റാന്നി-കോഴഞ്ചേരി പാതയിൽ യാത്രാദുരിതം

റാ​ന്നി: റാ​ന്നി​യി​ൽ​നി​ന്ന്​ കോ​ഴ​ഞ്ചേ​രി​യിലേക്ക് ഗ​താ​ഗ​ത​ത്തി​ന് ര​ണ്ട് റോ​ഡ് ഉ​ണ്ട​ങ്കി​ലും യാ​ത്രാദു​രി​തം വി​ട്ടൊ​ഴി​യാ​തെ ജനം. പ​മ്പാ​ന​ദി​ക്ക് സ​മാ​ന്ത​ര​മാ​യി റാ​ന്നി​യി​ൽനി​ന്ന്​ കോ​ഴ​ഞ്ചേ​രി​യി​ലേ​ക്ക് ര​ണ്ട് കി​ലോ​മീ​റ്റ​ർ വ്യ​ത്യാ​സ​ത്തി​ലാ​ണ് റോ​ഡു​ക​ളു​ള്ള​ത്. ര​ണ്ടും യാ​ത്ര ചെ​യ്യാ​ൻ പ​റ്റാ​ത്ത അ​വ​സ്ഥ​യി​ലാ​ണ്. പു​ത​മ​ൺ​പാ​ലം ത​ക​ർ​ന്ന​തി​നെ തു​ട​ർ​ന്ന്​ പു​ത​മ​ൺ വ​ഴി കോ​ഴ​ഞ്ചേ​രി​ക്കു​ള്ള ഉ​ന്ന​ത നി​ല​വാ​ര​ത്തി​ൽ വി​ക​സി​പ്പി​ച്ച റോ​ഡി​ൽ ക​ഴി​ഞ്ഞ ഒ​ന്ന​ര വ​ർ​ഷ​മാ​യി ഗ​താ​ഗ​തം നി​രോ​ധി​ച്ചി​രി​ക്കു​ക​യാ​ണ്.

പു​ത​മ​ൺ പാ​ലം അ​ട​ച്ച​തോ​ടെ പ്ര​ദേ​ശ​മാ​കെ ഒ​റ്റ​പ്പെ​ട്ട നി​ല​യി​ലാ​ണ്. ജ​നു​വ​രി 26ന് ​പാ​ലം അ​ട​ച്ച​ശേ​ഷം ഗ​താ​ഗ​തം തി​രി​ച്ചു​വി​ട്ട​ത് ചെ​റു​കോ​ൽ​പ്പു​ഴ റോ​ഡി​ലേ​ക്കാ​ണ്. ഈ ​റോ​ഡും ത​ക​ർ​ന്ന​നി​ല​യി​ലാ​ണ്. പ്ര​തി​സ​ന്ധി പ​രി​ഹ​രി​ക്ക​ണ​മെ​ന്നാ​വ​ശ്യ​പ്പെ​ട്ട് ഒ​ട്ടേ​റെ പ്ര​ക്ഷോ​ഭ​ങ്ങ​ൾ ഉ​ണ്ടാ​യി.

എ​ന്നാ​ൽ, മേ​യ് അ​വ​സാ​ന​മാ​ണ് താ​ൽ​കാ​ലി​ക പാ​ത കൊ​ണ്ടു​വ​രാ​മെ​ന്ന് തീ​രു​മാ​നം എ​ടു​ക്കു​ന്ന​ത്. എ​ന്നാ​ൽ, അ​നു​മ​തി ല​ഭി​ച്ച് ടെ​ൻ​ഡ​ർ പൂ​ർ​ത്തി​യാ​ക്കി താ​ൽ​കാ​ലി​ക പാ​ത നി​ർ​മാ​ണം ആ​രം​ഭി​ച്ച​ത് ആ​ഴ്ച​ക​ൾ​ക്ക് മു​മ്പാ​ണ്. മ​ഴ കാ​ര​ണം പ്ര​വൃ​ത്തി സാ​വ​ധാ​ന​ത്തി​ലാ​ണ് പു​രോ​ഗ​മി​ക്കു​ന്ന​ത്. പെ​രു​ന്തോ​ടി​നു​ള്ളി​ൽ പൈ​പ്പ് സ്ഥാ​പി​ച്ച് മ​ണ്ണി​ട്ട് നി​ർ​മി​ക്കു​ന്ന പാ​ത മ​ഴ​പെ​യ്ത​തോ​ടെ ചെ​ളി​ക്കു​ഴി​യാ​യി മാ​റി. വെ​ള്ളം ഒ​ഴു​കു​ന്ന തോ​ട്ടി​ൽ ക​ല്ല​ടു​ക്കു​ന്ന ന​ട​പ​ടി പു​രോ​ഗ​മി​ക്കു​ന്നേ​യു​ള്ളു.

