അച്ഛന്‍റെ സ്വപ്​നങ്ങൾ എടുത്തുയർത്തി നീരജ്

തി​രു​വ​ന​ന്ത​പു​രം: അ​ച്ഛ​ൻ പോ​കു​ന്ന വ​ഴി​യെ പോ​യാ​ൽ മ​തി; അ​ങ്ങ​നെ ഉ​റ​പ്പി​ച്ച്​ ഇ​റ​ങ്ങി​യ​താ​ണ്​ മ​ക​ൻ നീ​ര​ജ്. ഒ​ടു​വി​ൽ അ​ച്ഛ​നെ​പോ​ലെ സ്വ​ർ​ണം ഉ​യ​ർ​ത്തി​യെ​ടു​ത്ത​പ്പോ​ൾ പാ​തി​വ​ഴി​യി​ൽ പൊ​ലി​ഞ്ഞ ത​ന്‍റെ സ്വ​പ്​​ന​ങ്ങ​ൾ മ​ക്ക​ളി​ലൂ​ടെ ചി​റ​ക​ടി​ച്ചു​യ​രു​ന്ന​ത്​ ക​ണ്ട്​ ഹൃ​ദ​യം നി​റ​ഞ്ഞു​നി​ൽ​ക്കു​ക​യാ​യി​രു​ന്നു എം. ​നി​ഖി​ലേ​ഷ്. സീ​നി​യ​ർ ആ​ൺ​കു​ട്ടി​ക​ളു​ടെ 83 കി​ലോ​ഗ്രാം പ​വ​ർ ലി​ഫ്​​റ്റി​ങ്ങി​ലാ​ണ്​ അ​ച്ഛ​ന്‍റെ സ്വ​പ്​​ന​ങ്ങ​ൾ എ​ടു​ത്തു​യ​ർ​ത്തി തി​രു​വ​ന​ന്ത​പു​ര​ത്തി​ന്‍റെ ഡി.​എ​ൻ. നീ​ര​ജ്​ സ്വ​ർ​ണ​മ​ണി​ഞ്ഞ​ത്.

ര​ണ്ട്​ പ​തി​റ്റാ​ണ്ട്​ മു​മ്പ്​ ഓ​ൾ ഇ​ന്ത്യ യൂ​നി​വേ​ഴ്​​സി​റ്റി ചാ​മ്പ്യ​ൻ​ഷി​പ്പി​ലും ജൂ​നി​യ​ർ നാ​ഷ​ന​ലി​ലും പ​വ​ർ​ലി​ഫ്​​റ്റി​ങ്ങി​ൽ ദേ​ശീ​യ റെ​ക്കോ​ഡ്​ കു​റി​ച്ചി​ട​ത്തു​നി​ന്ന്​ ജീ​വി​ത പ്രാ​ര​ബ്​​ധ​ങ്ങ​ൾ തോ​ളി​ലേ​റ്റി വ​ഴി​മാ​റി​യ​താ​ണ് നെ​ടു​മ​ങ്ങാ​ട്​ സ്വ​ദേ​ശി​യാ​യ എം. ​നി​ഖി​ലേ​ഷ്. ജീ​വി​തം പു​തു​വ​ഴി​യി​ൽ നീ​ങ്ങ​വെ, മ​ക്ക​ളാ​യ നി​ഖി​ത​യും നീ​ര​ജും അ​ച്ഛ​നെ​പോ​ലെ ഭാ​ര​മു​യ​ർ​ത്താ​നു​ള്ള തീ​രു​മാ​നം എ​ടു​ത്ത​​താ​ണ് വ​ഴി​ത്തി​രി​വ്. അ​ച്ഛ​ൻ പ​രി​ശീ​ല​ക​നാ​യ​തോ​ടെ ഇ​ന്ന്​ നി​ഖി​ത അ​ന്താ​രാ​ഷ്​​ട്ര​ത​ല​ത്തി​ൽ ഇ​ന്ത്യ​യെ പ്ര​തി​നി​ധീ​ക​രി​ക്കു​ന്ന പ​വ​ർ​ലി​ഫ്​​റ്റി​ങ്​ താ​ര​മാ​ണ്. ആ ​വ​ഴി​യി​ലാ​ണ്​ നീ​ര​ജും.

ക​ഴി​ഞ്ഞ​വ​ർ​ഷം വെ​ങ്ക​ല​ത്തി​ൽ ഒ​തു​ങ്ങി​യ​ത്​ സ്വ​ർ​ണ​മാ​ക്കു​മെ​ന്ന്​ ഉ​റ​പ്പി​ച്ച്​ ന​ട​ത്തി​യ പ​രി​ശ്ര​മ​മാ​ണ്​ വി​ജ​യം ക​ണ്ട​ത്. ക​ടു​ത്ത മ​ത്സ​രം ന​ട​ന്ന ​വേ​ദി​യി​ൽ സ്ക്വാ​ട്ടി​ലും ബെ​ഞ്ച്​ പ്ര​സി​ലും ഡെ​ഡ്​​ലി​ഫ്​​റ്റി​ലു​മാ​യി 542.5 കി​ലോ​ഗ്രാം ഉ​യ​ർ​ത്തി​യാ​ണ്​ നീ​ര​ജ്​ സ്വ​ർ​ണ​മ​ണി​ഞ്ഞ​ത്. നെ​ടു​മ​ങ്ങാ​ട്​ വേ​ട്ട​മ്പ​ള്ളി കു​ണ്ട​റ കു​ഴി​യി​ൽ അ​മ്മ​വീ​ട്ടി​ൽ നി​ഖി​ലേ​ഷി​നും ഭാ​ര്യ ദി​വ്യ​ക്കും മ​ക​ന്‍റെ ഈ ​സ്വ​ർ​ണം ഏ​റെ സ്​​പെ​ഷ​ലാ​ണ്. ആ​നാ​ട് എ​സ്.​എ​ൻ.​വി.​എ​ച്ച്.​എ​സ്. എ​സി​ലെ പ്ല​സ്​ വ​ൺ വി​ദ്യാ​ർ​ഥി​യാ​ണ് നീ​ര​ജ്.