പ്രഖ്യാപനത്തിലൊതുങ്ങി അരുവിക്കര ടൂറിസം പദ്ധതി

കാ​ട്ടാ​ക്ക​ട: മാ​റ​ന​ല്ലൂ​ര്‍ അ​രു​വി​ക്ക​ര ടൂ​റി​സം പ​ദ്ധ​തി പ്ര​ഖ്യാ​പ​ന​ങ്ങ​ളി​ലൊ​തു​ങ്ങി. നാ​ട്ടു​കാ​രു​ടെ​യും വി​വി​ധ സം​ഘ​ട​ന​ക​ളു​ടെ​യും നി​ര​ന്ത​ര ആ​വ​ശ്യ​ങ്ങ​ള്‍ക്കൊ​ടു​വി​ലാ​ണ് അ​രു​വി​ക്ക​ര​യെ ടൂ​റി​സം പ​ദ്ധ​തി​യി​ലു​ള്‍പ്പെ​ടു​ത്തി​യ​ത്. നാ​ലു​വ​ര്‍ഷം മു​മ്പ് പ​ദ്ധ​തി ത​യ്യാ​റാ​ക്കി ന​ല്‍കി​യെ​ങ്കി​ലും ഇ​തേ​വ​രെ വെ​ളി​ച്ചം ക​ണ്ടി​ല്ല. അ​രു​വി​ക്ക​ര​യി​ല്‍ റോ​പ്പ് വേ, ​ത​ത്തു​പാ​റ വ്യൂ ​പോ​യ​ന്‍റ്, നെ​യ്യാ​റി​ല്‍ പാ​റ​ക​ള്‍ക്ക് മു​ക​ളി​ലാ​യി ക​ല്‍മ​ണ്ഡ​പം, കു​ട്ട​വ​ഞ്ചി, സോ​ളാ​ര്‍ ബോ​ട്ട്, അ​രു​വി​ക്ക​ര മു​ത​ല്‍ കാ​മ​ത്തോ​ട് വ​രെ ന​ട​ന്നു പോ​കു​ന്ന​തി​ന് ത​റ​യോ​ട് പാ​കി​യ ന​ട​പ്പാ​ത എ​ന്നി​വ​യാ​ണ് അ​രു​വി​ക്ക​ര ടൂ​റി​സം പ​ദ്ധ​തി​ക്കാ​യി ഉ​ള്‍പ്പെ​ടു​ത്തി​യ​ത്.

പ​ദ്ധ​തി യാ​ഥാ​ർ​ഥ്യ​മാ​ക്കു​ന്ന​തി​നാ​യി ടൂ​റി​സം വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​ര്‍ ഉ​ള്‍പ്പെ​ട്ട സം​ഘം അ​രു​വി​ക്ക​ര​യി​ലെ​ത്തി പ​ഠ​ന​ങ്ങ​ള്‍ ന​ട​ത്തി. അ​തി​നു​ശേ​ഷം അ​രു​വി​ക്ക​ര ടൂ​റി​സം പ​ദ്ധ​തി​യു​ടെ പ്ര​ഖ്യാ​പ​ന​വു​മു​ണ്ടാ​യി. എ​ന്നാ​ല്‍ പി​ന്നീ​ട്​ ഒ​ന്നും ന​ട​ന്നി​ല്ല. ബ​ലി​ത​ര്‍പ്പ​ണം ന​ട​ത്താ​ന്‍ അ​രു​വി​ക്ക​ര​യി​ല്‍ ആ​യി​ര​ങ്ങ​ളാ​ണ് എ​ത്തു​ന്ന​ത്. എ​ന്നാ​ല്‍ പ്രാ​ഥ​മി​ക സു​ര​ക്ഷാ സം​വി​ധാ​ന​ങ്ങ​ള്‍ പോ​ലും ഒ​രു​ക്കി​യി​ട്ടി​ല്ലെ​ന്ന​താ​ണ് വ​സ്തു​ത. നെ​യ്യാ​റി​ലെ ബ​ലി​ത​ര്‍പ്പ​ന​യി​ട​ങ്ങ​ളി​ല്‍ ഒ​രു ക​യ​ര്‍ മാ​ത്ര​മാ​ണ് സു​ര​ക്ഷ​ക്കാ​യി സ​ജ്ജീ​ക​രി​ച്ചി​രി​ക്കു​ന്ന​ത്. നെ​യ്യാ​റി​ലെ പാ​റ​ക്കെ​ട്ടു​ക​ള്‍ക്ക് ന​ടു​വി​ല്‍ ഇ​രു​മ്പു​വേ​ലി നി​ര്‍മ്മി​ച്ച് പ​രി​ഹാ​ര​മു​ണ്ടാ​ക്കു​മെ​ന്ന് പ്ര​ഖ്യാ​പ​ന​മു​ണ്ടാ​യെ​ങ്കി​ലും ഇ​തു​വ​രെ ന​ട​ന്നി​ല്ല.

സി​നി​മാ-​സീ​രി​യ​ല്‍ നി​ര്‍മ്മാ​ത​ക്ക​ളു​ടെ പ്ര​ധാ​ന ലൊ​ക്കേ​ഷ​നാ​ണ് അ​രു​വി​ക്ക​ര. നെ​യ്യാ​റി​ന്റെ സൗ​ന്ദ​ര്യം ആ​സ്വ​ദി​ക്കാ​ന്‍ നി​ര​വ​ധി പേ​രാ​ണ് ഏ​ത്തു​ന്ന​ത്. എ​ന്നാ​ല്‍ ഇ​വി​ടെ​യെ​ത്തു​ന്ന സ​ഞ്ചാ​രി​ക​ള്‍ പാ​റ​ക്കെ​ട്ടും നെ​യ്യാ​റി​ന് കു​റു​കെ നി​ര്‍മ്മി​ച്ച ചെ​ക്ക്ഡാ​മും ക​ണ്ടാ​ണ് മ​ട​ക്കം. ടൂ​റി​സം പ​ദ്ധ​തി യാ​ഥാ​ർ​ഥ്യ​മാ​യി​ല്ല​ങ്കി​ലും അ​ടു​ത്തി​ടെ ബ്ലോ​ക്ക് പ​ഞ്ചാ​യ​ത്തി​ന്റെ അ​ഞ്ചു​ല​ക്ഷം രൂ​പ വി​നി​യോ​ഗി​ച്ച്​ അ​രു​വി​ക്ക​ര ജ​ങ്​​ഷ​നു സ​പീ​പം ഹാ​പ്പി​ന​സ് പാ​ര്‍ക്ക് നി​ര്‍മ്മി​ച്ച​ത് മാ​ത്ര​മാ​ണ് ഇ​വി​ടെ​യു​ണ്ടാ​യ ഏ​ക വി​ക​സ​നം. കു​ട്ടി​ക​ള്‍ക്കാ​വ​ശ്യ​മാ​യ ക​ളി​കോ​പ്പു​ക​ള്‍ സ്ഥാ​പി​ക്കു​മെ​ന്ന് അ​റി​യി​ച്ചെ​ങ്കി​ലും അ​തും ന​ട​ന്നി​ല്ല.