അമ്പലമുക്ക്​ വിനീത കൊലക്കേസ്​; നാടിനെ നടുക്കിയ കൊലപാതകം

തി​രു​വ​ന​ന്ത​പു​രം: 2022 ഫെ​ബ്രു​വ​രി ആ​റ് ഞാ​യ​റാ​ഴ്ച​യാ​യി​രു​ന്നു ത​ല​സ്ഥാ​ന ന​ഗ​ര​ത്തെ ന​ടു​ക്കി​യ സം​ഭ​വം. ക​ടു​ത്ത ലോ​ക്ഡൗ​ൺ നി​യ​ന്ത്ര​ണ​ങ്ങ​ൾ ഉ​ള്ള​പ്പോ​ഴാ​ണ് രാ​ജേ​ന്ദ്ര​ൻ പ​ട്ടാ​പ്പ​ക​ൽ വി​നീ​ത​യെ ന​ഗ​ര ഹൃ​ദ​യ​ത്തി​ൽ വെ​ട്ടി​കൊ​ല​പ്പെ​ടു​ത്തി​യ​ത്. വി​നീ​ത​യു​ടെ നാ​ല​ര പ​വ​ൻ സ്വ​ർ​ണ​മാ​ല ക​വ​രു​ന്ന​തി​നാ​യാ​ണ് പ്ര​തി ക്രൂ​ര​കൃ​ത്യം ന​ട​ത്തി​യ​ത്. ഇ​യാ​ൾ പേ​രൂ​ർ​ക്ക​ട ഭാ​ഗ​ത്തെ ഹോ​ട്ട​ലി​ൽ ഒ​രു മാ​സ​ത്തി​ലേ​റെ​യാ​യി ജോ​ലി നോ​ക്കി വ​രി​ക​യാ​യി​രു​ന്നു.

അ​മ്പ​ല​മു​ക്ക് കു​റ​വ​ൻ​കോ​ണം റോ​ഡി​ലെ ‘ടാ​ബ്സ് അ​ഗ്രി ക്ലി​നി​ക്’​എ​ന്ന സ്ഥാ​പ​ന​ത്തി​ലെ ജീ​വ​ന​ക്കാ​രി​യാ​യി​രു​ന്നു വി​നീ​ത. ര​ണ്ടു​വ​ർ​ഷം മു​മ്പ് ഹൃ​ദ്രോ​ഗ ബാ​ധി​ത​നാ​യി ഭ​ർ​ത്താ​വ് മ​രി​ച്ച വി​നീ​ത കൃ​ത്യ​ത്തി​ന് ഒ​മ്പ​ത് മാ​സം മു​മ്പാ​ണ് സ്ഥാ​പ​ന​ത്തി​ൽ ജോ​ലി​ക്കെ​ത്തി​യ​ത്. ചെ​ടി​ക​ൾ​ക്ക് വെ​ള്ള​മൊ​ഴി​ക്കാ​നാ​യി​രു​ന്നു ഞാ​യ​റാ​ഴ്ച സ്ഥാ​പ​ന​ത്തി​ൽ എ​ത്തി​യ​ത്.

ത​മി​ഴ്നാ​ട്ടി​ൽനി​ന്ന് പേ​രൂ​ർ​ക്ക​ട​യി​ലെ ടീ ​സ്റ്റാ​ളി​ൽ ജീ​വ​ന​ക്കാ​ര​നാ​യി​രു​ന്ന രാ​ജേ​ന്ദ്ര​ൻ കൃ​ത്യ​ദി​വ​സം രാ​വി​ലെ 11.30ഓ​ടെ അ​മ്പ​ല​മു​ക്ക് ജ​ങ്ഷ​നി​ൽ നി​ന്ന് കു​റ​വ​ൻ​കോ​ണം റോ​ഡി​ലൂ​ടെ ന​ട​ന്ന് സാ​ന്ത്വ​നം ആ​ശു​പ​ത്രി ജ​ങ്ഷ​നി​ൽ നി​ന്നും അ​മ്പ​ല ന​ഗ​റി​ലേ​ക്ക് തി​രി​യു​ന്ന റോ​ഡ് വ​ഴി ലു​ണീ​ക്ക ഫാ​ഷ​ൻ​സ് കെ​ട്ടി​ട​ത്തി​ന് മു​ന്നി​ലെ റോ​ഡി​ലൂ​ടെ ന​ട​ന്ന് ടാ​ബ്സ് അ​ഗ്രി​ക്ലി​നി​ക് എ​ന്ന സ്ഥാ​പ​ന​ത്തി​ന് മു​ന്നി​ലെ​ത്തി. പ്ര​തി അ​വി​ടെ നി​ന്ന് സ്ഥാ​പ​ന​വും വി​നീ​ത​യു​ടെ​യും നീ​ക്ക​ങ്ങ​ളും വീ​ക്ഷി​ച്ചു.

11.42 ഓ​ടെ ചെ​ടി​ച്ച​ട്ടി വാ​ങ്ങാ​നെ​ന്ന വ്യാ​ജേ​ന ടാ​ബ്സ് അ​ഗ്രി ക്ലി​നി​ക്കി​ൽ ക​യ​റി. ആ​വ​ശ്യ​പ്ര​കാ​രം ചെ​ടി​ച്ച​ട്ടി​ക​ൾ സൂ​ക്ഷി​ച്ച ഷെ​ഡി​ലേ​ക് ക​യ​റി​യ വി​നീ​ത​യു​ടെ പു​റ​കെ രാ​ജേ​ന്ദ്ര​നും ക​യ​റി. അ​വി​ടെ​വെ​ച്ച്​ മൂ​ക്കും വാ​യും പൊ​ത്തി​പി​ടി​ച്ച് രാ​ജേ​ന്ദ്ര​ന്റെ പാ​ന്റി​ന് അ​ടി​യി​ൽ ക​രു​തി​യി​രു​ന്ന ക​ത്തി എ​ടു​ത്ത് വി​നീ​ത​യു​ടെ ക​ഴു​ത്തി​ന്റെ മു​ൻ​വ​ശ​ത്താ​യി തു​രു തു​രെ കു​ത്തി. കൊ​ല​പ്പെ​ടു​ത്തി​യ ശേ​ഷം സ്വ​ർ​ണ​മാ​ല ക​വ​ർ​ന്നു. മൃ​ത​ദേ​ഹം ഷെ​ഡി​ന്റെ മൂ​ല​യി​ലു​ള്ള ത​റ​യി​ൽ മ​ല​ർ​ത്തി കി​ട​ത്തി​യ ശേ​ഷം അ​വി​ടെ​യു​ണ്ടാ​യി​രു​ന്ന മ​ണ​ല​രി​പ്പ​യും ഫ്ല​ക്സ്ഷീ​റ്റും കൊ​ണ്ട് മൂ​ടി ഒ​ളി​പ്പി​ച്ചു.

