കേ​ന്ദ്ര സ​ഹാ​യ​മു​ണ്ടായിട്ടും ച​ല​ന​വൈ​ക​ല്യ രോഗികൾക്ക്​ ശ്രീചിത്രയിൽ സൗജന്യ ചികിത്സ കിട്ടുന്നില്ല; കൈ​മ​ല​ർ​ത്തി അ​ധി​കൃ​ത​ർ

തി​രു​വ​ന​ന്ത​പു​രം: പാ​ർ​ക്കി​ൻ​സ​ൺ​സ്, ഡി​സ്റ്റോ​ണി​യ തു​ട​ങ്ങി ഗു​രു​ത​ര ച​ല​ന​വൈ​ക​ല്യം ബാ​ധി​ച്ച നി​ർ​ധ​ന​രോ​ഗി​ക​ൾ​ക്ക്​ ശ്രീ ​ചി​ത്ര​തി​രു​നാ​ൾ ഇ​ൻ​സ്റ്റി​റ്റ്യൂ​ട്ട് ഫോ​ർ മെ​ഡി​ക്ക​ൽ സ​യ​ൻ​സ് ചി​കി​ത്സ നി​ഷേ​ധി​ക്കു​ന്നെ​ന്ന്​ പ​രാ​തി. ത​ല​ച്ചോ​റി​ൽ ന​ട​ത്തു​ന്ന ശ​സ്​​ത്ര​ക്രി​യ​ക്ക്​15 ല​ക്ഷ​ത്തോ​ളം രൂ​പ​യാ​ണ് ചെ​ല​വ്.

കേ​ന്ദ്ര സ​ർ​ക്കാ​റി​ന്റെ രാ​ഷ്ട്രീ​യ ആ​രോ​ഗ്യ​നി​ധി പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ർ​ധ​ന രോ​ഗി​ക​ൾ​ക്ക് സൗ​ജ​ന്യ​മാ​യാ​ണ് ചെ​യ്തി​രു​ന്ന​ത്. 2019ന് ​ശേ​ഷം അ​പേ​ക്ഷ സ​മ​ർ​പ്പി​ക്ക​ൽ ഉ​ൾ​പ്പെ​ടെ ഓ​ൺ​ലൈ​നാ​ക്കി​യ​തോ​ടെ പ​ദ്ധ​തി ത​കി​ടം​മ​റി​ഞ്ഞു. അ​പേ​ക്ഷ ആ​ശു​പ​ത്രി സ​മ​ർ​പ്പി​ക്കു​മെ​ങ്കി​ലും കേ​ന്ദ്ര​ത്തി​ന്റെ അ​പ്രൂ​വ​ൽ കി​ട്ടി​യി​ല്ലെ​ന്ന്​ പ​റ​ഞ്ഞാ​ണ് നീ​ട്ടി​ക്കൊ​ണ്ടു​പോ​കു​ന്ന​ത​ത്രെ.

രേ​ഖ​ക​ൾ സ​മ​ർ​പ്പി​ക്കു​ന്ന​തി​ലെ ഉ​ദ്യോ​ഗ​സ്ഥ​ത​ല വീ​ഴ്ച​യാ​ണ് കാ​ര​ണ​മെ​ന്നാ​ണ് ആ​ക്ഷേ​പം. ജീ​വ​ൻ അ​പ​ക​ട​ത്തി​ലാ​ക്കു​ന്ന രോ​ഗ​ങ്ങ​ൾ​ക്കും കാ​ൻ​സ​റി​നു​മാ​യി എ​യിം​സ് ഉ​ൾ​പ്പെ​ടെ രാ​ജ്യ​ത്തെ ചു​രു​ക്കം ആ​ശു​പ​ത്രി​ക​ൾ​ക്ക് മാ​ത്ര​മാ​യി 2009ലാ​ണ് പ​ദ്ധ​തി ആ​രം​ഭി​ച്ച​ത്. പ​ദ്ധ​തി​പ്ര​കാ​രം പ്ര​തി​വ​ർ​ഷം 50 ല​ക്ഷം രൂ​പ കേ​ന്ദ്രം ആ​ശു​പ​ത്രി​ക്ക് ന​ൽ​കാ​റു​ണ്ട്. ചെ​ല​വാ​കു​ന്ന​ത​നു​സ​രി​ച്ച് രേ​ഖ​ക​ൾ കൃ​ത്യ​മാ​യി സ​മ​ർ​പ്പി​ച്ചാ​ൽ തു​ട​ർ​ന്നും ല​ഭ്യ​മാ​ക്കും.

ഇ​തി​ൽ​നി​ന്ന് ആ​ശു​പ​ത്രി സൂ​പ്ര​ണ്ടി​ന് ര​ണ്ടു​ല​ക്ഷം വ​രെ കേ​ന്ദ്ര അ​നു​മ​തി​യി​ല്ലാ​തെ ന​ൽ​കാ​ൻ അ​ധി​കാ​ര​മു​ണ്ടെ​ങ്കി​ലും സാ​ങ്കേ​തി​ക പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി അ​നു​വ​ദി​ക്കു​ന്നി​ല്ലെ​ന്നാ​ണ് പ​രാ​തി. ഗു​രു​ത​ര ച​ല​ന​വൈ​ക​ല്യ​മു​ള്ള​വ​ർ​ക്ക് മ​രു​ന്ന് ഫ​ലി​ച്ചി​ല്ലെ​ങ്കി​ൽ ത​ല​ച്ചോ​റി​ലേ​ക്ക് വൈ​ദ്യു​തി ക​ട​ത്തി​വി​ടു​ന്ന ‘ന്യൂ​റോ സ്റ്റി​മു​ലേ​ഷ​ൻ’ ശ​സ്ത്ര​ക്രി​യ​യാ​ണ് പ്ര​തി​വി​ധി. ‌നെ​ഞ്ചി​നു​ള്ളി​ൽ ബാ​റ്റ​റി ഘ​ടി​പ്പി​ച്ച് അ​തി​ന്‍റെ വ​യ​ർ ത​ല​ച്ചോ​റി​ലേ​ക്ക് ക​ട​ത്തി​വി​ടു​ന്ന​താ​ണി​ത്.