടും അ​വ​ർ​ക്കൊ​പ്പം സെ​ൽ​ഫി​യു​മെ​ടു​ത്താ​ണ് താ​രം മ​ട​ങ്ങി​യ​ത്. കേ​ര​ള ക്രി​ക്ക​റ്റ് ലീ​ഗി​ന്‍റെ ഉ​ദ്ഘാ​ട​ന ദി​ന​മാ​യ 21ന് ​രാ​ത്രി 7.30ന് ​കൊ​ച്ചി ബ്ലൂ​ടൈ​ഗേ​ഴ്സി​ന് വേ​ണ്ടി സ​ഞ്ജു വീ​ണ്ടും ഇ​റ​ങ്ങും.

ഗ്രീൻഫീൽഡിൽ പ്രകാശവിസ്മയം; പുതിയ ഫ്ലഡ്‌ലൈറ്റുകൾ തെളിഞ്ഞു​

സ്വാ​ത​ന്ത്ര്യ​ദി​ന സ​ന്ധ്യ​യി​ൽ കാ​ര്യ​വ​ട്ടം ഗ്രീ​ൻ​ഫീ​ൽ​ഡ് സ്റ്റേ​ഡി​യം വ​ർ​ണ്ണ​വി​സ്മ​യ​ത്തി​ലാ​റാ​ടി. പു​തു​താ​യി സ്ഥാ​പി​ച്ച അ​ത്യാ​ധു​നി​ക എ​ൽ.​ഇ.​ഡി ഫ്ല​ഡ്‌​ലൈ​റ്റു​ക​ൾ​ക്ക് മി​ഴി തു​റ​ന്ന​പ്പോ​ൾ സ്റ്റേ​ഡി​യ​വും പ​രി​സ​ര​വും അ​ക്ഷ​രാ​ർ​ത്ഥ​ത്തി​ൽ പ്ര​കാ​ശ​പൂ​ര​ത്തി​ൽ മു​ങ്ങി.ക​ട​കം​പ​ള്ളി സു​രേ​ന്ദ്ര​ൻ എം.​എ​ൽ.​എ ലൈ​റ്റു​ക​ളു​ടെ സ്വി​ച്ച് ഓ​ൺ നി​ർ​വ​ഹി​ച്ചു. ​കേ​ര​ള ക്രി​ക്ക​റ്റ് അ​സോ​സി​യേ​ഷ​ൻ 18 കോ​ടി രൂ​പ ചെ​ല​വ​ഴി​ച്ചാ​ണ് ലൈ​റ്റു​ക​ൾ സ്ഥാ​പി​ച്ച​ത്.