കുന്നംകുളത്ത് പോളിങ് ശതമാനത്തിൽ കുറവ്

കുന്നംകുളം: നിയോജക മണ്ഡലത്തിൽ പോളിങ് ശതമാനത്തിലെ കുറവും പല ബൂത്തുകളിലേയും വോട്ടിങ് മെഷീനുകളിൽ എണ്ണത്തിലെ വ്യത്യാസവും ഇരു മുന്നണികളേയും ആശങ്കയിലാക്കുന്നു. എങ്കിലും ഇവർ വിജയപ്രതീക്ഷയിൽ തന്നെയാണ്. ഇക്കുറി 74.23 ശതമാനമായിരുന്നുവെങ്കിൽ കഴിഞ്ഞ നിയമസഭാ തെരഞ്ഞെടുപ്പിൽ 76.39 ശതമാനമായിരുന്നു.

കടുത്ത വേനല്‍ചൂടിനെ പ്രതിരോധിക്കാന്‍ അതിരാവിലെ തന്നെ വോട്ടര്‍മാര്‍ കൂട്ടത്തോടെ ബൂത്തുകളിലേക്ക് എത്തിയിരുന്നു. പലയിടത്തും പോളിംഗ് ആരംഭിക്കുന്നതിന് മുമ്പ് തന്നെ നീണ്ട നിര കാണാമായിരുന്നു. വയോജനങ്ങളുടെയും സ്ത്രീകളുടെയും വലിയ പങ്കാളിത്തമാണ് ഇത്തവണ കുന്നംകുളത്ത് ദൃശ്യമായത്. ഉച്ചക്ക് ശേഷവും ഈ ആവേശം ചോരാതെ ബൂത്തുകളില്‍ വന്‍ തിരക്കാണ് അനുഭവപ്പെട്ടത്. വോട്ടെടുപ്പ് അവസാന മണിക്കൂറുകളിലേക്ക് കടന്നപ്പോള്‍ പോളിങ് ശതമാനം ഗണ്യമായി ഉയര്‍ന്നു.

സമാധാനപരമായ വോട്ടെടുപ്പ് ഉറപ്പാക്കാന്‍ കുന്നംകുളം ടൗണിലും സമീപ പഞ്ചായത്തുകളിലും കനത്ത പൊലീസ് സുരക്ഷയാണ് ഏര്‍പ്പെടുത്തിയിരുന്നത്. ആവേശകരമായ വോട്ടെടുപ്പിൽ പലയിടത്തും യന്ത്രത്തകരാറുകള്‍ വോട്ടര്‍മാരെ ഏറെ നേരം ബുദ്ധിമുട്ടിച്ചു. അക്കിക്കാവ് സ്കൂൾ, അക്കിക്കാവ് സെന്റ് മേരീസ് കോളജ് എന്നിവിടങ്ങളിലെ ബൂത്തുകളിൽ മെഷീൻ തകരാറുകൾ സംഭവിച്ചിരുന്നു. മോക്ക് പോളിങ്ങിന് പിന്നാലെ ബഥനി ഇംഗ്ലീഷ് മീഡിയം ഹയർ സെക്കന്‍ഡറി സ്‌കൂളില്‍ പ്രവര്‍ത്തിച്ചിരുന്ന 101 ാം നമ്പര്‍ ബൂത്തിലും തിരുത്തിക്കാട് ഭാരത് മാതാ എല്‍.പി സ്‌കൂളില്‍ പ്രവര്‍ത്തിച്ചിരുന്ന 93-ാം നമ്പര്‍ ബൂത്തിലും വോട്ടിംഗ് യന്ത്രങ്ങള്‍ തകരാറിലായതിനെ തുടര്‍ന്ന് അൽപനേരം വോട്ടെടുപ്പ് തടസ്സപ്പെട്ടു. ഉദ്യോഗസ്ഥര്‍ ഉടന്‍ പുതിയ യന്ത്രങ്ങള്‍ സ്ഥാപിച്ചതോടെ വോട്ടെടുപ്പ് പുനരാരംഭിച്ചു. എന്നാല്‍, വോട്ടിങ് യന്ത്രങ്ങളുടെ പ്രവര്‍ത്തനം പൊതുവേ മന്ദഗതിയിലായത് വോട്ടര്‍മാരെ വലച്ചു. മൂന്ന് ബൂത്തുകള്‍ പ്രവര്‍ത്തിക്കുന്ന എം.ജെ.ഡി സ്‌കൂള്‍ പോലെയുള്ള വലിയ സെന്ററുകളില്‍ ഇതുമൂലം നീണ്ട നിരയാണ് അനുഭവപ്പെട്ടത്. രാത്രിയോടെ വോട്ടിംഗ് യന്ത്രങ്ങള്‍ ശ്രീകൃഷ്ണ കോളേജില്‍ സജ്ജീകരിച്ചുള്ള സ്‌ട്രോങ്ങ് റൂമുകളിലേക്ക് മാറ്റി.

