സി​വി​ൽ സ്റ്റേ​ഷ​നി​ലെ കെ​ട്ടി​ട​ങ്ങ​ൾ സീ​ലി​ങ് അ​ട​ർ​ന്ന് അ​പ​ക​ടാ​വ​സ്ഥ​യി​ൽ

പാ​ല​ക്കാ​ട്: ദി​നം​പ്ര​തി നൂ​റു​ക​ണ​ക്കി​നാ​ളു​ക​ൾ വ​ന്നു​പോ​കു​ന്ന ഭ​ര​ണ​സി​രാ​കേ​ന്ദ്ര​മാ​യ സി​വി​ൽ സ്റ്റേ​ഷ​നി​ൽ കെ​ട്ടി​ട​ങ്ങ​ളു​ടെ സീ​ലി​ങ് അ​ട​ർ​ന്ന് അ​പ​ക​ടാ​വ​സ്ഥ​യി​ൽ. സി​മ​ന്‍റെ​ല്ലാം അ​ട​ർ​ന്നു​പോ​യി ഇ​രു​മ്പു​ക​മ്പി പു​റ​ത്തു​വ​ന്ന നി​ല​യി​ലാ​ണു​ള്ള​ത്. താ​ഴ​ത്തെ നി​ല​യി​ൽ ര​ജി​സ്ട്രേ​ഷ​ൻ വ​കു​പ്പ് മു​ത​ൽ ഒ​ന്നാം നി​ല​യി​ലേ​ക്കു​ള്ള കോ​ണി​പ്പ​ടി വ​രെ വി​വി​ധ ഭാ​ഗ​ങ്ങ​ളി​ലാ​യി സി​മ​ന്‍റ് അ​ട​ർ​ന്നു​പോ​യി​ട്ടു​ണ്ട്. ര​ജി​സ്ട്രേ​ഷ​നും മ​റ്റു​മാ​യി നി​ത്യേ​ന നി​ര​വ​ധി പേ​രാ​ണ് ര​ജി​സ്ട്രേ​ഷ​ൻ വ​കു​പ്പി​ന് മു​ന്നി​ൽ ഉ​ണ്ടാ​കാ​റു​ള്ള​ത്.

ഇ​വ​ർ​ക്ക് പു​റ​മേ മു​ദ്ര​പ​ത്ര​ങ്ങ​ൾ വി​ൽ​ക്കു​ന്ന​വ​രും രാ​വി​ലെ മു​ത​ൽ വൈ​കീ​ട്ട് വ​രെ ഈ ​വ​രാ​ന്ത​യി​ലാ​ണി​രി​ക്കു​ന്ന​ത്. താ​ഴ​ത്തെ നി​ല​ക്ക് പു​റ​മേ കെ​ട്ടി​ട​ത്തി​ന്‍റെ മ​റ്റു ഭാ​ഗ​ങ്ങ​ളി​ലും സീ​ലി​ങ് അ​ട​ർ​ന്നു​പോ​യി പൊ​ട്ടി​പ്പൊ​ളി​ഞ്ഞ് ക​മ്പി പു​റ​ത്തു​കാ​ണു​ന്നു​ണ്ട്. മ​ഴ പെ​യ്താ​ൽ ഈ ​ഭാ​ഗ​ത്ത് ചോ​ർ​ന്ന് മ​ഴ​വെ​ള്ളം ഒ​ലി​ച്ച് വ​രാ​ന്ത​യി​ൽ കെ​ട്ടി​നി​ൽ​ക്കാ​റു​ണ്ട്. വെ​ള്ളം കാ​ണാ​തെ കാ​ൽ​വ​ഴു​തി വീ​ഴാ​നു​ള്ള സാ​ധ്യ​ത​യു​മു​ണ്ട്. ക​ല​ക്ട​റു​ടെ ചേം​ബ​ർ ഒ​ഴി​കെ ഭാ​ഗ​ങ്ങ​ളി​ൽ മി​ക്ക​യി​ട​ത്തും ശോ​ച്യാ​വ​സ്ഥ​യാ​ണു​ള്ള​ത്. ചി​ല​യി​ട​ങ്ങ​ളി​ൽ പ്രാ​വു​ക​ളു​ടെ വി​സ​ർ​ജ്യം നി​റ​ഞ്ഞ് മ​ലി​ന​മാ​യി കി​ട​ക്കു​ന്നു​ണ്ട്.

മ​ഴ​ക്കാ​ല​പൂ​ർ​വ ശു​ചീ​ക​ര​ണ​ത്തി​ന്‍റെ ഭാ​ഗ​മാ​യും ശു​ചി​ത്വ ഡ്രൈ​വി​ന്‍റെ ഭാ​ഗ​മാ​യും മാ​ത്ര​മാ​ണ് ഇ​വി​ടെ ശു​ചീ​ക​ര​ണം ന​ട​ക്കാ​റു​ള്ള​ത്. ഏ​റ്റ​വും മു​ക​ളി​ലെ നി​ല​യി​ലെ ത​റ​യി​ൽ വി​രി​ച്ച ഇ​ന്‍റ​ർ​ലോ​ക്ക് ക​ട്ട​ക​ൾ പൊ​ട്ടി​യി​ട്ടു​ണ്ട്. ദി​വ​സ​വും വി​വി​ധ ആ​വ​ശ്യ​ങ്ങ​ൾ​ക്കാ​യി നി​ര​വ​ധി പേ​രാ​ണ് സി​വി​ൽ സ്റ്റേ​ഷ​നി​ലെ​ത്തു​ന്ന​ത്. സീ​ലി​ങ്ങി​ലെ സി​മ​ന്‍റ് അ​ട​ർ​ന്ന​ത് അ​പ​ക​ട​ഭീ​ഷ​ണി​യാ​യി തു​ട​രു​മ്പോ​ഴും ഇ​വി​ടെ​യു​ള്ള ഒ​ട്ടേ​റേ വ​കു​പ്പു​ക​ളും ഉ​ന്ന​ത ഉ​ദ്യോ​ഗ​സ്ഥ​രു​മൊ​ന്നും ഇ​ത് ശ്ര​ദ്ധി​ച്ച മ​ട്ടി​ല്ല.