പൂട്ടിയിട്ട വീട്ടില്‍നിന്ന് 27 പവൻ സ്വര്‍ണവും പണവും കവര്‍ന്ന കേസിലെ പ്രതി അറസ്റ്റിൽ

മ​ണ്ണാ​ര്‍ക്കാ​ട്: മ​ണ്ണാ​ര്‍ക്കാ​ട് ശി​വ​ന്‍കു​ന്നി​ല്‍ പൂ​ട്ടി​യി​ട്ട വീ​ട്ടി​ല്‍നി​ന്ന് സ്വ​ര്‍ണ​വും പ​ണ​വും ക​വ​ര്‍ന്ന കേ​സി​ലെ പ്ര​തി​യെ മ​ണ്ണാ​ര്‍ക്കാ​ട് പൊ​ലീ​സ് അ​റ​സ്റ്റ് ചെ​യ്തു. കോ​ഴി​ക്കോ​ട് ചെ​ല​വൂ​ര്‍ മാ​യ​നാ​ട് താ​ഴെ​ച​പ്പ​ങ്ങ​തോ​ട്ട​ത്തി​ല്‍ സി.​ടി. ഷാ​ലു​വാ​ണ് (39) അ​റ​സ്റ്റി​ലാ​യ​ത്. നി​ര​വ​ധി മോ​ഷ​ണ​ക്കേ​സു​ക​ളി​ല്‍ പ്ര​തി​യാ​ണ് ഇ​യാ​ൾ. ത​മി​ഴ്‌​നാ​ട് ഉ​ദു​മ​ല്‍പേ​ട്ട​യി​ലെ ഭാ​ര്യ​വീ​ട്ടി​ലേ​ക്ക് പോ​കു​ന്ന​തി​നി​ടെ​യാ​ണ് ഉ​ദു​മ​ല്‍പേ​ട്ട ബ​സ് സ്റ്റാ​ന്‍ഡി​ല്‍വെ​ച്ച് സി.​ഐ എം.​ബി. രാ​ജേ​ഷി​ന്റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘം പി​ടി​കൂ​ടി​യ​ത്. അ​റ​സ്റ്റ് രേ​ഖ​പ്പെ​ടു​ത്തി​യ​ശേ​ഷം, മോ​ഷ്ടി​ച്ച സ്വ​ര്‍ണം വി​റ്റു​വെ​ന്നു​പ​റ​യു​ന്ന മ​ല​പ്പു​റ​ത്തെ ജ്വ​ല്ല​റി​യി​ലേ​ക്ക് തെ​ളി​വെ​ടു​പ്പി​നാ​യി കൊ​ണ്ടു​പോ​യി.

മേ​യ് 31നാ​ണ് ശി​വ​ന്‍കു​ന്ന് ശ്രീ​ല​യ​ത്തി​ല്‍ റി​ട്ട. അ​ധ്യാ​പ​ക​ന്‍ ശ്രീ​ധ​ര​ന്റെ വീ​ട്ടി​ൽ ക​വ​ര്‍ച്ച ന​ട​ന്ന​വി​വ​രം പു​റ​ത്ത​റി​യു​ന്ന​ത്. 27.2 പ​വ​ന്‍ സ്വ​ര്‍ണ​വും 12,500 രൂ​പ​യും ന​ഷ്ട​പ്പെ​ട്ട​താ​യാ​ണ് പ​രാ​തി. ശ്രീ​ധ​ര​നും ഭാ​ര്യ​യും ബം​ഗ​ളൂ​രു​വി​ലെ മ​ക​ന്റെ വീ​ട്ടി​ലേ​ക്ക് പോ​യ​താ​യി​രു​ന്നു. മു​ന്‍വ​ശ​ത്തെ വാ​തി​ലി​ന്റെ താ​ഴ് മു​റി​ച്ചാ​ണ് മോ​ഷ്ടാ​വ് അ​ക​ത്തു​ക​യ​റി​യ​ത്. തു​ട​ര്‍ന്ന് മു​ക​ളി​ലെ​യും താ​ഴെ​യു​മു​ള്ള മു​റി​ക​ളി​ലെ അ​ല​മാ​ര​യി​ല്‍ സൂ​ക്ഷി​ച്ച സ്വ​ര്‍ണ​വും പ​ണ​വും ക​വ​രു​ക​യാ​യി​രു​ന്നു.