തു​ട​ർ​ന്ന് 11.54ഓ​ടെ സാ​ന്ത്വ​നം ആ​ശു​പ​ത്രി ജ​ങ്ഷ​നി​ലെ​ത്തി ഓ​ട്ടോ​റി​ക്ഷ​ക്ക് കൈ ​കാ​ണി​ച്ച് നി​ർ​ത്തി ക​യ​റി. മു​ട്ട​ട​ക്ക് സ​മീ​പ​ത്തി​റ​ങ്ങി ര​ക്തം പു​ര​ണ്ട ഷ​ർ​ട്ട്‌ കോ​ർ​പ​റേ​ഷ​ൻ വ​ക അ​ല​പ്പു​റം കു​ള​ത്തി​ൽ ഉ​പേ​ക്ഷി​ച്ചു. ഷ​ർ​ട്ടി​ന​ടി​യി​ലു​ണ്ടാ​യി​രു​ന്ന ടീ ​ഷ​ർ​ട്ടും ധ​രി​ച്ച് ഒ​രു സ്കൂ​ട്ട​റി​ൽ ലി​ഫ്റ്റ് ചോ​ദി​ച്ച് പ​രു​ത്തി​പ്പാ​റ​യി​ലൂ​ടെ ഉ​ള്ളൂ​ർ ഇ​റ​ങ്ങി​യ ശേ​ഷം അ​വി​ടെ നി​ന്ന് മ​റ്റൊ​രു ഓ​ട്ടോ​റി​ക്ഷ​യി​ൽ ക​യ​റി വീ​ണ്ടും കേ​ശ​വ​ദാ​സ​പ്പു​രം വ​ഴി പേ​രൂ​ർ​ക്ക​ട​യി​ലു​ള്ള താ​മ​സ​മു​റി​യി​ലേ​ക്ക് എ​ത്തി. കൊ​ല​പ്പെ​ടു​ത്തു​ന്ന സ​മ​യ​ത്ത് വി​നീ​ത പ്ര​തി​രോ​ധി​ച്ച​തി​ൽ രാ​ജേ​ന്ദ്ര​ന്റെ വ​ല​ത് കൈ​യി​ലും പ​രി​ക്കേ​റ്റി​രു​ന്നു.

കൈ​യി​ലേ​റ്റ മു​റി​വു​ക​ൾ തേ​ങ്ങ ചു​ര​ണ്ടി​യ​തി​ൽ ഉ​ണ്ടാ​യ​താ​ണെ​ന്ന് വ​രു​ത്തി തീ​ർ​ക്കാ​ൻ ഹോ​ട്ട​ൽ ആ​വ​ശ്യ​ത്തി​ന് വേ​ണ്ടി ഉ​പ​യോ​ഗി​ച്ച് കൊ​ണ്ടി​രു​ന്ന ഇ​ല​ക്ട്രി​ക് ചി​ര​വ​യി​ൽ സ്വ​മേ​ധ​യാ വ​ല​ത് കൈ ​വെ​ച്ച് മു​റി​വു​ണ്ടാ​ക്കി.​ശേ​ഷം രാ​ത്രി 7.40ന് ​പേ​രൂ​ർ​ക്ക​ട ജി​ല്ല ആ​ശു​പ​ത്രി​യി​ൽ ചി​കി​ത്സ തേ​ടി.

പി​റ്റേ ദി​വ​സം രാ​വി​ലെ ബാ​ഗു​മെ​ടു​ത്ത് സ്വ​ദേ​ശ​മാ​യ ത​മി​ഴ്നാ​ട് കാ​വ​ൽ​ക്കി​ണ​റി​ലേ​ക്ക് ക​ട​ന്നു. ഫെ​ബ്രു​വ​രി 11ന് ​കാ​വ​ൽ​കി​ണ​റി​ൽ നി​ന്ന് പ്ര​തി​യെ പേ​രൂ​ർ​ക്ക​ട സി.​ഐ സ​ജി​കു​മാ​റി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം ക​സ്റ്റ​ഡി​യി​ൽ എ​ടു​ത്തു. വി​നീ​ത ധ​രി​ച്ചി​രു​ന്ന സ്വ​ർ​ണ​മാ​ല കാ​വ​ൽ​കി​ണ​റി​ലെ സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ പ​ണ​യം വെ​ച്ചി​രു​ന്ന​ത് പോ​ലീ​സ് ക​ണ്ടെ​ടു​ത്തു.

ഉന്നതബിരുദധാരിയായ നിശബ്ദ കൊലയാളി

തി​രു​വ​ന​ന്ത​പു​രം: വി​നീ​ത കൊ​ല​ക്കേ​സി​ലെ പ്ര​തി രാ​ജേ​ന്ദ്ര​ൻ ത​ഞ്ചാ​വൂ​ർ ത​മി​ഴ് യൂ​നി​വേ​ഴ്സി​റ്റി​യി​ൽ നി​ന്നും ഡി​സ്റ്റ​ൻ​സ് എ​ഡ്യൂ​ക്കേ​ഷ​നി​ലൂ​ടെ ബി.​എ​ഡ് ഡി​ഗ്രി ക​ര​സ്ഥ​മാ​ക്കി​യ ശേ​ഷം എം.​എ ഹി​സ്റ്റ​റി, എം.​എ ഇ​ക്ക​ണോ​മി​ക്സ് പ​ഠ​നം പൂ​ർ​ത്തി​യാ​ക്കി ത​മി​ഴ്നാ​ട്ടി​ലെ പേ​ൾ മെ​ട്രി​ക് ഹ​യ​ർ​സെ​ക്ക​ൻ​ഡ​റി സ്കൂ​ളി​ൽ അ​ധ്യാ​പ​ക​നാ​യി ജോ​ലി ചെ​യ്തി​രു​ന്നു.

