വിവാദങ്ങൾക്കും സംഘർഷങ്ങൾക്കും ഒടുവിൽ മുതലപ്പൊഴിയിൽ ഡ്രഡ്ജിങ്​ പുനരാരംഭിച്ചു

ചി​റ​യി​ൻ​കീ​ഴ്: വി​വാ​ദ​ങ്ങ​ൾ​ക്കും സം​ഘ​ർ​ഷ​ങ്ങ​ൾ​ക്കും ഒ​ടു​വി​ൽ മു​ത​ല​പ്പൊ​ഴി​യി​ൽ ഡ്ര​ഡ്ജി​ങ്​ പു​ന​രാ​രം​ഭി​ച്ചു. മ​ത്സ്യ​ത്തൊ​ഴി​ലാ​ളി​ക​ളു​ടെ കൈ​വി​ട്ട സ​മ​ര​വും ജീ​വ​ന​ക്കാ​രു​ടെ നി​സ്സ​ഹ​ക​ര​ണ സ​മ​ര​വും തീ​ർ​ത്ത പ്ര​തി​സ​ന്ധി​ക​ൾ​ക്കൊ​ടു​വി​ൽ ക​ഴി​ഞ്ഞ​ദി​വ​സം ന​ട​ന്ന ഒ​ത്തു​തീ​ർ​പ്പ്​ ച​ർ​ച്ച​യി​ലെ തീ​രു​മാ​ന​ങ്ങ​ൾ​ക്ക് അ​നു​സൃ​ത​മാ​യി മു​ത​ല​പ്പൊ​ഴി​യി​ൽ മ​ണ​ൽ​നീ​ക്കം പൂ​ർ​ണ​തോ​തി​ൽ ആ​രം​ഭി​ച്ചു.

ച​ന്ദ്ര​ഗി​രി ഡ്ര​ഡ്ജ​ർ ഉ​പ​യോ​ഗി​ച്ച് മ​ണ​ൽ പ​മ്പ് ചെ​യ്ത് മാ​റ്റി​ത്തു​ട​ങ്ങി. ഇ​തോ​ടൊ​പ്പം മൂ​ന്ന് ലോ​ങ്​ ബൂം ​എ​ക്സ്ക​വേ​റ്റ​റു​ക​ളും ഉ​പ​യോ​ഗി​ക്കു​ന്നു. എ​ക്സ്ക​വേ​റ്റ​റു​ക​ൾ പൊ​ഴി​മു​ഖ​ത്ത് അ​ടി​ഞ്ഞ മ​ണ​ൽ കോ​രി​മാ​റ്റു​ന്ന​തി​നാ​ണ് ഉ​പ​യോ​ഗി​ക്കു​ന്ന​ത്. ചാ​ന​ലി​ന്റെ വ​ട​ക്ക് ചി​ത​റി​ക്കി​ട​ക്കു​ന്ന ടെ​ട്രാ പോ​ഡു​ക​ൾ നീ​ക്കം​ചെ​യ്യു​ന്ന​ത് വ്യാ​ഴാ​ഴ്ച ആ​രം​ഭി​ക്കു​മെ​ന്ന് അ​റി​യി​ച്ചി​ട്ടു​ണ്ട്.

അ​തി​നു​ള്ള യ​ന്ത്ര​സാ​മ​ഗ്രി​ക​ൾ ല​ഭ്യ​മാ​ക്കാ​ൻ ഹാ​ർ​ബ​ർ എ​ൻ​ജി​നീ​യ​റി​ങ് വ​കു​പ്പ് ശ്ര​മം ആ​രം​ഭി​ച്ചു. ഒ​രു ലോ​ങ്​ ബൂം ​എ​ക്സ്ക​വേ​റ്റ​ർ കൂ​ടി എ​ത്തി​ക്കും. ര​ണ്ടു ഡ്ര​ഡ്ജ​റും ഒ​രേ​സ​മ​യം പ്ര​വ​ർ​ത്തി​പ്പി​ച്ച് മ​ണ്ണ് നീ​ക്കം ചെ​യ്യ​ണ​മെ​ന്ന് ജി​ല്ല ക​ല​ക്ട​റു​ടെ സാ​ന്നി​ധ്യ​ത്തി​ലു​ള്ള ച​ർ​ച്ച​യി​ൽ സ​മ​ര​സ​മി​തി ആ​വ​ശ്യ​പ്പെ​ട്ടി​രു​ന്നു. ക​രാ​ർ കാ​ലാ​വ​ധി ക​ഴി​ഞ്ഞ, ചേ​റ്റു​വ ഹാ​ർ​ബ​റി​ൽ​നി​ന്ന്​ എ​ത്തി​ച്ച ഡ്ര​ഡ്ജ​റി​ന്റെ കാ​ലാ​വ​ധി നീ​ട്ടി പു​തി​യ വ​ർ​ക്ക് ഓ​ർ​ഡ​ർ ന​ൽ​കു​ന്ന​ത് ചേ​റ്റു​വ എം.​എ​ൽ.​എ​യു​മാ​യി ച​ർ​ച്ച ന​ട​ത്തി മാ​ത്ര​മേ തീ​രു​മാ​നി​ക്കാ​ൻ ക​ഴി​യൂ. എം.​എ​ൽ.​എ അ​നു​വ​ദി​ച്ചാ​ൽ ക​രാ​ർ പു​തു​ക്കി ന​ൽ​കും.

എ​ന്നാ​ൽ, അ​വി​ടെ മ​ണ​ൽ അ​ടി​യു​ന്ന പ്ര​ശ്നം നേ​രി​ടു​ന്ന​തി​നാ​ൽ അ​ടി​യ​ന്ത​ര​മാ​യി ല​ഭ്യ​മാ​ക്ക​ണ​മെ​ന്നാ​ണ് എം.​എ​ൽ.​എ ആ​വ​ശ്യ​പ്പെ​ടു​ന്ന​ത്. ഈ ​വി​ഷ​യം ച​ർ​ച്ച​ചെ​യ്ത് സ​മ​വാ​യ​ത്തി​ൽ എ​ത്തേ​ണ്ട​തു​ണ്ട്. ഡ്ര​ഡ്ജി​ങ് പു​ന​രാ​രം​ഭി​ച്ച​തി​ൽ സ​മ​ര​സ​മി​തി ചെ​യ​ർ​മാ​ൻ ചാ​ന്നാ​ങ്ക​ര സു​ലൈ​മാ​ൻ സ​ന്തോ​ഷം പ്ര​ക​ടി​പ്പി​ച്ചു.