വാ​തി​ല്‍ തു​റ​ന്നു​കി​ട​ക്കു​ന്ന​തു​ക​ണ്ട് അ​യ​ല്‍വാ​സി​യാ​യ സ്ത്രീ ​വീ​ട്ടു​കാ​രെ വി​ളി​ച്ചു​നോ​ക്കി​യി​ട്ടും പ്ര​തി​ക​ര​ണ​മു​ണ്ടാ​കാ​ത്ത​തി​നെ തു​ട​ര്‍ന്ന് സ​മീ​പ​ത്തു​ള്ള​വ​രെ അ​റി​യി​ച്ചു. വി​വ​ര​മ​റി​യി​ച്ച​പ്ര​കാ​രം പൊ​ലീ​സെ​ത്തി പ​രി​ശോ​ധി​ച്ച​പ്പോ​ഴാ​ണ് മോ​ഷ​ണം ന​ട​ന്ന​താ​യി സ്ഥി​രീ​ക​രി​ച്ച​ത്. വീ​ട്ടി​ല്‍നി​ന്നും ക​വ​ര്‍ന്ന ടാ​ബ് സ​മീ​പ​ത്തെ റോ​ഡി​ല്‍ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. തു​ട​ര്‍ന്ന് വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്‌​ക്വാ​ഡും സ്ഥ​ല​ത്തെ​ത്തി പ​രി​ശോ​ധ​ന​യും ന​ട​ത്തി​യി​രു​ന്നു. സ​മീ​പ​ത്തെ സി.​സി.​ടി.​വി ദൃ​ശ്യ​ങ്ങ​ള്‍ പൊ​ലീ​സ് പ​രി​ശോ​ധി​ച്ചി​രു​ന്നു. ഇ​തി​ല്‍നി​ന്നും മോ​ഷ്ടാ​വി​നെ​ക്കു​റി​ച്ചു​ള്ള സൂ​ച​ന ല​ഭി​ച്ചു.

പ​ക​ല്‍സ​മ​യം വാ​ഹ​ന​ത്തി​ലെ​ത്തി ഗേ​റ്റും വീ​ടി​ന്റെ വാ​തി​ലും പൂ​ട്ടി​ക്കി​ട​ക്കു​ന്ന വീ​ടു​ക​ള്‍ നോ​ക്കി​വെ​ച്ച് രാ​ത്രി​യി​ല്‍ എ​ത്തി വീ​ട്ടു​കാ​ര്‍ ഇ​ല്ലെ​ന്ന് ഉ​റ​പ്പാ​ക്കി മോ​ഷ​ണം ന​ട​ത്തു​ക​യാ​ണ് രീ​തി. മോ​ഷ​ണം ന​ട​ത്തി​യ​ശേ​ഷം പ്ര​തി ന​ട​ന്നു​പോ​വു​ന്ന​തി​ന്റെ ദൃ​ശ്യ​ങ്ങ​ൾ പൊ​ലീ​സ് ക​ണ്ടെ​ത്തി​യി​രു​ന്നു. തു​ട​ര്‍ന്ന് മോ​ഷ​ണ​ക്കേ​സു​ക​ളി​ല്‍ പി​ടി​യി​ലാ​യ​വ​രു​ടെ പേ​രു​വി​വ​ര​ങ്ങ​ളും ചി​ത്ര​ങ്ങ​ളും ശേ​ഖ​രി​ച്ചാ​ണ് പ്ര​തി​യി​ലേ​ക്കെ​ത്തി​യ​തെ​ന്ന് സി.​ഐ പ​റ​ഞ്ഞു.എ​സ്‌.​ഐ ജ​സ്‍വി​ൻ ജോ​യ്, എ.​എ​സ്‌.​ഐ​മാ​രാ​യ പ്ര​ശോ​ഭ്, സ​തീ​ഷ്‌​കു​മാ​ര്‍, എ​സ്.​സി.​പി.​ഒ​മാ​രാ​യ ഗി​രീ​ഷ്, റം​ഷാ​ദ് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.