മൈ​ക്രോ​സോ​ഫ്ട് ആ​പ്ലി​ക്കേ​ഷ​ൻ സോ​ഫ്റ്റ് വ​യ​റി​ലും പ്രാ​വീ​ണ്യം നേ​ടി​യ രാ​ജേ​ന്ദ്ര​ൻ ത​മി​ഴ്നാ​ട് തി​രു​നെ​ൽ​വേ​ലി ആ​ര​ൽ​വാ​മൊ​ഴി വെ​ള്ള​മ​ടം സ്വ​ദേ​ശി​യും തി​രു​നെ​ൽ​വേ​ലി ക​സ്റ്റം​സ് ഒാ​ഫി​സ് ജീ​വ​ന​ക്കാ​ര​നു​മാ​യ സു​ബ്ബ​യ്യ(58), ഭാ​ര്യ വാ​സ​ന്തി (55), വ​ള​ർ​ത്തു​മ​ക​ൾ അ​ഭി​ശ്രീ (13) എ​ന്നി​വ​രെ കൊ​ല​പ്പെ​ടു​ത്തി ക​വ​ർ​ച്ച ന​ട​ത്തി​യ കേ​സി​ലും പ്ര​തി​യാ​ണ്. നാ​ഗ​ർ​കോ​വി​ൽ സെ​ഷ​ൻ​സ് കോ​ട​തി​യി​ൽ ആ ​കേ​സു​ക​ളു​ടെ വി​ചാ​ര​ണ ന​ട​ന്നു വ​രു​ന്നു. ഓ​ൺ​ലൈ​ൻ മാ​ർ​ക്ക​റ്റി​ലും ഷെ​യ​ർ മാ​ർ​ക്ക​റ്റി​ലും പ​ണം നി​ക്ഷേ​പി​ക്കാ​നാ​ണ് രാ​ജേ​ന്ദ്ര​ൻ കൊ​ല​പാ​ത​കം ചെ​യ്ത് ക​വ​ർ​ച്ച​ക​ൾ ന​ട​ത്തി​യി​രു​ന്ന​ത്.

ത​മി​ഴ്നാ​ട്ടി​ൽ കൊ​ല്ല​പ്പെ​ട്ട സു​ബ്ബ​യ്യ തി​രു​നെ​ൽ​വേ​ലി ജി​ല്ല​യി​ലെ വെ​ള്ള​മ​ടം വേ​മ്പ​ത്തൂ​ർ കോ​ള​നി രാ​ജീ​വ് ന​ഗ​റി​ലെ വ​സ​ന്ത​ഭ​വ​ൻ വീ​ട്ടി​ലാ​ണ് താ​മ​സി​ച്ചി​രു​ന്ന​ത്. ഭാ​ര്യ​യു​ടെ പേ​ര് വാ​സ​ന്തി. സു​ബ്ബ​യ്യ​ക്ക് മ​ക്ക​ളി​ല്ലാ​ത്ത​ത് കൊ​ണ്ട് ര​ണ്ടു ദി​വ​സം മാ​ത്രം പ്രാ​യ​മു​ണ്ടാ​യി​രു​ന്ന അ​ഭി​ശ്രീ എ​ന്ന പെ​ൺ​കു​ട്ടി​യെ ദ​ത്തെ​ടു​ത്ത്‌ സ്വ​ന്തം മ​ക​ളെ പോ​ലെ വ​ള​ർ​ത്തി​യി​രു​ന്നു. സു​ബ്ബ​യ്യ​യു​ടെ വീ​ടി​ന് സ​മീ​പ​ത്താ​ണ് രാ​ജേ​ന്ദ്ര​ന്റെ വീ​ടും. ഭൂ​മി​യു​ടെ ഉ​ട​മ​സ്ഥ​ത​യി​ൽ ധാ​രാ​ളം സൗ​ക​ര്യ​ങ്ങ​ളോ​ടെ സു​ബ്ബ​യ്യ ജീ​വി​ച്ച വ​ന്നി​രു​ന്ന​തി​നാ​ൽ അ​യാ​ളു​ടെ വീ​ട്ടി​ലെ നി​ല​വ​റ​യി​ൽ ധാ​രാ​ളം സ്വ​ർ​ണാ​ഭ​ര​ണ​ങ്ങ​ളും പ​ണ​വും സൂ​ക്ഷി​ച്ചി​ട്ടു​ണ്ടെ​ന്ന് ക​രു​തി രാ​ജേ​ന്ദ്ര​ൻ സു​ബ്ബ​യ്യ​യു​മാ​യി അ​ടു​ത്ത ബ​ന്ധം സ്ഥാ​പി​ച്ചു. സു​ബ്ബ​യ്യ​യു​ടെ വീ​ട്ടി​ൽ തേ​ങ്ങാ പൊ​തി​ക്കു​ക​യും​നെ​ല്ലു​ണ​ക്കു​ക​യും തു​ട​ങ്ങി ചെ​റി​യ ജോ​ലി​ക​ളും ചെ​യ്ത് കൊ​ടു​ത്തി​രു​ന്നു.

2014 ഡി​സം​ബ​ർ ഒ​ന്നി​ന്​ രാ​ജേ​ന്ദ്ര​ൻ സു​ബ്ബ​യ്യ​യെ ഫോ​ണി​ൽ വി​ളി​ച്ച് ത​നി​ക്ക് ഓ​ഹ​രി വി​പ​ണി​യി​ൽ നി​ന്ന് കി​ട്ടാ​നു​ള്ള 35 ല​ക്ഷം രൂ​പ കി​ട്ടി​യെ​ന്നും അ​ത് നി​ങ്ങ​ളു​ടെ വീ​ട്ടി​ൽ സൂ​ക്ഷി​ക്ക​ണ​മെ​ന്നും അ​തി​ന് ക​മി​ഷ​ൻ ന​ൽ​കാ​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ചു. അ​ന്ന് വൈ​കീ​ട്ട് തി​രു​നെ​ൽ​വേ​ലി​യി​ലെ ഓ​ഫീ​സി​ൽ നി​ന്ന് ഇ​റ​ങ്ങി​യ സു​ബ്ബ​യ്യ ത​ന്റെ ഇ​രു​ച​ക്ര വാ​ഹ​നം സൂ​ക്ഷി​ക്കു​ന്ന കാ​വ​ൽ​കി​ണ​റി​ലി​റ​ങ്ങി. അ​വി​ടെ രാ​ജേ​ന്ദ്ര​ൻ കാ​ത്തു നി​ൽ​ക്കു​ന്നു​ണ്ടാ​യി​രു​ന്നു. സു​ബ്ബ​യ്യ ത​ന്റെ ഇ​രു​ച​ക്ര വാ​ഹ​ന​വു​മെ​ടു​ത്ത് രാ​ജേ​ന്ദ്ര​നെ പി​റ​കി​ലി​രു​ത്തി രാ​ത്രി ഏ​ഴോ​ടെ കാ​വ​ൽ​ക്കി​ണ​ർ ക​ണ്ണ​പ്പ​ന​ല്ലൂ​ർ റോ​ഡി​ലെ വി​ജ​ന​മാ​യ സ്ഥ​ല​ത്തെ​ത്തി. അ​വി​ടെ​വ​ച്ച്​​രാ​ജേ​ന്ദ്ര​ൻ ത​ന്റെ സോ​ക്‌​സി​ൽ ഒ​ളി​പ്പി​ച്ചി​രു​ന്ന ക​ത്തി​യെ​ടു​ത്ത് സു​ബ്ബ​യ്യ​യു​ടെ ക​ഴു​ത്ത​റു​ത്തു. ബൈ​ക്കി​ൽ നി​ന്ന് ച​രി​ഞ്ഞ് വീ​ണ സു​ബ്ബ​യ്യ​യെ കു​ത്തി​യും വെ​ട്ടി​യും ദാ​രു​ണ​മാ​യി കൊ​ല​പ്പെ​ടു​ത്തി.

