തൊ​ഴി​ലു​റ​പ്പ് വേ​ത​നം മു​ട​ങ്ങി​യി​ട്ട് മൂ​ന്നു​മാ​സം; തൊ​ഴി​ലാ​ളി​ക​ൾ ദു​രി​ത​ത്തി​ൽ

പാ​ല​ക്കാ​ട്: തൊ​ഴി​ലു​റ​പ്പ് മേ​ഖ​ല​യി​ൽ മൂ​ന്നു​മാ​സ​മാ​യി കൂ​ലി​മു​ട​ങ്ങി​യ​ത് തൊ​ഴി​ലാ​ളി​ക​ളു​ടെ ജീ​വി​തം ദു​രി​ത​ത്തി​ലാ​ക്കി. ന​വം​ബ​ർ വ​രെ​യു​ള്ള വേ​ത​ന​മാ​ണ് പ​ഞ്ചാ​യ​ത്തു​ക​ളി​ൽ​നി​ന്ന് തൊ​ഴി​ലാ​ളി​ക​ൾ​ക്ക് ല​ഭി​ച്ച​ത്. ജി​ല്ല​യി​ൽ 58.79 കോ​ടി രൂ​പ​യോ​ളം രൂ​പ ല​ഭി​ക്കാ​നു​ണ്ട്. ആ​ദി​വാ​സി വി​ഭാ​ഗ​ത്തി​ൽ​പ്പെ​ട്ട​വ​ർ​ക്ക് ഒ​രു​വ​ർ​ഷം 200 തൊ​ഴി​ൽ​ദി​ന​ങ്ങ​ൾ ന​ൽ​കി​യ​ത് ഉ​ൾ​പ്പെ​​​ടെ​യാ​ണ് ഇ​ത്ര​യും തു​ക.

മി​ക്ക തൊ​ഴി​ലാ​ളി​ക​ൾ​ക്കും 30 മു​ത​ൽ 50 ദി​വ​സം വ​രെ​യു​ള്ള കൂ​ലി ല​ഭി​ക്കാ​നു​ണ്ട്. കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ വി​ഹി​ത​മാ​ണ് വേ​ത​ന​മാ​യി അ​നു​വ​ദി​ക്കു​ന്ന​ത്. കേ​ന്ദ്ര​വി​ഹി​തം ല​ഭി​ക്കാ​തി​രി​ക്കു​ന്ന​താ​ണ് തൊ​ഴി​ലാ​ളി​ക​ളു​ടെ വേ​ത​ന​വി​ത​ര​ണ​ത്തെ ബാ​ധി​ക്കു​ന്ന​തെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. 100 ദി​വ​സ​ത്തി​ന് മു​ക​ളി​ൽ ജോ​ലി ചെ​യ്യു​ന്ന​വ​ർ​ക്ക് ട്രൈ​ബ​ൽ പ്ല​സ് പ​ദ്ധ​തി​പ്ര​കാ​രം സം​സ്ഥാ​ന സ​ർ​ക്കാ​ർ പ​ണം അ​നു​വ​ദി​ക്കു​ന്ന​തും ല​ഭി​ക്കു​ന്നി​ല്ല.

വേ​ത​നം ല​ഭി​ക്കാ​ൻ ഇ​നി​യും കാ​ല​താ​മ​സം നേ​രി​ട്ടാ​ൽ തൊ​ഴി​ലാ​ളി​ക​ൾ ഒ​റ്റ​ക്കെ​ട്ടാ​യി സ​മ​ര രം​ഗ​ത്തി​റ​ങ്ങു​മെ​ന്ന് തൊ​ഴി​ലാ​ളി​ക​ൾ പ​റ​ഞ്ഞു. ജി​ല്ല​യി​ൽ 1,52,682 തൊ​ഴി​ലാ​ളി​ക​ൾ​ക്കും 7,52,868 തൊ​ഴി​ൽ​ദി​ന​ങ്ങ​ൾ സൃ​ഷ്ടി​ച്ച​താ​യും 15,408 കു​ടും​ബ​ങ്ങ​ൾ 100 ​തൊ​ഴി​ൽ ദി​ന​ങ്ങ​ൾ പൂ​ർ​ത്തീ​ക​രി​ച്ച​താ​യും അ​ധി​കൃ​ത​ർ പ​റ​ഞ്ഞു.