ഗ​ർ​ഭ​സ്ഥ ശി​ശു​വി​ന്‍റെ മ​ര​ണം: അ​സ്വാ​ഭാ​വി​ക മ​ര​ണ​ത്തി​ന് കേ​സ്

കാ​ട്ടാ​ക്ക​ട: ചൂ​ണ്ടു​പ​ല​ക​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രു​ന്ന യു​വ​തി​യു​ടെ ഗ​ർ​ഭ​സ്ഥ ശി​ശു മ​രി​ച്ച സം​ഭ​വ​ത്തി​ൽ കാ​ട്ടാ​ക്ക​ട പൊ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്തു. കാ​ട്ടാ​ക്ക​ട കി​ള്ളി തൊ​ളി​ക്കോ​ട്ടു​കോ​ണം വീ​ട്ടി​ൽ ഫാ​ത്തി​മ മി​ന്ന​ത്തി​ന്റെ കു​ട്ടി മ​രി​ച്ച​തി​നെ​തു​ട​ര്‍ന്ന് ഭ​ര്‍ത്താ​വ് സെ​യ്യ​ദ് അ​ലി ന​ല്‍കി​യ പ​രാ​തി​യെ​തു​ട​ര്‍ന്നാ​ണ് കേ​സെ​ടു​ത്ത​ത്. ഗ​ർ​ഭ​സ്ഥ ശി​ശു മ​രി​ച്ച സം​ഭ​വ​ത്തി​ൽ ഞാ​യ​റാ​ഴ്ച സ്വ​കാ​ര്യ ആ​ശു​പ​ത്രി​യി​ൽ ബ​ന്ധു​ക്ക​ൾ പ്ര​തി​ഷേ​ധി​ച്ചു. തു​ട​ർ​ന്ന് ചി​കി​ത്സാ പി​ഴ​വെ​ന്ന് ആ​രോ​പി​ച്ച് പ​രാ​തി ന​ൽ​കി​യ​ത്. ആ​ശു​പ​ത്രി​യു​ടെ ഭാ​ഗ​ത്താ​ണ് പി​ഴ​വു​ണ്ടാ​യ​തെ​ന്ന് ക​ണ്ടെ​ത്തി​യാ​ൽ മേ​ല്‍ന​ട​പ​ടി​യെ​ടു​ക്കു​മെ​ന്നും പൊ​ലീ​സ് പ​റ​ഞ്ഞു.

ആ​ഴ്ച​ക​ളാ​യി ചൂ​ണ്ടു​പ​ല​ക​യി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലി​രു​ന്ന ഏ​ഴ് മാ​സം ഗ​ർ​ഭി​ണി​യാ​യി​രു​ന്ന പെ​ൺ​കു​ട്ടി​യെ ഞാ​യ​റാ​ഴ്ച പു​ല​ർ​ച്ച​യാ​ണ് എ​സ്.​എ.​ടി ആ​ശു​പ​ത്രി​യി​ലേ​ക്ക് റ​ഫ​ർ ചെ​യ്ത​ത്. അ​വി​ടെ എ​ത്തി​യ​പ്പോ​ൾ കു​ഞ്ഞ് ര​ണ്ട് മ​ണി​ക്കൂ​റു​ക​ൾ​ക്ക് മു​മ്പ് മ​രി​ച്ച​താ​യി ഡോ​ക്ട​ർ അ​റി​യി​ച്ച​താ​യി ബ​ന്ധു​ക്ക​ൾ പ​റ​യു​ന്നു. ഗ​ർ​ഭാ​വ​സ്ഥ​യി​ൽ കു​ഞ്ഞ് മ​രി​ച്ച വി​വ​രം ബ​ന്ധു​ക്ക​ളി​ൽ​നി​ന്ന് മ​റ​ച്ചു​വെ​ച്ച​താ​യും കു​ട്ടി മ​രി​ച്ച​തി​ൽ ചി​കി​ത്സാ പി​ഴ​വു​ണ്ടെ​ന്നും ബ​ന്ധു​ക്ക​ള്‍ ആ​രോ​പി​ക്കു​ന്നു.