അടിയന്തരാവസ്ഥ പോരാട്ടത്തിലെ പങ്കിനെച്ചൊല്ലി സി.പി.എമ്മും ബി.ജെ.പിയും തമ്മിൽ വാക്ക്​പോര്

തി​രു​വ​ന​ന്ത​പു​രം: ഇ​ന്ത്യാ​ച​രി​ത്ര​ത്തി​ലെ ക​റു​ത്ത അ​ധ്യാ​യ​മെ​ന്ന്​ അ​ടി​യ​ന്ത​രാ​വ​സ്ഥ​യെ വി​ശേ​ഷി​പ്പി​ച്ച സി.​പി.​എ​മ്മും ബി.​ജെ.​പി​യും അ​തി​നെ​തി​രെ ന​ട​ത്തി​യ പോ​രാ​ട്ട​​ത്തെ​ച്ചൊ​ല്ലി വാ​ക്ക്​​​പോ​രി​ൽ. അ​ടി​യ​ന്ത​രാ​വ​സ്ഥ വി​രു​ദ്ധ പോ​രാ​ട്ട​ത്തി​ൽ ആ​ർ.​എ​സ്.​എ​സി​ന്​​ പ​ങ്കി​ല്ലെ​ന്ന​ സി.​പി.​എ​മ്മി​ന്‍റെ​യും, സി.​പി.​എ​മ്മി​ന്​ പ​ങ്കി​ല്ലെ​ന്ന​​ സം​ഘ്​​പ​രി​വാ​റി​ന്‍റെ​യും ​സൈ​ബ​റി​ട​ങ്ങ​ളി​ൽ തു​ട​ങ്ങി​യ പ​ഴി​ചാ​ര​ലു​ക​ളാ​ണ്​ നേ​താ​ക്ക​ളു​ടെ വാ​ക്ക്​​​പോ​രാ​യി​ മാ​റി​യ​ത്.

അ​ടി​യ​ന്ത​രാ​വ​സ്ഥ​ക്കു​ശേ​ഷം ന​ട​ന്ന തെ​ര​ഞ്ഞെ​ടു​പ്പി​ൽ സി.​പി.​എ​മ്മും ആ​ർ.​എ​സ്.​എ​സും ഒ​രു​മി​ച്ച്​ പ്ര​വ​ർ​ത്തി​ച്ചെ​ന്ന സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍റെ വി​വാ​ദ പ്ര​സ്താ​വ​ന​യോ​ടെ​യാ​യി​രു​ന്നു ​സൈ​ബ​റി​ട​ങ്ങ​ളി​ലെ ച​ർ​ച്ച. എ​ന്നാ​ൽ ഗോ​വി​ന്ദ​ന്‍റെ വാ​ക്കു​ക​ൾ തി​രു​ത്തി​യ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, ആ​ർ.​എ​സ്.​എ​സും സി.​പി.​എ​മ്മും കൂ​ട്ടു​കൂ​ടി​യി​ട്ടി​ല്ലെ​ന്ന്​ വ്യ​ക്​​ത​മാ​ക്കി​യ​തി​നൊ​പ്പം ആ​ർ.​എ​സ്.​എ​സ്​ അ​ടി​യ​ന്ത​രാ​വ​സ്ഥ വി​രു​ദ്ധ സ​മ​ര​ത്തി​ൽ പ​ങ്കു​വ​ഹി​ച്ചി​ല്ലെ​ന്നും പ​റ​ഞ്ഞി​രു​ന്നു.

ഇ​തി​നെ വി​മ​ർ​ശി​ച്ച്​ ബി.​ജെ.​പി മു​ൻ സം​സ്ഥാ​ന പ്ര​സി​ഡ​ന്‍റും ഗോ​വ ഗ​വ​ർ​ണ​റു​മാ​യ പി.​എ​സ്. ശ്രീ​ധ​ര​ൻ​പി​ള്ള രം​ഗ​ത്തെ​ത്തി. അ​ടി​യ​ന്ത​രാ​വ​സ്ഥ​ക്കാ​ല​ത്ത്​ അ​ന്ന​ത്തെ നി​യ​മ​ങ്ങ​ൾ​ക്ക്​ വി​ധേ​യ​മാ​യി മാ​ത്ര​മാ​ണ്​ സി.​പി.​എം പ്ര​വ​ർ​ത്തി​ച്ച​​തെ​ന്ന്​ ഇ.​എം.​എ​സ്​ ‘ക​മ്യൂ​ണി​സ്​​റ്റ്​ പാ​ർ​ട്ടി കേ​ര​ള​ത്തി​ൽ’ എ​ന്ന പു​സ്ത​ക​ത്തി​ൽ എ​ഴു​തി​യ​ത്​ മു​ഖ്യ​മ​ന്ത്രി വാ​യി​ക്ക​ണം. സം​സ്ഥാ​ന​ത്ത്​ ആ​ർ.​എ​സ്.​എ​സ്​ ഒ​ഴി​കെ ആ​രും അ​ടി​യ​ന്ത​രാ​വ​സ്ഥ​ക്കെ​തി​രെ രം​ഗ​ത്തു​വ​ന്നി​ട്ടി​ല്ല.

