ബ​സു​ക​ളു​ടെ അ​ന​ധി​കൃ​ത സ്റ്റോ​പ്പ്; റോ​ഡി​ൽ കു​രു​ക്കേ​റു​ന്നു

പാ​ല​ക്കാ​ട്: തി​ര​ക്കേ​റി​യ ന​ഗ​ര​ത്തി​ൽ സ്വ​കാ​ര്യ ബ​സു​ക​ളു​ടെ അ​ന​ധി​കൃ​ത സ്റ്റോ​പ്പ് ഗ​താ​ഗ​ത​ക്കു​രു​ക്കി​ന് കാ​ര​ണ​മാ​വു​ന്നു. അം​ഗീ​കൃ​ത സ്റ്റോ​പ്പി​ൽ വ​ശം ചേ​ർ​ത്ത് നി​ർ​ത്തു​ന്ന​തി​ന് പ​ക​രം റോ​ഡി​ന് ന​ടു​വി​ൽ നി​ർ​ത്തി​യാ​ണ് യാ​ത്ര​ക്കാ​രെ ഇ​റ​ക്കു​ന്ന​തും ക​യ​റ്റു​ന്ന​തും.

സ്റ്റോ​പ്പ് ഇ​ല്ലാ​ത്ത സ്ഥ​ല​ത്ത് നി​ന്നും പാ​ത​യു​ടെ ന​ടു​വി​ൽ പെ​ട്ടെ​ന്ന് ബ​സു​ക​ൾ നി​ർ​ത്തു​ന്ന​ത് പി​റ​കി​ൽ വ​രു​ന്ന വാ​ഹ​ന​ങ്ങ​ൾ അ​പ​ക​ട​ത്തി​ൽ​പ്പെ​ടു​ന്ന​തി​ന് കാ​ര​ണ​മാ​കു​ന്നു.

ഐ.​എം.​എ റോ​ഡി​ലാ​ണ് ട്രാ​ഫി​ക് ലം​ഘ​നം കൂ​ടു​ത​ലും ന​ട​ക്കു​ന്ന​ത്. സ്റ്റേ​ഡി​യം സ്റ്റാ​ൻ​റി​ൽ നി​ന്നും വ​രു​ന്ന ബ​സു​ക​ളും സു​ൽ​ത്താ​ൻ​പേ​ട്ട ഭാ​ഗ​ത്തു നി​ന്നും വ​രു​ന്ന ബ​സു​ക​ളു​മാ​ണ് ഇ​വി​ടെ നി​ർ​ത്തു​ന്ന​ത്. സ്വ​കാ​ര്യ ബ​സു​ക​ൾ​ക്കു പു​റ​മെ ഒ​ല​വ​ക്കോ​ട് ഭാ​ഗ​ത്തു നി​ന്നും വ​രു​ന്ന കെ.​എ​സ്.​​ആ​ർ.​ടി.​സി​യും ഇ​വി​ടെ നി​ർ​ത്താ​റു​ണ്ട്. ട്രാ​ഫി​ക് പൊ​ലീ​സ്​ മു​ന്ന​റി​യി​പ്പു ബോ​ർ​ഡു സ്​​ഥാ​പി​ച്ചി​ട്ടു​ണ്ടെ​ങ്കി​ലും ഇ​തൊ​ന്നും കാ​ര്യ​മാ​ക്കാ​റി​ല്ല.

സ്റ്റേ​ഡി​യം സ്റ്റാ​ൻ​ഡി​ൽ നി​ന്നും പു​റ​പ്പെ​ടു​ന്ന മി​ക്ക ബ​സ്സു​ക​ളും ഇ​വി​ടെ യാ​ത്ര​ക്കാ​രെ ക​യ​റ്റാ​നാ​യി നി​ർ​ത്തു​ന്നു. ക​ൽ​മ​ണ്ഡ​പം ഭാ​ഗ​ത്തു നി​ന്നു​ള്ള ബ​സു​ക​ളും സ്വ​കാ​ര്യ വാ​ഹ​ന​ങ്ങ​ളും സ്റ്റേ​ഡി​യം ബൈ​പാ​സി​ലേ​ക്കു ക​യ​റി വേ​ണം സു​ൽ​ത്താ​ൻ​പേ​ട്ട റോ​ഡി​ലേ​ക്കു പ്ര​വേ​ശി​ക്കാ​നെ​ന്ന​തി​നാ​ൽ ഇ​വി​ടെ സ്വ​കാ​ര്യ ബ​സു​ക​ളു​ടെ പാ​ർ​ക്കി​ങ് പ​ല​പ്പോ​ഴും തി​ര​ക്കി​ന് കാ​ര​ണ​മാ​വു​ന്നു. ഇ​തി​നു പു​റ​മെ ഇ​വി​ടെ ഓ​ട്ടോ​ക​ൾ നി​ർ​ത്തി​യി​ടു​ന്ന​തും കു​രു​ക്കി​ന് കാ​ര​ണ​മാ​വു​ന്നു.

മു​നി​സി​പ്പ​ൽ സ്റ്റേ​ഡി​യ​ത്തി​ലും സ്റ്റേ​ഡി​യം ഗ്രൗ​ണ്ടി​ലു​മെ​ല്ലാം എ​ക്സ്​​ബി​ഷ​ൻ, സ​ർ​ക്ക​സ്, മേ​ള​ക​ൾ എ​ന്നി​വ​യൊ​ക്കെ തു​ട​ങ്ങു​ന്ന സ​മ​യ​ത്ത് സ​ന്ധ്യ മ​യ​ങ്ങു​ന്ന​തോ​ടെ തി​ര​ക്കേ​റു​ന്ന സ്​​ഥി​തി​യാ​ണ്. ചി​ല സ​മ​യ​ങ്ങ​ളി​ൽ ഇ​വി​ടെ ട്രാ​ഫി​ക് പൊ​ലീ​സ്​ ഗ​താ​ഗ​ത നി​യ​ന്ത്ര​ണ​ത്തി​നു​ണ്ടാ​കാ​റു​ണ്ട്. സ്റ്റേ​ഡി​യം സ്റ്റാ​ൻ​റി​നു മു​ന്നി​ലെ പ്ര​വ​ർ​ത്ത​ന​ര​ഹി​ത​മാ​യ സി​ഗ്ന​ൽ സം​വി​ധാ​ന​വും ഇ​ത്ത​ര​ത്തി​ൽ ബ​സ്സു​ക​ളു​ടെ അ​ന​ധി​കൃ​ത പാ​ർ​ക്കി​ങ്ങുമെ​ല്ലാം ഗ​താ​ഗ​ത​ക്കു​രു​ക്ക് സൃ​ഷ്​​ടി​ക്കാ​ൻ തു​ട​ങ്ങി​യി​ട്ട് കാ​ല​മേ​റെ​യാ​യി.

അ​ന​ധി​കൃ​ത പാ​ർ​ക്കി​ങ് നി​ർ​ബാ​ധം തു​ട​രു​മ്പോ​ൾ ക​ർ​ശ​ന ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യം ശ​ക​്ത​മാ​ണ്.