പ്രമുഖരുടെ സാന്നിധ്യവും വോട്ടെടുപ്പ് കേന്ദ്രങ്ങളില്‍ ശ്രദ്ധേയമായി. നടന്‍ വി.കെ. ശ്രീരാമന്‍ വടുതല ഗവ. എല്‍.പി. സ്‌കൂളിലെ 71-ാം നമ്പര്‍ ബൂത്തിൽ വോട്ട് രേഖപ്പെടുത്തി.

ഇടതുമുന്നണി സ്ഥാനാർഥി എ.സി. മൊയ്തീൻ വടക്കാഞ്ചേരി മണ്ഡലത്തിലെ തെക്കുംകര പനങ്ങാട്ടുകര എം.എൻ.ഡി സ്കൂളിലെത്തിയാണ് വോട്ട് ചെയ്തത്. യു.ഡി.എഫ് സാരഥി പി.ടി. അജയ്മോഹൻ പൊന്നാനി മണ്ഡലത്തിലെ എരമംഗലം സ്കൂളിലെത്തി വോട്ട് ചെയ്തു. എൻ.ഡി.എ സ്ഥാനാർഥി കെ.ആർ. രെജിലിന് ഇതേ മണ്ഡലത്തിൽ തന്നെയായിരുന്നു വോട്ട്. അക്കിക്കാവ് സ്കൂളിൽ സമ്മതിദാനാവകാശം രേഖപ്പെടുത്തി.

ഗുരുവായൂരിലും കുറവ് പോളിങ്

ചാ​വ​ക്കാ​ട്: ഗു​രു​വാ​യൂ​ർ മ​ണ്ഡ​ല​ത്തി​ൽ വൈ​കു​ന്നേ​രം 5.30 വ​രെ 70.35 ശ​ത​മാ​നം പോ​ളി​ങ് ന​ട​ന്നു. ജി​ല്ല​യി​ൽ ഏ​റ്റ​വും കു​റ​വ് പോ​ളി​ങ് ന​ട​ന്ന​ത് ഗു​രു​വാ​യൂ​രി​ലാ​ണ്. രാ​വി​ലെ ഏ​ഴ് മ​ണി​ക്ക് ത​ന്നെ മ​ണ്ഡ​ല​ത്തി​ലെ 232 ബൂ​ത്തു​ക​ളി​ലും വോ​ട്ടിം​ഗ് ആ​രം​ഭി​ച്ചു. വ​ട​ക്കേ​കാ​ട് ബൂ​ത്ത്‌ ന​മ്പ​ർ 87, പു​ന്ന​യൂ​ർ​ക്കു​ളം ബൂ​ത്ത് ന​മ്പ​ർ 12 എ​ന്നി​വി​ട​ങ്ങ​ളി​ൽ മെ​ഷീ​നു​ക​ൾ​ക്ക് ത​ക​രാ​ർ റി​പ്പോ​ർ​ട്ട് ചെ​യ്തെ​ങ്കി​ലും ഉ​ദ്യോ​ഗ​സ്ഥ​ർ ഇ​ട​പെ​ട്ട് പ്ര​ശ്ന​ങ്ങ​ൾ പ​രി​ഹ​രി​ച്ചു.
എ​ൽ.​ഡി.​എ​ഫ് സ്ഥാ​നാ​ർ​ഥി എ​ൻ.​കെ അ​ക്ബ​ർ കു​ടും​ബ സ​മേ​തം ചാ​വ​ക്കാ​ട് വു​മ​ൺ​സ് ഇ​സ്‌​ലാ​മി​ക് കോ​ളേ​ജി​ലെ 147-ാം ബൂ​ത്തി​ൽ വോ​ട്ട് രേ​ഖ​പ്പെ​ടു​ത്തി. ഭാ​ര്യ കെ.​കെ സ​ഫീ​റ, മ​ക​ൾ ആ​യി​ഷ​ഹി​ബ എ​ന്നി​വ​രും വോ​ട്ട് ചെ​യ്യാ​ൻ എ​ത്തി​യി​രു​ന്നു.
യു.​ഡി.​എ​ഫ് സ്ഥാ​നാ​ർ​ഥി സി.​എ​ച്ച് റ​ഷീ​ദ് ക​ട​പ്പു​റം സ്കൂ​ളി​ലെ 191-ാം ബൂ​ത്തി​ൽ വോ​ട്ട് രേ​ഖ​പ്പെ​ടു​ത്തി.
ഭാ​ര്യ ഫാ​ത്തി​മ, മ​ക​ൻ ഇ​ഹ്സാ​ൻ, ഇ​ള​യ മ​ക​ൾ ആ​യി​ഷ എ​ന്നി​വ​രോ​ടൊ​പ്പ​മാ​ണ് എ​ത്തി​യ​ത്. സി.​പി.​എം ജി​ല്ല സെ​ക്ര​ട്ട​റി കെ. ​വി അ​ബ്ദു​ൽ ഖാ​ദ​ർ ക​ട​പ്പു​റം പ​ഞ്ചാ​യ​ത്തി​ലെ ബ്ലാ​ങ്ങാ​ട് പി. ​വി. എം ​എ.​എ​ൽ.​പി സ്കൂ​ളി​ൽ വോ​ട്ട് ചെ​യ്തു.