ര​ണ്ടാ​മ​ത്തേ റോ​ഡാ​യ -ചെ​റു​കോ​ൽ​പ്പു​ഴ- മേ​നാം തോ​ട്ടം​റോ​ഡ് ത​ക​ർ​ന്നു​കി​ട​ക്കു​ന്ന​ത് തീ​ർ​ഥാ​ട​ക​രെ​യും യാ​ത്ര​ക്കാ​രെ​യും വ​ല​ക്കു​ന്ന​താ​ണ്. തി​രു​വാ​ഭ​ര​ണ​ ഘോ​ഷയാ​ത്ര ക​ട​ന്നു​പോ​കു​ന്ന പ​ര​മ്പ​രാ​ഗ​ത പാ​ത​യാ​ണി​ത്.

പു​ത​മ​ൺ പാ​ല​ത്തി​ലൂ​ടെ ഗ​താ​ഗ​തം നി​രോ​ധി​ച്ച​തോ​ടെ കോ​ഴ​ഞ്ചേ​രി​യി​ൽ​നി​ന്ന് റാ​ന്നി​യി​ലേ​ക്കു​ള്ള പ്ര​ധാ​ന ആ​ശ്ര​യ​മാ​യി​രു​ന്ന ചെ​റു​കോ​ൽ​പ്പു​ഴ-​റാ​ന്നി റോ​ഡ് വാ​ഹ​ന​ഗ​താ​ഗ​തം കൂ​ടി​യ​തി​നെ തു​ട​ർ​ന്ന് സ​ഞ്ചാ​ര​യോ​ഗ്യ​മ​ല്ലാ​താ​യി. റോ​ഡി​ലെ ചെ​റി​യ കു​ഴി​ക​ൾ വ​ലു​താ​യി മ​ഴ​വെ​ള്ളം കെ​ട്ടി​ക്കി​ട​ക്കു​ന്ന​തു​മൂ​ലം ഇ​രു​ച​ക്ര​വാ​ഹ​ന​ങ്ങ​ളും ഓ​ട്ടോ​റി​ക്ഷ​ക​ളും നി​ര​ന്ത​ര​മാ​യി അ​പ​ക​ട​ത്തി​ൽ​പെ​ടു​ന്നു​ണ്ട്. റോ​ഡി​ന്‍റെ വീ​തി​യെ ചൊ​ല്ലി ഇ​രു​വി​ഭാ​ഗ​ങ്ങ​ളു​ടെ ത​ർ​ക്ക​ത്തി​ൽ കു​രു​ങ്ങി പു​ന​ർ​നി​ർ​മാ​ണം എ​ങ്ങും എ​ത്താ​താ​യി.

കി​ഫ്ബി പ​ദ്ധ​തി​യി​ൽ ഉ​ൾ​പ്പെ​ടു​ത്തി കോ​ഴ​ഞ്ചേ​രി-​ചെ​റു​കോ​ൽ​പ്പു​ഴ റാ​ന്നി റോ​ഡ് 13.6 മീ​റ്റ​ർ വീ​തി​യി​ൽ വി​ക​സി​പ്പി​ക്കാ​ൻ 54.61 കോ​ടി രൂ​പ അ​നു​വ​ദി​ച്ചി​രു​ന്നു. വീ​തി സം​ബ​ന്ധി​ച്ചാ​യി​രു​ന്നു ത​ർ​ക്കം.