സു​ബ്ബ​യ്യ​യു​ടെ കൈ​യി​ൽ കി​ട​ന്നി​രു​ന്ന​ ഏ​ഴ​ര​ഗ്രാം വ​രു​ന്ന സ്വ​ർ​ണ മോ​തി​ര​വും സു​ബ്ബ​യ്യ​യു​ടെ ത​ന്നെ മൊ​ബൈ​ൽ ഫോ​ണും മോ​ഷ​ണം ചെ​യ്ത ശേ​ഷം മൃ​ത​ദേ​ഹം അ​ടു​ത്തു​ള്ള കു​റ്റി​കാ​ട്ടി​ൽ ഉ​പേ​ക്ഷി​ച്ചു. കൊ​ല​പാ​ത​ക​ത്തി​ന് ശേ​ഷം ര​ക്തം പു​ര​ണ്ട ക​ത്തി​യു​മാ​യി സു​ബ്ബ​യ്യ​യു​ടെ ഇ​രു​ച​ക്ര വാ​ഹ​ന​വു​മെ​ടു​ത്ത് അ​ദ്ദേ​ഹ​ത്തി​ന്‍റെ മൊ​ബൈ​ൽ ഫോ​ണി​ൽ ഭാ​ര്യ വാ​സ​ന്തി​യെ വി​ളി​ച്ച് ‘സു​ബ്ബ​യ്യ ചേ​ട്ട​ൻ സ്കൂ​ട്ട​ർ ഓ​ടി​ക്കു​ക​യാ​ണെ​ന്നും 35 ല​ക്ഷം രൂ​പ​യു​മാ​യി വീ​ട്ടി​ലേ​ക്ക് വ​രു​ന്നു​ണ്ടെ​ന്നും വീ​ട്ടി​ലെ ലൈ​റ്റു​ക​ൾ എ​ല്ലാം അ​ട​ച്ച് മു​ൻ​വ​ശ​ത്തെ ഗേ​റ്റ് തു​റ​ന്ന് വെ​ക്കാ​നും‘ രാ​ജേ​ന്ദ്ര​ൻ പ​റ​ഞ്ഞി​രു​ന്നു.

രാ​ത്രി എ​ട്ടോ​ടെ വീ​ട്ടി​ലെ​ത്തി​യ​പ്പോ​ൾ സു​ബ്ബ​യ്യ​യു​ടെ ഭാ​ര്യ വാ​സ​ന്തി​യും വ​ള​ർ​ത്തു​മ​ക​ൾ അ​ഭി​ശ്രീ​യും വീ​ടി​ന്റെ മു​ൻ​വ​ശ​ത്തെ പ​ടി​യി​ൽ ഇ​രി​ക്കു​ക​യാ​യി​രു​ന്നു.​രാ​ജേ​ന്ദ്ര​നെ ക​ണ്ട​പ്പോ​ൾ ചേ​ട്ട​നെ​വി​ടെ​യെ​ന്ന് വാ​സ​ന്തി ചോ​ദി​ച്ചു. പി​ന്നി​ൽ പ​ണ​വു​മാ​യി വ​രു​ന്നു​ണ്ടെ​ന്ന് പ​റ​ഞ്ഞ് വീ​ട്ടി​ലേ​ക്ക് ക​യ​റി​യ രാ​ജേ​ന്ദ്ര​ൻ വ​ള​ർ​ത്തു​മ​ക​ളാ​യ അ​ഭി​ശ്രീ​യോ​ട് കു​ടി​ക്കാ​ൻ വെ​ള്ളം ചോ​ദി​ച്ചു.​

വെ​ള്ള​മെ​ടു​ക്കാ​ൻ വീ​ട്ടി​നു​ള്ളി​ലേ​ക്കു ക​യ​റി​യ​പ്പോ​ൾ വാ​സ​ന്തി​യെ ത​റ​യി​ൽ ത​ള്ളി​യി​ട്ട് സു​ബ്ബ​യ്യ​യെ കൊ​ല്ലാ​നു​പ​യോ​ഗി​ച്ച അ​തേ ക​ത്തി കൊ​ണ്ട് ത​ന്നെ മാ​റി മാ​റി കു​ത്തി ദാ​രു​ണ​മാ​യി കൊ​ല​പ്പെ​ടു​ത്തി. വെ​ള്ളം കൊ​ണ്ട് വ​ന്ന അ​ഭി​ശ്രീ അ​മ്മ​യെ തെര​ഞ്ഞ​പ്പോ​ൾ അ​തേ ക​ത്തി കൊ​ണ്ട് ത​ന്നെ ത​ല​മു​ടി പി​ടി​ച്ച്‍ വ​ലി​ച്ച് ക​ഴു​ത്തി​ൽ ക​ത്തി കു​ത്തി​യി​റ​ക്കി കൊ​ല​പ്പെ​ടു​ത്തി. ഇരുവരുടെ​യും മൃ​ത​ദേ​ഹ​ങ്ങ​ൾ വീ​ടി​ന​ടു​ത്തു​ള്ള ചെ​ടി​ക​ൾ​ക്കി​ട​യി​ലേ​ക്ക് വ​ലി​ച്ചി​ഴ​ച്ച്‌ ര​ണ്ട്‌ സാ​രി എ​ടു​ത്ത് ര​ണ്ട്‌ പേ​രെ​യും വെ​വ്വേ​റെ പൊ​തി​ഞ്ഞ് ഒ​ളി​പ്പി​ച്ചു.​

