മ​ലി​ന​ജ​ല സം​സ്ക​ര​ണ​ം; പരിഹാരം തൃ​ത്താ​ലയിലുണ്ട്

തൃ​ത്താ​ല: മ​ലി​ന​ജ​ല​ത്തെ ഫ​ല​പ്ര​ദ​മാ​യി സം​സ്‌​ക​രി​ക്കാ​ന്‍ തൃ​ത്താ​ല മ​ണ്ഡ​ല​ത്തി​ല്‍ സോ​ക്ക് പി​റ്റ് സം​വി​ധാ​ന​മൊ​രു​ങ്ങി. പ​ദ്ധ​തി ഉ​ദ്ഘാ​ട​നം ശ​നി​യാ​ഴ്ച വൈ​കീ​ട്ട് മൂ​ന്നി​ന് മേ​ഴ​ത്തൂ​ര്‍ റീ​ജ​ന്‍സി ഓ​ഡി​റ്റോ​റി​യ​ത്തി​ല്‍ മ​ന്ത്രി എം.​ബി. രാ​ജേ​ഷ് നി​ര്‍വ​ഹി​ക്കും. സു​സ്ഥി​ര തൃ​ത്താ​ല​യു​ടെ​യും മാ​ലി​ന്യ​മു​ക്ത ന​വ​കേ​ര​ളം പ​ദ്ധ​തി​യു​ടെ​യും ഭാ​ഗ​മാ​യി തൃ​ത്താ​ല മ​ണ്ഡ​ല​ത്തി​ലെ പൊ​തു​സ്ഥ​ല​ങ്ങ​ളി​ല്‍ അ​ജൈ​വ മാ​ലി​ന്യ ശേ​ഖ​ര​ണ​ത്തി​നാ​യി സ്ഥാ​പി​ക്കു​ന്ന ബി​ന്നു​ക​ളു​ടെ വി​ത​ര​ണോ​ദ്ഘാ​ട​ന​വും മ​ന്ത്രി നി​ര്‍വ​ഹി​ക്കും.

പ്ര​ദേ​ശ​ത്തെ നി​ശ്ചി​ത വീ​ടു​ക​ളെ ക​മ്മ്യൂ​ണി​റ്റി​യാ​യി തി​രി​ച്ച് അ​ടു​ക്ക​ള, കു​ളി​മു​റി എ​ന്നി​വി​ട​ങ്ങ​ളി​ല്‍ നി​ന്നു​ള്ള മ​ലി​ന ജ​ലം ക​മ്യൂ​ണി​റ്റി സോ​ക്ക് പി​റ്റി​ല്‍ സം​സ്‌​ക​രി​ക്കും. സോ​ക്ക് പി​റ്റി​ലേ​ക്ക് മ​ലി​ന​ജ​ലം ഒ​ഴു​ക്കി​വി​ടു​ന്ന​തി​ലൂ​ടെ, മാ​ലി​ന്യം മ​ണ്ണി​ലൂ​ടെ സ്വാ​ഭാ​വി​ക​മാ​യി ഫി​ല്‍ട്ട​ര്‍ ചെ​യ്യ​പ്പെ​ടും. പ​രി​സ്ഥി​തി മ​ലി​നീ​ക​ര​ണം കു​റ​ക്കാ​നും ശു​ചി​ത്വം നി​ല​നി​ര്‍ത്തു​ന്ന​തി​നും പ​ദ്ധ​തി ഉ​പ​കാ​ര​പ്ര​ദ​മാ​ണ്. കൂ​ടാ​തെ, മ​ലി​ന​ജ​ല ശേ​ഖ​ര​ണ​വു​മാ​യി ബ​ന്ധ​പ്പെ​ട്ട ദു​ര്‍ഗ​ന്ധം ല​ഘൂ​ക​രി​ക്കാ​നും ക​ഴി​യും.

ആ​ദ്യ​ഘ​ട്ടം ചാ​ലി​ശ്ശേ​രി, നാ​ഗ​ല​ശ്ശേ​രി തൃ​ത്താ​ല പ​ഞ്ചാ​യ​ത്തു​ക​ളി​ലെ ന​ഗ​റു​ക​ളി​ലാ​ണ് സോ​ക്ക് പി​റ്റ് പൂ​ര്‍ത്തീ​ക​രി​ച്ച​ത്. മ​റ്റ് പ​ഞ്ചാ​യ​ത്തു​ക​ളി​ലും പ​ദ്ധ​തി​ക​ള്‍ പൂ​ര്‍ത്തീ​ക​രി​ക്കും. മ​ണ്ഡ​ല​ത്തി​ലെ എ​ട്ട് ഗ്രാ​മ​പ​ഞ്ചാ​യ​ത്തു​ക​ളി​ലാ​യി തി​ര​ഞ്ഞെ​ടു​ത്ത 75 കേ​ന്ദ്ര​ങ്ങ​ളി​ലാ​ണ് ബി​ന്നു​ക​ള്‍ സ്ഥാ​പി​ക്കു​ന്ന​ത്.