ആ​ർ.​എ​സ്.​എ​സി​ന്‍റെ പ​ങ്ക്​ ത​ള്ളി​യ മു​ഖ്യ​മ​ന്ത്രി​ക്ക്​ വി​ഷാ​ദം ബാ​ധി​ച്ചെ​ന്ന്​ സം​ശ​യി​ക്ക​ണ​മെ​ന്നു​മാ​യി​രു​ന്നു കാ​സ​ർ​കോ​ട്ട്​ അ​ടി​യ​ന്ത​രാ​വ​സ്ഥ വാ​ർ​ഷി​ക പ​രി​പാ​ടി​യി​ൽ അ​ദ്ദേ​ഹം പ​റ​ഞ്ഞ​ത്. മു​ഖ്യ​മ​ന്ത്രി​ക്ക്​ മ​റു​പ​ടി ന​ൽ​കാ​ത്ത ബി.​ജെ.​പി നേ​തൃ​ത്വ​ത്തെ​യും പി​ള്ള പ​രോ​ക്ഷ​മാ​യി വി​മ​ർ​ശി​ച്ചി​രു​ന്നു.

പി​ന്നാ​ലെ ശ്രീ​ധ​ര​ൻ പി​ള്ള​യു​ടെ വാ​ക്കു​ക​ളെ വി​മ​ർ​ശി​ച്ച്​​ സി.​പി.​എം ജ​ന​റ​ൽ സെ​ക്ര​ട്ട​റി എം.​എ. ബേ​ബി​യെ​ത്തി. അ​ടി​യ​ന്ത​രാ​വ​സ്ഥ​ക്കെ​തി​രെ​യോ അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ച ഇ​ന്ദി​ര ഗാ​ന്ധി​ക്കെ​തി​രെ​യോ ആ​ർ.​എ​സ്.​എ​സ്​ സ​മ​രം ​ചെ​യ്തി​ല്ലെ​ന്നും ​അ​ത്ത​രം​ പ്ര​ചാ​ര​ണം ശ​രി​യ​ല്ലെ​ന്നു​മാ​ണ്​ എ.​കെ.​ജി പ​ഠ​ന​ഗ​വേ​ഷ​ണ കേ​ന്ദ്രം സം​ഘ​ടി​പ്പി​ച്ച സെ​മി​നാ​റി​ൽ​ ബേ​ബി പ​റ​ഞ്ഞ​ത്. അ​ടി​യ​ന്ത​രാ​വ​സ്ഥ​യെ സ്വാ​ഗ​തം ചെ​യ്ത്​ ആ​ർ.​എ​സ്.​എ​സ്​ സ​ർ​സം​ഘ്​​ചാ​ല​ക്​ ബാ​ലാ​സ​ഹേ​ബ്​ ദേ​വ​ര​സ്​ ഇ​ന്ദി​ര​ക്ക്​ ക​ത്തെ​ഴു​തി.

ആ​ർ.​എ​സ്.​എ​സ്​ നി​രോ​ധ​നം നീ​ക്കി​യാ​ൽ ഇ​രു​പ​തി​ന ക​ർ​മ​പ​ദ്ധ​തി വി​ജ​യി​പ്പി​ക്കാ​മെ​ന്നും അ​റി​യി​ച്ചു. ആ​ർ.​എ​സ്.​എ​സി​ന്‍റെ അ​ടി​സ്ഥാ​നം സേ​ച്ഛാ​ധി​പ​ത്യ​മാ​ണെ​ന്നി​രി​ക്കെ അ​വ​രെ​ങ്ങ​നെ​യാ​ണ്​ ജ​നാ​ധി​പ​ത്യ​ത്തി​നാ​യി നി​ല​കൊ​​ണ്ടെ​ന്ന്​ പ​റ​യു​ക​യെ​ന്നും ബേ​ബി ചോ​ദി​ച്ചു. ​വെ​ള്ളി​യാ​ഴ്ച തി​രു​വ​ന​ന്ത​പു​രം, പ​ത്ത​നം​തി​ട്ട, എ​റ​ണാ​കു​ളം എ​ന്നി​വി​ട​ങ്ങ​ളി​ൽ കേ​ന്ദ്ര​മ​ന്ത്രി​മാ​രെ​യ​ട​ക്കം പ​​ങ്കെ​ടു​പ്പി​ച്ച്​ ന​ട​ത്തു​ന്ന അ​ടി​യ​ന്ത​രാ​വ​സ്ഥ വാ​ർ​ഷി​ക​ത്തി​ൽ സി.​പി.​എ​മ്മി​ന്‍റെ വി​മ​ർ​ശ​ന​ത്തി​ന്​ ബി.​ജെ.​പി​യു​ടെ മ​റു​പ​ടി​യു​ണ്ടാ​കു​മെ​ന്നാ​ണ്​ വി​വ​രം.