വീ​ടി​നു​ള്ളി​ൽ ക​യ​റി 93 പ​വ​ൻ സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്ന്​​സു​ബ്ബ​യ്യ​യു​ടെ ഇ​രു​ച​ക്ര വാ​ഹ​ന​ത്തി​ൽ ര​ക്ഷ​പെ​ട്ടു. അ​ടു​ത്ത ദി​വ​സം വീ​ട്ടി​ലെ​ത്തി​യ സു​ബ്ബ​യ്യ​യു​ടെ സ​ഹോ​ദ​ര​ന്റെ മ​ക​ൾ മ​ണി​മേ​ഖ​ല​യാ​ണ് കൊ​ല​പാ​ത​ക വി​വ​രം പു​റ​ത്ത​റി​യി​ച്ച​ത്. സു​ബ്ബ​യ്യ​യു​ടെ വീ​ട്ടി​ൽ എ​ന്താ​ണ് സം​ഭ​വി​ച്ച​ത് എ​ന്ന കാ​ര്യം തി​ര​ക്കാ​ൻ ത​ടി​ച്ച്കൂ​ടി​യ ഗ്രാ​മ​വാ​സി​ക​ളോ​ടൊ​പ്പം രാ​ജേ​ന്ദ്ര​നും മു​മ്പി​ൽ ത​ന്നെ​യു​ണ്ടാ​യി​രു​ന്നു. കൊ​ല്ല​പ്പെ​ട്ട് ഏ​ഴാം നാ​ളാ​ണ് സു​ബ്ബ​യ്യ​യു​ടെ മൃ​ത​ദേ​ഹം ക​ണ്ട് കി​ട്ടി​യ​ത്.

ആ​ര​ൽ​വാ​മൊ​ഴി പോ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ 2014 ഡി​സം​ബ​ർ 27ന് ​രാ​ജേ​ന്ദ്ര​ൻ അ​റ​സ്റ്റി​ലാ​യി. തു​ട​ർ​ന്ന് അ​ന്വേ​ഷ​ണം നാ​ഗ​ർ​കോ​വി​ൽ ക്രൈം ​ബ്രാ​ഞ്ച് ഏ​റ്റെ​ടു​ത്തു. ഗൂ​ഡാ​ലോ​ച​ന കു​റ്റ​ത്തി​ന് രാ​ജേ​ന്ദ്ര​നോ​ടൊ​പ്പ​മു​ണ്ടാ​യി​രു​ന്ന കൂ​ട്ടു​പ്ര​തി​യെ ക​ണ്ടെ​ത്താ​ൻ വൈ​കി​യ​ത് കാ​ര​ണം കൃ​ത്യ​സ​മ​യ​ത്ത് പൊ​ലീ​സ് കു​റ്റ​പ​ത്രം ന​ൽ​കാ​ത്ത​തി​നെ തു​ട​ർ​ന്ന് 2015 ഡി​സം​ബ​റി​ൽ രാ​ജേ​ന്ദ്ര​ൻ ജ​യി​ലി​ൽ നി​ന്ന് പു​റ​ത്തി​റ​ങ്ങി.

കേസിൽ നിർണായകമായത് ചുമരിൽ പതിഞ്ഞ രക്തം

തി​രു​വ​ന​ന്ത​പു​രം: അ​മ്പ​ല​മു​ക്ക്​ വി​നീ​ത കൊ​ല​കേ​സി​ൽ നി​ർ​ണാ​യ​ക​മാ​യ​ത് ചു​മ​രി​ൽ പ​തി​ഞ്ഞ ര​ക്തം. അ​ക്ര​മം ത​ട​യാ​നു​ള്ള വി​നീ​ത​യു​ടെ ശ്ര​മ​ത്തി​നി​ട​യി​ൽ രാ​ജേ​ന്ദ്ര​ന്റെ വ​ല​ത് കൈ​യി​ലെ വി​ര​ലു​ക​ൾ​ക്ക് മു​റി​വേ​റ്റി​രു​ന്നു. കൊ​ല​ന​ട​ത്തി ക​വ​ർ​ന്നെ​ടു​ത്ത സ്വ​ർ​ണ്ണ​മാ​ല​യു​മാ​യി മ​ട​ങ്ങു​മ്പോ​ൾ ദൈ​വ​ത്തി​ന്റെ കൈ​യൊ​പ്പ് പോ​ലെ രാ​ജേ​ന്ദ്ര​ന്റെ വി​ര​ലു​ക​ളി​ലെ ര​ക്തം കൊ​ല ന​ട​ത്തി​യ സ്ഥ​ല​ത്തെ ചു​മ​രി​ൽ പ​തി​ഞ്ഞി​രു​ന്നു.

കൃ​ത്യ​സ്ഥ​ല​ത്തെ ചു​മ​രി​ൽ നി​ന്ന് സ​യ​ന്റി​ഫി​ക് അ​സി​സ്റ്റ​ന്റ് സു​നി​ത കൃ​ഷ്ണ​ൻ ശേ​ഖ​രി​ച്ച ര​ക്ത​സാ​മ്പി​ളു​ക​ളി​ലും പ്ര​തി​യി​ൽ നി​ന്ന് ക​ണ്ടെ​ടു​ത്ത ക​ത്തി​യി​ലും ക​ണ്ടെ​ത്തി​യ​ത് രാ​ജേ​ന്ദ്ര​ന്റെ​യും വി​നീ​ത​യു​ടേ​യും ര​ക്ത​മാ​ണ​ന്ന് ഫോ​റ​ൻ​സി​ക് ഡി.​എ​ൻ.​എ പ​രി​ശോ​ധ​ന​യി​ൽ ക​ണ്ടെ​ത്തി​യ​ത് നി​ർ​ണാ​യ​ക തെ​ളി​വാ​യി.

കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ച ക​ത്തി പേ​രൂ​ർ​ക്ക​ട​യി​ൽ രാ​ജേ​ന്ദ്ര​ൻ ജോ​ലി ചെ​യ്ത ഹോ​ട്ട​ലി​ലെ ജീ​വ​ന​ക്കാ​ർ താ​മ​സി​ച്ചി​രു​ന്ന മു​റി​യി​ൽ നി​ന്ന് പോ​ലീ​സ് ക​ണ്ടെ​ടു​ത്തി​രു​ന്നു. മു​റി​യി​ലെ വാ​ഷ്ബെ​യ്സി​നി​ൽ ഒ​ളി​പ്പി​ച്ച നി​ല​യി​ലാ​യി​രു​ന്നു ക​ത്തി. കൊ​ല ന​ട​ന്ന സ​മ​യ​ത്ത് പ്ര​തി രാ​ജേ​ന്ദ്ര​ൻ ധ​രി​ച്ചി​രു​ന്ന ഷ​ർ​ട്ട് മു​ട്ട​ട​യി​ലു​ള്ള കോ​ർ​പ​റേ​ഷ​ൻ വ​ക അ​ല​പ്പു​റം കു​ള​ത്തി​ൽ നി​ന്നും ഫ​യ​ർ​ഫോ​ഴ്സ് സ്കൂ​ബ ഡൈ​വേ​ഴ്സും മു​ങ്ങ​ൽ വി​ദ​ഗ്ദ്ധ​രും ക​ണ്ടെ​ടു​ത്തി​രു​ന്നു.

