''ജയിലിൽ പോകണം...'' സ്​റ്റേഷനിൽ പരാക്രമം; എസ്​.ഐക്ക്​ പരിക്ക്

ചി​റ്റാ​ര്‍: ത​ന്നെ ഏ​തെ​ങ്കി​ലും കേ​സി​ല്‍ പ്ര​തി​യാ​ക്കു​മോ എ​ന്ന് ആ​ക്രോ​ശി​ച്ച് ചി​റ്റാ​ർ പൊ​ലീ​സ് സ്റ്റേ​ഷ​നി​ല്‍ എ​ത്തി​യ അ​ക്ര​മി ഗ്രേ​ഡ് എ​സ്.​ഐ​യെ ച​വി​ട്ടു​ക​യും സ്റ്റേ​ഷ​ന്‍ ഉ​പ​ക​ര​ങ്ങ​ള്‍ ന​ശി​പ്പി​ക്കു​ക​യും ചെ​യ്തു. നി​ര​വ​ധി മോ​ഷ​ണ​ക്കേ​സു​ക​ളി​ലെ പ്ര​തി​യാ​യ ഷാ​ജി തോ​മ​സി​നെ (അ​ച്ചാ​യി- 43) ഒ​ടു​വി​ൽ പൊ​ലീ​സ്​ അ​റ​സ്റ്റ്​ ചെ​യ്തു. ഗ്രേ​ഡ് എ​സ്.​ഐ സു​രേ​ഷ് പ​ണി​ക്ക​ര്‍ക്ക് ആ​ക്ര​മ​ണ​ത്തി​ല്‍ പ​രി​ക്കേ​റ്റു.

ബു​ധ​നാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് സം​ഭ​വം. ത​ന്നെ അ​റ​സ്റ്റ് ചെ​യ്യ​ണ​മെ​ന്ന് ആ​ക്രോ​ശി​ച്ച് അ​ക്ര​മാ​സ​ക്ത​നാ​യ ഇ​യാ​ൾ സ്റ്റേ​ഷ​നി​ലെ ക​മ്പ്യൂ​ട്ട​ര്‍ സ്കാ​ന​റും ക​സേ​ര​ക​ളും നി​ല​ത്ത​ടി​ച്ച് ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു. സ്​​റ്റേ​ഷ​ന്​ പു​റ​ത്തു​ക​ട​ന്ന്​ അ​തു​വ​ഴി​വ​ന്ന സ്വ​കാ​ര്യ ബ​സി​നു​നേ​രെ ക​ല്ലെ​റി​ഞ്ഞു. തു​ട​ര്‍ന്ന് ബ​സ് ജീ​വ​ന​ക്കാ​രാ​ണ് ഷാ​ജി​യെ പി​ടി​കൂ​ടി പൊ​ലീ​സി​ല്‍ ഏ​ൽ​പി​ച്ച​ത്.

പൊ​ലീ​സ് സ്റ്റേ​ഷ​നി​ല്‍ എ​ത്തി​ച്ച് വി​ല​ങ്ങ​ണി​ച്ച് നി​ര്‍ത്തി​യെ​ങ്കി​ലും വീ​ണ്ടും അ​ക്ര​മാ​സ​ക്ത​നാ​യി. സ്​​റ്റേ​ഷ​നി​ൽ 25,000 രൂ​പ​യു​ടെ നാ​ശ​ന​ഷ്ട​മു​ണ്ടാ​യ​താ​യി എ​ഫ്.​ഐ.​ആ​റി​ല്‍ പ​റ​യു​ന്നു.

സ്വ​കാ​ര്യ ബ​സി​ന്റെ ഗ്ലാ​സ് ത​ക​ര്‍ത്ത​തു​മാ​യി ബ​ന്ധ​പ്പെ​ട്ടും മ​റ്റൊ​രു കേ​സ്​ ര​ജി​സ്റ്റ​ര്‍ ചെ​യ്തി​ട്ടു​ണ്ട്. ഇ​യാ​ളെ കോ​ടി​യി​ല്‍ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. നി​ര​വ​ധി മോ​ഷ​ണ​ക്കേ​സി​ല്‍ പ്ര​തി​യാ​യ ഷാ​ജി തോ​മ​സ് ജ​യി​ലി​ലെ സ്ഥി​രം അ​ന്തേ​വാ​സി​യാ​ണ്. ഒ​രു​മാ​സ​മാ​യി ജ​യി​ലി​ല്‍നി​ന്ന് പു​റ​ത്തി​റ​ങ്ങി​യി​ട്ട്.