മുക്കുപണ്ടം പണയപ്പെടുത്തി തട്ടിപ്പ്; ആറാം പ്രതി അറസ്റ്റില്‍

പേ​രൂ​ര്‍ക്ക​ട: മു​ക്കു​പ​ണ്ടം പ​ണ​യ​പ്പെ​ടു​ത്തി ത​ട്ടി​പ്പു​ന​ട​ത്തി​യ കേ​സി​ലെ ആ​റാം പ്ര​തി​യെ കൊ​ല്ല​ത്തു​നി​ന്ന്​ പി​ടി​കൂ​ടി. കൊ​ല്ലം ക​ന്നി​മേ​ല്‍ചേ​രി​യി​ല്‍ ക​രി​മ്പോ​ല​യി​ല്‍ വ​യ​ലി​ല്‍ കി​ഴ​ക്ക​തി​ല്‍ മ​ധു​രം വീ​ട്ടി​ല്‍ ഷം​നാ​ദ് (24) ആ​ണ് പി​ടി​യി​ലാ​യ​ത്. ഓ​ഗ​സ്റ്റ് 14 നാ​യി​രു​ന്നു കേ​സി​നി​ട​യാ​യ സം​ഭ​വം.

എ​റ​ണാ​കു​ള​ത്തെ ഒ​രു സം​ഘ​ത്തി​ല്‍ നി​ന്ന്​ മു​ക്കു​പ​ണ്ടം ശേ​ഖ​രി​ച്ച ശേ​ഷം അ​തി​ല്‍ സ്വ​ര്‍ണ​മെ​ന്ന്​ തോ​ന്നി​ക്കു​ന്ന ലോ​ഹം പൂ​ശി ആ​റം​ഗ സം​ഘം വ​ഴ​യി​ല, മ​ണ്ണാ​മ്മൂ​ല എ​ന്നി​വി​ട​ങ്ങ​ളി​ലെ സ്വ​കാ​ര്യ പ​ണ​മി​ട​പാ​ട്​ സ്ഥാ​പ​ന​ങ്ങ​ളി​ല്‍ പ​ണ​യ​പ്പെ​ടു​ത്തി പ​ണം ത​ട്ടു​ക​യാ​യി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് കൊ​ല്ലം സ്വ​ദേ​ശി അ​ഖി​ല്‍ ക്ലീ​റ്റ​സ് (30), പേ​രൂ​ര്‍ക്ക​ട വ​ഴ​യി​ല സ്വ​ദേ​ശി ജെ.​ആ​ര്‍. പ്ര​തീ​ഷ്‌​കു​മാ​ര്‍ (57), പ​ത്ത​നം​തി​ട്ട ത​ണ്ണി​ത്തോ​ട് സ്വ​ദേ​ശി സ​ണ്ണി (69), ഇ​യാ​ളു​ടെ മ​ക​ന്‍ സ്മി​ജു സ​ണ്ണി (40), കു​ട​പ്പ​ന​ക്കു​ന്ന് ചെ​ട്ടി​വി​ളാ​കം സ്വ​ദേ​ശി ഷെ​ജി​ന്‍ (30) എ​ന്നി​വ​രെ പേ​രൂ​ര്‍ക്ക​ട പൊ​ലീ​സ് നേ​ര​ത്തെ പി​ടി​കൂ​ടി​യി​രു​ന്നു.

ആ​ഭ​ര​ണ​ങ്ങ​ള്‍ പ്ര​തി​ക​ള്‍ തി​രി​കെ​യെ​ടു​ക്കാ​തെ വ​ന്ന​പ്പോ​ള്‍ പ​ണ​മി​ട​പാ​ട് സ്ഥാ​പ​ന ഉ​ട​മ​ക​ള്‍ ചാ​ല​യി​ലു​ള​ള ഒ​രു ജ്വ​ല്ല​റി​യി​ലെ​ത്തി പ​രി​ശോ​ധി​ച്ച​പ്പോ​ഴാ​ണ് പ​ണ​യ​പ്പെ​ടു​ത്തി​യ​ത് മു​ക്കു​പ​ണ്ട​ങ്ങ​ളാ​ണെ​ന്ന് മ​ന​സി​ലാ​യ​ത്. തു​ട​ര്‍ന്നാ​ണ് പൊ​ലീ​സി​ല്‍ പ​രാ​തി ന​ല്‍കി​യ​തും പ്ര​തി​ക​ള്‍ 5 പേ​രും പി​ടി​യി​ലാ​യ​തും. റി​മാ​ന്‍ഡി​ല്‍ ക​ഴി​യു​ന്ന അ​ഖി​ല്‍ ക്ലീ​റ്റ​സാ​യി​രു​ന്നു ത​ട്ടി​പ്പി​ന്റെ സൂ​ത്ര​ധാ​ര​നെ​ന്ന് പൊ​ലീ​സ് പ​റ​ഞ്ഞു.

കേ​ര​ളം മു​ഴു​വ​ന്‍ ക​റ​ങ്ങി ന​ട​ന്ന് മു​ക്കു​പ​ണ്ട​ങ്ങ​ള്‍ ശേ​ഖ​രി​ച്ച്​ സം​ഘാം​ഗ​ങ്ങ​ള്‍ക്ക് എ​ത്തി​ച്ചു​ന​ല്‍കു​ന്ന ആ​ളാ​ണ് പി​ടി​യി​ലാ​യ ഷം​നാ​ദ്. ഇ​യാ​ള്‍ വി​വി​ധ​യി​ട​ങ്ങ​ളി​ലാ​യി ഒ​ളി​വി​ല്‍ ക​ഴി​ഞ്ഞു​വ​രി​ക​യാ​യി​രു​ന്നു. ശ​ക്തി​കു​ള​ങ്ങ​ര പൊ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ നി​ന്ന് ശ​ക്തി​കു​ള​ങ്ങ​ര പൊ​ലീ​സാ​ണ് ഷം​നാ​ദി​നെ പി​ടി​കൂ​ടി പേ​രൂ​ര്‍ക്ക​ട പൊ​ലീ​സി​നു കൈ​മാ​റി​യ​ത്. പ്ര​തി​യെ കോ​ട​തി​യി​ല്‍ ഹാ​ജ​രാ​ക്കി റി​മാ​ന്‍ഡ് ചെ​യ്തു.