സഹായകമായത് സാഹചര്യ തെളിവുകളും ശാസ്ത്രീയതെളിവുകളും

തി​രു​വ​ന​ന്ത​പു​രം: ദൃ​ക്സാ​ക്ഷി​ക​ളാ​രും ഇ​ല്ലാ​തി​രു​ന്ന അ​മ്പ​ല​മു​ക്ക്​ വി​നീ​ത കൊ​ല​​ക്കേ​സി​ൽ പ്രോ​സീ​ക്യൂ​ഷ​ന് സ​ഹാ​യ​ക​മാ​യ​ത് സാ​ഹ​ച​ര്യ തെ​ളി​വു​ക​ളും, ശാ​സ്ത്രീ​യ​മാ​യ തെ​ളി​വു​ക​ളും, സൈ​ബ​ർ ഫോ​റ​ൻ​സി​ക് തെ​ളി​വു​ക​ളു​മാ​ണ്. കൃ​ത്യ​ത്തി​ന് മു​മ്പും ശേ​ഷ​വു​മു​ള്ള രാ​ജേ​ന്ദ്ര​ന്റെ സ​ഞ്ചാ​ര​പ​ദ​ങ്ങ​ൾ ന​ഗ​ര​ത്തി​ലെ സി.​സി ടി.​വി കാ​മ​റ​ക​ളി​ൽ നി​ന്ന് പൊ​ലീ​സ് ക​ണ്ടെ​ടു​ത്ത​ത് 11 പെ​ൻ​ഡ്രൈ​വു​ക​ളി​ലാ​ക്കി പ്രോ​സീ​ക്യൂ​ഷ​ൻ കോ​ട​തി​യി​ൽ ഹാ​ജ​രാ​ക്കി​യി​രു​ന്നു.

വി​നീ​ത​യു​ടെ സ്വ​ർ​ണ​മാ​ല, രാ​ജേ​ന്ദ്ര​ൻ ധ​രി​ച്ചി​രു​ന്ന ര​ക്തം പു​ര​ണ്ട ഷ​ർ​ട്ട്‌, കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ചി​രു​ന്ന ക​ത്തി എ​ന്നി​വ ക​ണ്ടെ​ടു​ക്കു​ന്ന​തു​ൾ​പ്പ​ടെ​യു​ള്ള ഏ​ഴ്​ ഡി.​വി.​ഡി ദൃ​ശ്യ​ങ്ങ​ളും അ​ട​ങ്ങി​യ 68 ല​ക്ഷ്യം വ​ക​ക​ൾ പ്രോ​സീ​ക്യൂ​ഷ​ൻ ഹാ​ജ​രാ​ക്കി​യി​രു​ന്നു. വി​നീ​ത​യു​ടെ മാ​താ​വ് രാ​ഗി​ണി സ​ഹോ​ദ​ര​ൻ വി​നോ​ദ്, ടാ​ബ്സ് അ​ഗ്രി ക്ലി​നി​ക് ഉ​ട​മ തോ​മ​സ് മാ​മ​ൻ ഉ​ൾ​പ്പ​ടെ 96 സാ​ക്ഷി​ക​ളെ പ്രോ​സി​ക്യൂ​ഷ​ൻ വി​സ്ത​രി​ച്ചി​രു​ന്നു. 222 രേ​ഖ​ക​ളും ഹാ​ജ​രാ​ക്കി.

പ്രോ​സി​ക്യൂ​ഷ​ന് വേ​ണ്ടി സ്‌​പെ​ഷ്യ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ എം. ​സ​ലാ​ഹു​ദീ​ന്‍, ദേ​വി​ക മ​ധു, ജെ. ​ഫ​സ്ന, ഒ.​എ​സ്. ചി​ത്ര എ​ന്നി​വ​ർ ഹാ​ജ​രാ​യി. തി​രു​വ​ന​ന്ത​പു​രം സി​റ്റി പൊ​ലീ​സ് ക​മീ​ഷ​ണ​റാ​യി​രു​ന്ന ജി. ​സ്പ​ർ​ജ​ൻ കു​മാ​റി​ന്റെ മേ​ല്‍നോ​ട്ട​ത്തി​ല്‍ ക​ന്റോ​ൺ​മെ​ന്റ് എ.​സി​യാ​യി​രു​ന്ന വി.​എ​സ്. ദി​ന​രാ​ജ്, പേ​രൂ​ര്‍ക്ക​ട സി.​ഐ വി. ​സ​ജി​കു​മാ​ര്‍, ജു​വ​ന​പു​ടി മ​ഹേ​ഷ്, സ​ബ് ഇ​ൻ​സ്പ​ക്ട​ർ​മാ​രാ​യ എ​സ്. ജ​യ​കു​മാ​ർ, ആ​ർ. അ​നി​ൽ​കു​മാ​ർ, മീ​ന എ​സ്. നാ​യ​ർ, സീ​നി​യ​ർ സി​വി​ൽ പൊ​ലീ​സു​ക​രാ​യ ആ​ർ. പ്ര​മോ​ദ്, നൗ​ഫ​ൽ റ​ഫീ​ഖ്, ഷം​നാ​ദ്, അ​രു​ൺ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘ​മാ​ണ് അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ച​ത്.

സ​മാ​ന​സ്വ​ഭാ​വ​മു​ള്ള മൂ​ന്ന് കൊ​ല​പാ​ത​ക​ങ്ങ​ൾ ത​മി​ഴ്നാ​ട്ടി​ൽ ചെ​യ്ത​ശേ​ഷം ജാ​മ്യ​ത്തി​ൽ ക​ഴി​യ​വെ​യാ​ണ് പ്ര​തി പേ​രൂ​ർ​ക്ക​ട​യി​ലെ കൊ​ല​പാ​ത​കം ന​ട​ത്തി​യ​ത്‌. ത​മി​ഴ്നാ​ട് തി​രു​നെ​ൽ​വേ​ലി ആ​രു​ൽ​വാ​മൊ​ഴി വെ​ള്ള​മ​ടം സ്വ​ദേ​ശി​യും ക​സ്റ്റം​സ് ഉ​ദ്യോ​ഗ​സ്ഥ​നു​മാ​യ സു​ബ്ബ​യ്യ (58), ഭാ​ര്യ വാ​സ​ന്തി (55), വ​ള​ർ​ത്ത് മ​ക​ൾ അ​ഭി​ശ്രീ (13) എ​ന്നി​വ​രെ കൊ​ല​പെ​ടു​ത്തി 95ഗ്രാം ​സ്വ​ർ​ണാ​ഭ​ര​ണം ക​വ​ർ​ച്ച ന​ട​ത്തി​യ കേ​സി​ലും രാ​ജേ​ന്ദ്ര​ൻ പ്ര​തി​യാ​ണ്. അ​തി​ന്റെ വി​ചാ​ര​ണ നാ​ഗ​ർ​കോ​വി​ൽ സെ​ഷ​ൻ​സ് കോ​ട​തി​യി​ൽ ന​ട​ന്നു വ​രു​ന്നു. ഉ​ന്ന​ത​ബി​രു​ദ്ധ​ധാ​രി​യാ​യ രാ​ജേ​ന്ദ്ര​ൻ ഓ​ൺ​ലൈ​ൻ സ്റ്റോ​ക്ക് മാ​ർ​ക്ക​റ്റി​ങ്ങി​ൽ പ​ണം നി​ക്ഷേ​പി​ക്കു​ന്ന​തി​ന് വേ​ണ്ടി​യാ​ണ് കൊ​ല​പാ​ത​ക​ങ്ങ​ൾ ന​ട​ത്തി​യി​രു​ന്ന​ത്.

അമ്പലമുക്ക് വിനീത കൊലക്കേസ്​: നാൾവഴി

• 06-02-2022 ഞാ​യ​ർ
• ലോ​ക്ഡൗ​ൺ, രാ​വി​ലെ 10.20ന് ​പ്ര​തി രാ​ജേ​ന്ദ്ര​ൻ താ​ൻ ജോ​ലി ചെ​യ്യു​ന്ന പേ​രൂ​ർ​ക്ക​ട​യി​ലെ ടീ​സ്റ്റാ​ളി​ലെ​ത്തി പ്ര​ഭാ​ത ഭ​ക്ഷ​ണം ക​ഴി​ച്ചു, തൊ​ട്ട​ടു​ത്തു​ള്ള ത​ന്റെ താ​മ​സ സ്ഥ​ല​ത്തേ​ക്ക് മ​ട​ങ്ങി പോ​കു​ന്നു.
• 11.29 രാ​ജേ​ന്ദ്ര​ൻ ക​റു​ത്ത പാ​ന്റും വെ​ള്ള ഫു​ൾ സ്ലീ​വ് ഷ​ർ​ട്ടും ധ​രി​ച്ച് മു​ഖ​ത്ത് ക​റു​ത്ത മാ​സ്കും ത​ല​യി​ൽ കെ​ട്ടു​മാ​യി അ​മ്പ​ല​മു​ക്ക് ജ​ങ്ഷ​നി​ൽ നി​ന്ന് മു​ട്ട​ട- കു​റ​വ​ൻ കോ​ണം ഭാ​ഗ​ത്തേ​ക്കു​ള്ള റോ​ഡി​ലേ​ക്ക് ന​ട​ക്കു​ന്നു.
• 11.32 കു​റ​വ​ൻ കോ​ണം - മു​ട്ട​ട റോ​ഡു​ക​ൾ ര​ണ്ടാ​യി തി​രി​യു​ന്ന സാ​ന്ത്വ​നം ആ​ശു​പ​ത്രി ജ​ങ്ഷ​നി​ലെ​ത്തി കൊ​ല ന​ട​ന്ന ടാ​ബ്സ് അ​ഗ്രി ക്ലി​നി​ക് അ​ല​ങ്കാ​ര ചെ​ടി വി​ൽ​പ​ന​ശാ​ല സ്ഥി​തി ചെ​യ്യു​ന്ന കു​റ​വ​ൻ കോ​ണം ഭാ​ഗ​ത്തേ​ക്ക് പോ​കു​ന്നു.
• 11.33 അ​ല​ങ്കാ​ര ചെ​ടി വി​ൽ​പ​ന​ശാ​ല​യു​ടെ സ​മീ​പ​ത്തു​ള്ള ചൈ​ത​ന്യ വീ​ടി​ന് മു​ന്നി​ലൂ​ടെ ന​ട​ന്ന് കൃ​ത്യ സ്ഥ​ല​ത്ത് പ്ര​വേ​ശി​ച്ച് കൊ​ല​പാ​ത​കം ന​ട​ത്തി​യ ശേ​ഷം ക​വ​ർ​ന്നെ​ടു​ത്ത സ്വ​ർ​ണ്ണ​മാ​ല​യു​മാ​യി 11.52 ന് ​അ​തേ വീ​ടി​ന് മു​ന്നി​ലൂ​ടെ മ​ട​ങ്ങി പോ​കു​ന്നു. (അ​ക്ര​മം ത​ട​യാ​നു​ള്ള വി​നി​ത​യു​ടെ ശ്ര​മ​ത്തി​നി​ട​യി​ൽ രാ​ജേ​ന്ദ്ര​ന്റെ വ​ല​ത്കൈ​ക്ക് പ​രി​ക്കേ​റ്റി​രു​ന്നു.)
• 11.54 ര​ക്തം പു​ര​ണ്ട ഷ​ർ​ട്ടു​മാ​യി രാ​ജേ​ന്ദ്ര​ൻ വീ​ണ്ടും സാ​ന്ത്വ​നം ആ​ശു​പ​ത്രി ജ​ങ്ഷ​നി​ലെ​ത്തി ഒ​രു ഓ​ട്ട റി​ക്ഷ കൈ​കാ​ണി​ച്ച് ക​യ​റി മു​ട്ട​ട റോ​ഡി​ലെ കോ​ർ​പ​റേ​ഷ​ൻ വ​ക അ​ല​പ്പു​റം കു​ള​ത്തി​ന് സ​മീ​പ​മി​റ​ങ്ങു​ന്നു
• 12.03 ര​ക്തം പു​ര​ണ്ട ഷ​ർ​ട്ട് അ​ല​പ്പു​റം കു​ള​ത്തി​ൽ ഉ​പേ​ക്ഷി​ച്ച്,ഷ​ർ​ട്ടി​ന​ടി​യി​ലു​ണ്ടാ​യി​രു​ന്ന ടീ-​ഷ​ർ​ട്ടും ധ​രി​ച്ച് മു​ട്ട​ട പ്രൈ​മ​റി ഹെ​ൽ​ത്ത് സെ​ന്റ​റി​ന് സ​മീ​പ​മെ​ത്തു​ന്നു.
• 12.06 ഹെ​ൽ​ത്ത് സെ​ന്റ​റി​ന് സ​മീ​പ​ത്ത് നി​ന്നും ഒ​രു സ്കൂ​ട്ട​ർ യാ​ത്ര​ക്കാ​ര​നെ കൈ ​കാ​ണി​ച്ച് ഇ​ദ്ദേ​ഹ​ത്തോ​ടൊ​പ്പം സ്കൂ​ട്ട​റി​ന്റെ പി​റ​കി​ലി​രു​ന്ന് പ​രു​ത്തി​പ്പാ​റ ഭാ​ഗ​ത്തേ​ക്ക് സ​ഞ്ച​രി​ക്കു​ന്നു.
• 12.11 ന് ​പ​രു​ത്തി​പ്പാ​റ വ​ഴി കേ​ശ​വ​ദാ​സ​പു​ര​ത്തേ​ക്കും 12.13 ന് ​കേ​ശ​വ​ദാ​സ​പു​രം - ഉ​ള്ളു​ർ റോ​ഡേ ഇ​തേ സ്കൂ​ട്ട​റി​ൽ സ​ഞ്ച​രി​ച്ച് ഉ​ള്ളൂ​ർ ജ​ങ്ഷ​നി​ലി​റ​ങ്ങു​ന്നു.
• 12.16 പ്ര​തി അ​വി​ടെ നി​ന്നും മ​റ്റൊ​രു ഓ​ട്ടോ​യി​ൽ ക​യ​റി വീ​ണ്ടും കേ​ശ​വ​ദാ​സ​പു​രം ഭാ​ഗ​ത്തേ​ക്ക് യാ​ത്ര ചെ​യ്യു​ന്നു.
• 12.18 ന് ​രാ​ജേ​ന്ദ്ര​നെ​യും കൊ​ണ്ട് ഓ​ട്ടോ​റി​ക്ഷ കേ​ശ​വ​ദാ​സ​പു​ര​ത്തെ ഭാ​ര​ത് പെ​ട്രോ​ൾ പ​മ്പി​ൽ ക​യ​റി ഓ​ട്ടോ​യി​ൽ പെ​ട്രോ​ൾ ഒ​ഴി​ച്ച​തി​ന് ശേ​ഷം 12.38 ന് ​രാ​ജേ​ന്ദ്ര​ന്റെ താ​മ​സ സ്ഥ​ല​മാ​യ പേ​രൂ​ർ​ക്ക​ട ജി​ല്ല ആ​ശു​പ​ത്രി​ക്ക് സ​മീ​പ​മു​ള്ള ഇ.​എ​സ്.​ഐ ആ​ശു​പ​ത്രി​ക്ക് മു​ൻ​വ​ശ​മി​റ​ങ്ങി താ​മ​സ സ്ഥ​ല​ത്തേ​ക്ക് പോ​കു​ന്നു.
• രാ​ത്രി 7.40 കൊ​ല​പാ​ത​ക സ​മ​യ​ത്ത് കൈ​യ്യി​ലേ​റ്റ മു​റി​വി​ന് ചി​കി​ത്സ തേ​ടി പേ​രൂ​ർ​ക്ക​ട ജി​ല്ല ആ​ശു​പ​ത്രി​യി​ലെ​ത്തു​ന്നു.
• 07-02-2022 തി​ങ്ക​ൾ
• രാ​വി​ലെ എ​ട്ടി​ന് സ്വ​ദേ​ശ​മാ​യ ത​മി​ഴ്നാ​ട്ടി​ലെ കാ​വ​ൽ കി​ണ​റി​ലേ​ക്ക് ക​ട​ക്കു​ന്നു. ഉ​ച്ച​ക്ക് ര​ണ്ട്​ മ​ണി​ക്ക് അ​ഞ്ചു ഗ്രാ​മ​ത്തു​ള്ള ഒ​രു സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ൽ വി​നീ​ത​യു​ടെ സ്വ​ർ​ണ്ണ മാ​ല 95000/- രൂ​പ​ക്ക് പ​ണ​യം വ​യ്ക്കു​ന്നു.
• അ​ന്നേ​ദി​വ​സം വൈ​കു​ന്നേ​രം മൂ​ന്നി​ന് കാ​വ​ൽ കി​ണ​റി​ലു​ള്ള ഇ​ന്ത്യ​ൻ ബാ​ങ്കി​ന്റെ പെ​രു​ങ്കു​ഴി ബ്രാ​ഞ്ചി​ലെ​ത്തി ഓ​ൺ​ലൈ​ൻ മാ​ർ​ക്ക​റ്റി​ങ് ക​മ്പ​നി​യി​ലേ​ക്ക് 32000 രൂ​പ നി​ക്ഷേ​പി​ക്കു​ന്നു.
• 11-02-2022 രാ​വി​ലെ 10ന്​ ​കാ​വ​ൽ കി​ണ​റി​ലെ സ്വ​കാ​ര്യ ലോ​ഡ്ജി​ൽ നി​ന്നും രാ​ജേ​ന്ദ്ര​നെ പേ​രൂ​ർ​ക്ക​ട പൊ​ലീ​സ് ക​സ്റ്റ​ഡി​യി​ലെ​ടു​ക്കു​ന്നു.
• (ന​ഗ​ര​ത്തി​ലെ വി​വി​ധ നി​രീ​ക്ഷ​ണ ക്യാ​മ​റ​ക​ളി​ൽ പ​തി​ഞ്ഞ രാ​ജേ​ന്ദ്ര​ന്റെ സ​ഞ്ചാ​ര​പ​ഥ​ങ്ങ​ളി​ലെ ദൃ​ശ്യ​ങ്ങ​ൾ പ്രോ​സി​ക്യൂ​ഷ​ൻ കോ​ട​തി​യി​ൽ ഹാ​ജ​രാ​ക്കി​യ​ത് വി​ചാ​ര​ണ സ​മ​യ​ത്ത് കോ​ട​തി ഹാ​ളി​ൽ പ്ര​ദ​ർ​ശി​പ്പി​ച്ചി​രു​ന്നു.)